Левит 7:31 - Библи

³¹ Өөхыень санаарта үргэлэй шэрээ дээрэ шатааха, харин үбсүүниинь Аһароонтоной болохо ёһотой.

Левит 7:31 Referencias Cruzadas

Египедһээ гаралга 29:26

Аһарооной һахилай үргэл болохо хусын үбсүүень абаад, Эзэнэй үмэнэ дэен дэлгэхэш. Тэрэ шинии хуби болоно.

Левит 3:11

эдэ бүгэдые санаарта үргэлэй шэрээ дээрэ галдаха ёһотой. Энэ галай эдеэн – Эзэндэ үргэл мүн.

Левит 3:16

Эдэ бүгэдые санаарта үргэлэй шэрээ дээрэ галдаха ёһотой. Энэ галай эдеэн – таатай һайхан хуншуу үнэр гээшэ; бүхы өөхэн Эзэндэ зорюулагдаха ёһотой.

Левит 3:5

Аһарооной хүбүүд бүгэдыень үргэлэй шэрээ дээрэ абаашаад, носожо байгаа түлеэн дээрэхи түгэс шатаалта үргэлтэй хамта галдаха. Энэ хадаа Эзэндэ таатай һайхан үргэл, хуншуу үнэр гээшэ.

Левит 5:13

Тиигээд санаарта али нэгэ нүгэл хэһыень арюудхаха. Тиигэжэ үршөөл хайра олгогдохо. Талхан үргэл мэтээр санаартада хүртэн үгтэхэ.

Левит 6:16

Бусадыень Аһароон хүбүүдтэеэ эдихэ ёһотой. Хилээмэ эһээлтэгүйгөөр, нангин газарта эдихэ хэрэгтэй – майхан һүмын хашаа соо.

Левит 6:26

Нүгэлөө сагааруулха тахил бүтээгшэ санаарта энээнһээ хүртэхэ ёһотой. Хүртэхэдөө, нангин арюун газарта эдихэ ёһотой – майхан һүмын хашаа соо.

Левит 7:34

Юундэб гэхэдэ, Би израильшуудай амгалан байдалай түлөө үргэлнүүдһээ бэлэг болгон үргэгдэхэ үбсүү болон бэлэг болгон үргэгдэхэ гуя абаад, Аһароон санаартада, тэрээнэй хүбүүдтэнь хуби болгон, израильшуудай зүгһөө мүнхэ тогтоолоор баринаб.

Левит 8:29

Тиигээд Моисей һахилай үргэл болохо хусын үбсүүень абаад, Эзэнэй үмэнэ дэен дэлгэбэ. Эзэнэй Моисейдэ захирһаар, энэ хадаа һахил хүртөөлгын үргэлһөө Моисейн хуби байгаа.

Тоололго 18:11

Израильшуудай асарһан бүхы үргэлнүүд шинии хубита бэлэг болохо. Шамда, шинии хүбүүд болон басагадта Би эдэ үргэлнүүдые хэтын хэтэдэ үгэнэб. Шинии гэр бүлын хүн бүхэн сээрлэжэ, нүгэл хээгүй һаа, тэдэ бэлэгүүдыем эдихэдэнь болохо.

Тоололго 18:18

Эдэ малай мяхан, сээжэһээ халта дээшэнь даллан үргэдэг сээжэ үбсүүн болон баруун далань шинии болохо.

Коринфынхидтэ 1-дэхи 9:13

Һүмэдэ алба хэгшэдэй Һүмэһөө эдеэ хоолоо олодогые, тиин тахилай газарта ажаллагшадай тахилай юумэнһээ хубаалсажа абадагые таанад мэдэхэгүй аалта?

Хуули дабталга 18:3

Арад түмэнэй үргэлһөө санаартанай абаха хубинь гэбэл, үргэжэ байһан үхэр гү, али хониной хоёр үргэн, гэдэһэ дотор болоно.