Левит 7:21 - Библи

²¹ Хэрбэеэ али нэгэнэй бузартаад, хүнэй муухай юумэндэ хүрөөд, үгы һаа, малай бузарта гү, үгышье һаа бузартай хорхой шабхайда гар хүрөөд, Эзэнэй амгалан байдалай түлөө үргэлэй мяханһаа ама хүрөө һаань, тэрэ хүн арад түмэнэйнгөө тоодо тоологдохоёо болихо.

Левит 7:21 Referencias Cruzadas

Эхин 17:14

Энэ ёһолол хэнгүй үнгэрһэн хүниие Би Минии бэшэ гэжэ тоолохоб, юундэб гэхэдэ, тэрэ хүн Минии хэлсээ эбдэһэн болохо.

Египедһээ гаралга 12:15

Долоон үдэр эһээбэригүй талхаар болгоһон хилээмэ эдигты, анханһаа эхилжэ эһээбэри гэртээ үгы хэгты. Энэ долоон хоног соо эһээһэн юумэ эдиһэн хүн Израилиин хүн гэжэ бэшэ нэрлэгдэхэгүй.

Египедһээ гаралга 12:19

Долоон хоногой туршада танай гэртэ эһээбэри гэжэ байха ёһогүй, эһээһэн талхан зүйл амандаа хэһэн ямар ерүүлшье, тэрэ нютагайшье хүн байг илгаагүй, иимэ хүн Израилиин хүн гэжэ тоологдохоёо болихо.

Эзэкээл 33:25

Эзэкээл, тэдээндэ Минии, Эзэн Бурханай, иимэ айладхал дуулга: таанад мяха шуһатайнь хамта эдинэт, онгонуудта мүргэнэт, алалсаа, хүсэрхэлгэ үйлэдэнэт. Иимэ байхадатнай, газар яагаад танай байха юм?!

Эзэкээл 4:14

Гэбэшье би иигэжэ харюусабаб: – Хайрлыт, Эзэн Бурхан! Би өөрыгөө хэзээдэшье бузарлаагүй бэлэйб. Бага наһанһаа хойшо би үхэһэн малай һэе гү, али арьяатанда барюулһан амитанай хүүр хэзээдэшье эдижэ үзөөгүйлби. Сээртэй ямаршье эдеэ хоол баряагүйлби.

Левит 11:20

Ямаршье дүрбэн хүлтэ амитад, жэгүүртэн, мүлхигшэд танда сээртэй юм.

Левит 12:1

Эзэн Моисейдэ иигэжэ айладхаба:

Левит 17:10

Хэрбэеэ израильшуудай болон танай дунда ажаһуудаг ерүүл зоной хэн нэгэнэй юунэйб даа шуһа эдеэ һаань, тэрэ хүнһөө буруу харахаб, шуһа эдиһэн хүнэй ами наһыень таһалжа, үгы болгон хосороохоб.

Левит 17:14

Юундэб гэхэдэ, бүхы амитанай ами наһаниинь шуһан соонь юм, шуһаниинь тэрэнэй ами һүнэһэниинь мүн гээшэ. Тиимэһээ Би израильшуудта хэлээб: ямаршье юумэнэй шуһа бү эдигты, юундэб гэбэл, бүхы амитанай ами һүнэһэниинь тэрэнэй шуһан мүн гээшэ; шуһа эдиһэн хүн үхэжэ хосороогдохо.

Левит 18:29

Али хэн нэгэн энэ мэтэ жэгшүүринүүдые үйлэдөө һаа, тэрэ хүн ами наһаяа хосороожо һалаха.

Левит 19:8

Хэн гурбадахи үдэрэй үргэлһөө эдижэ захалааб, тэрэ хүн нүгэлтэй, Эзэнэй нангин шүтөөн бузарлаба гээшэ, ами наһаяа хосороохонь гээшэ.

Левит 20:3

Би уурлан тэдээн руу эрьехэб, нюураараа тэрэ хүниие харахаб, тэрэниие хюдажа алахаб. Тэрэ хүн хадаа Моолохто үхибүүдһээнь үгэжэ, нангин байрыем бузарлаа, нангин нэрыемни гутаагаа.

Левит 22:3

Тэдээндэ хэлэ: хэрбээ хэн нэгэн танай угһаа бузартай байгаад, израильшуудай Эзэндэ зорюулһан нангин зүйлнүүдтэ дүтэлөө һаань, Минии үмэнэһөө ами наһаниинь хосорхо. Би Эзэн гээшэб.

Левит 22:4

Хэн Аһарооной үри һадаһанһаа һэлхэ үбшэнтэйб, али бэеһээнь эдеэрэ гаража ябадаг бэ, тэрэ арюун нангин мүргэлэй эдеэ бэеынгээ арюун болотор эдихэ ёһогүй. Хэн нэгэнэй үхэһэн бузартай юумэндэ хүрөө һаань гү, али үрэһэнэйнь ехээр гараа һаань гү;

Левит 23:29

Энэ үдэр хүн бүхэн масаг бариха зэргэтэй, үгы һаа, арад зонһоо тусгаарлагдан һүнөөгдэхэ.

Левит 7:20

Хэрбэеэ бузартай хүнэй Эзэнэй амгалан байдалай түлөө үргэлэй мяханһаа ама хүрөө һаань, тэрэ хүн арад түмэнэйнгөө тоодо тоологдохоёо болихо.

Левит 7:22

Тиигээд Эзэн Моисейдэ үгүүлбэ:

Левит 7:25

Эзэндэ үргэгдэжэ байгаа малай өөхэ эдиһэн хүн Бурханай арадай нэгэн гэжэ тоологдохоёо болихо.

Левит 7:27

Хэрбэеэ хэн нэгэн ямаршье шуһа эдидэг байгаа һаа, арад түмэнэйнгөө тоодо тоологдохоёо болихо.

Тоололго 19:22

Бузартай алибаа хүнэй бузарлаагүй хүндэ гар хүрэбэлнь, тэрэ хүн бузарлагдаха. Тэрээндэ гар хүрэгшэ нэгэн үдэшэ болотор бузарлагданхай ябаха.

Хуули дабталга 14:10

Зүгөөр һэрбээгүй, хашарһагүй амитадые бү эдигты: тэдэ танда бузартай байха.

Хуули дабталга 14:3

Жэгшүүритэй муухай ямаршье юумэ бү эдигты.

1 Хаан түрэнүүд 20:26

Гэбэшье Саул тэрэ үдэр юушье хэлээгүй. Юуб гэхэдэ, тэрэ: «Гэнтын юумэн боложо болоо, тэрэ бэеэ бузарлаһан байгаа бэзэ», – гэжэ һанаба.