Левит 6:17 - Библи

¹⁷ Эһээлтэ хэрэглэн, тэрэниие барижа болохогүй. Өөрынгөө үргэлнүүдһээ тэдээнэй хубита болгон үгэнэ гээшэб. Энэ хадаа нангинай нангин зүйл гээшэ, нүгэл сагааруулгын үргэл болон гарза харюулгын үргэл мэтэ.

Левит 6:17 Referencias Cruzadas

Египедһээ гаралга 29:37

Үдэр дараалан, долоон үдэрэй туршада тэрэ ёһолол бүтээхэдэш, үргэлэй шэрээ нангинай нангин зүйл болохо. Тэрэнэй ойронь хүрэһэн бүхы юумэн нангин болохо.

Египедһээ гаралга 40:10

Түгэс шатаалта үргэлэй шэрээдэ ба тэрэнэй бүхы хэрэгсэлдэ нангин тоһо баһал сүршэхэш: үргэлэй шэрээ арюудхагдаха – тиигэжэ нангинай нангин болохо.

Левит 10:16

Нүгэл сагааруулгын үргэл болохо эшэгые Моисейн бэдэрхэдэнь, тэрэнь шатаагдашаһан байба. Энээниие мэдээд, Моисей Аһарооной үлэһэн Эльазаар Итамаар хоёр хүбүүдтэ уур сухалаа хүрөөд, иигэжэ хэлэбэ:

Левит 2:11

Эзэндэ талхан үргэл бүтээхэдээ, эһээлтэтэй талхаар бү баригты, юундэб гэхэдэ эһээлтэтэй гү, али балатай юумэн үргэлэй шатаалганда орохо ёһогүй.

Левит 2:3

Талхан үргэлэй үлэгдэл хадаа Аһароондо ба тэрээнэй хүбүүдтэ хүртэхэ ёһотой. Энэ хадаа нангин, юуб гэхэдэ, Эзэндэ үргэһэн үргэлнүүдһээ абтаһан мүн.

Левит 6:25

– Аһароондо, тэрэнэй хүбүүдтэ иигэжэ хэлэ: Энэ бол нүгэл сагааруулгын үргэлэй ёһо гурим гээшэ. Нүгэлөө сагааруулха тахилай мал Эзэнэй үмэнэ, түгэс шатаалта үргэлэй мал үүсэлдэг газарта гаргагдаха ёһотой. Энэ нангинай нангин зүйл гээшэ.

Левит 6:26

Нүгэлөө сагааруулха тахил бүтээгшэ санаарта энээнһээ хүртэхэ ёһотой. Хүртэхэдөө, нангин арюун газарта эдихэ ёһотой – майхан һүмын хашаа соо.

Левит 6:29

Санаарта угтай бүхы эрэшүүл энээние эдихэ эрхэтэй: энэ хадаа нангинай нангин шүтөөн гээшэ.

Левит 7:1

Энэ хадаа гарза харюулгын үргэлэй ёһо гурим гээшэ. Энэ болбол нангинай нангин зүйл мүн.

Левит 7:6

Бүхы санаарта эрэшүүл энээниие эдихэ эрхэтэй. Эдихэдээ, нангин газарта эдихэ ёһотой: энэ хадаа аргагүй ехэ нангин шүтөөн мүн.

Левит 7:7

Нүгэл сагааруулгын үргэл, мүн гарза харюулгын үргэл хоёр нэгэ ёһо гуримтай: үргэлэй юумэ үргэл бүтээһэн санаарта абаха эрхэтэй, юуб гэхэдэ, тэрэ арюудхана.

Пётрой 1-дэхи хандалга 2:22

Тэрэ ямаршье нүгэл хээгүй, Тэрэнэй худал юумэ хэлэжэ байхыень нэгэшье хүн дуулаагүй.