Левит 5:2 - Библи

² Хэрбээ али нэгэн эндүүржэ, бузартай юумэндэ гараараа хүрөө һаа, үхэһэн ангай бэедэ гү, үхэһэн малай бэедэ, үхэһэн бузартай могой хорхойдошье хүрөө һаа, тэрэ хүн бузартаһаншье, гэмтэйшье болоно.

Левит 5:2 Referencias Cruzadas

Исай 52:11

Ябагты, ябагты! Вавилоонһоо гарагты! Эзэнэй нангин үргөөгэй хэрэгсэлнүүдые үргэн ябаашад, бузар юумэндэ бү хүрэгты! Өөһэдыгөө арюунаар абан ябагты!

Левит 11:11

Тэдэ танда бузар буртаг болохо. Тэдэнэй мяхыень бү эдигты, үхэһэн бэеһээньшье жэрхэн холуур ябагты.

Левит 11:8

Тэдэнэй мяханһаа бү эдигты, һэедэньшье гар бү хүрэгты; танда бузартай байха.

Левит 4:13

Хэрбээ израильшуудай эндүүржэ, нүгэл хээд, тэрэнээ өөһэдөө мэдээгүй байгаа һаань, Эзэнэй зарлиг эбдээ һаань, хэхэгүй юумэ хээд, гэм зэмэтэй болоо һаань,

Левит 5:17

Юумэ мэдэхэгүй дээрэһээ Эзэнэй зарлигуудые эбдэжэ, хэхэгүй юумэ хэбэл, тэрэ хүн гэмтэй, нүгэлтэй болохо.

Левит 5:3

Хэрбээ хүнэй ямаршье бузар булай юумэндэ эндүүржэ хүрөөд, ойлгомторгүй ябаад, һүүлдэнь мэдээ һаа, тэрэ хүн гэмтэй.

Левит 5:4

Хэрбээ али нэгэн ама алдажа, ямаршье бодолгүйгөөр алибаа муу, һайншье хэрэгэй түлөө тангариг үгөөд, ойлгомторгүй ябаад, һүүлдэнь мэдээ һаа, тэрэ хүн гэмтэй болохо.

Левит 7:21

Хэрбэеэ али нэгэнэй бузартаад, хүнэй муухай юумэндэ хүрөөд, үгы һаа, малай бузарта гү, үгышье һаа бузартай хорхой шабхайда гар хүрөөд, Эзэнэй амгалан байдалай түлөө үргэлэй мяханһаа ама хүрөө һаань, тэрэ хүн арад түмэнэйнгөө тоодо тоологдохоёо болихо.

Хаггай 2:13

Хаггай асууба: – Хэрбээ хүүртэ хүрэжэ бузартаһан хүн эдэ бүгэдын али нэгэндэ хүрэбэл, тэрэ нь бузартаха гү? Санаартад харюусаба: – Бузартаха.

Тоололго 19:22

Бузартай алибаа хүнэй бузарлаагүй хүндэ гар хүрэбэлнь, тэрэ хүн бузарлагдаха. Тэрээндэ гар хүрэгшэ нэгэн үдэшэ болотор бузарлагданхай ябаха.

Лука 11:44

Таанад гашуудал үзэхэт! Таанад ямаршье тэмдэггүй хүүр мэтэт, хүнүүд гэшхэһэнээш мэдэнгүй дээгүүртнай ябадаг!

Коринфынхидтэ 2-дохи 6:17

«Тиимэһээ тэдэ һүзэггүй зоной оршолониие орхижо, тэдэ зонһоо холодогты. Бузар юумэндэ бү хүрэгты, тиигэбэл Би таанадые һайшаахаб.

Хуули дабталга 14:8

Тиигээд гахай аса туруутай байбашье, харин хибэдэһэ хибэдэггүй, тиимэһээ танда бузартай байха. Тэдэнэй мяханһаа бү эдигты, һэедэньшье гар бү хүрэгты; танда бузартай байха.