Левит 5:12 - Библи

¹² Тэрээнээ санаартада асархадань, тэрэнь дүүрэн адха гурил абаад, үргэлэй тэмдэг хуби гээд, Эзэндэ зорюулһан бэлэгүүдтэй хамта үргэлэй шэрээ дээрэ шатааха. Энэ хадаа нүгэл сагааруулгын үргэл болоно.

Левит 5:12 Referencias Cruzadas

Левит 1:13

Гэдэһэ доторыень, тагалсагуудыень уһаар угааха хэрэгтэй. Санаартан үргэлэй шэрээ дээрэ бултыень дэлгээгээд, шатааг. Энэ хадаа түгэс шатаалта үргэл гээшэ. Эзэндэ таатай һайхан үргэл, хуншуу үнэр гээшэ.

Левит 1:17

Далинуудһаань баряад, бэеынь хэдэн хуби болгон хүсэд һалгангүй татажа, санаартан тэрэнииень үргэлэй шэрээ дээрэ галда шатааг. Энэ хадаа түгэс шатаалта үргэл гээшэ. Эзэндэ таатай һайхан үргэл, хуншуу үнэр гээшэ.

Левит 1:9

Тагалсагуудыень, гэдэһэ доторыень уһаар угааха хэрэгтэй. Тиигээд санаартан эдэ бүгэдые үргэлэй шэрээ дээрэ шатаан үргэг. Энэ хадаа түгэс шатаалта үргэл гээшэ. Эзэндэ таатай һайхан үргэл, хуншуу үнэр гээшэ.

Левит 2:16

Санаарта тэрэ үргэлэй тэмдэг хубиие – зарим таряаень тоһотойнь, гүгэлтэйнь галда шатааха: энэ хадаа Эзэндэ үргэл болоно гээшэ.

Левит 2:2

Аһарооной санаарта хүбүүдтэ асараг лэ. Санаартан дүүрэн адха оливын тоһотой, гүгэлтэй гурил абаад, үргэлэй шэрээ дээрэ галдаг. Энэ хадаа үргэлэй тэмдэг хуби гээшэ, Эзэндэ таатай һайхан үргэл, хуншуу үнэр гээшэ.

Левит 2:9

Тэрэ үргэлһөөшни санаартан нэгэ хэдыень үргэлэй тэмдэг хуби гэжэ абаад, үргэлэй шэрээ дээрэ шатааха ёһотой: энэ хадаа Эзэндэ таатай һайхан үргэл, хуншуу үнэр гээшэ.

Левит 3:11

эдэ бүгэдые санаарта үргэлэй шэрээ дээрэ галдаха ёһотой. Энэ галай эдеэн – Эзэндэ үргэл мүн.

Левит 3:4

хоёр бөөрэ өөхэтэйнь, өөхэтэй эльгэ болон хүлэйнь өөхэ илгаад, үргэхэ.

Левит 4:35

Амгалан байдалай түлөө үргэһэн хониной өөхэ илгаһандал адляар, санаарта бүхы өөхыень илгаад, Эзэндэ үргэл болохыень үргэлэй шэрээ дээрэ тэрээниие галдаха. Иигэжэ санаарта хэһэн нүгэлыень арюудхаад, тэрээндэ хүлисэл үршөөгдэхэ.

Левит 5:11

Хэрбээ хоёр эмэ гү, али хоёр эрэ тагтаа шубуу асарха шадалгүй байгаа һаань, нүгэл сагааруулгын үргэл гэжэ эфаагай арбанай нэгэ хуби шэниисын гурил асараг. Тэрээн дээрээ оливын тоһо бү адхаг, гүгэл бү хэг, юундэб гэхэдэ, энэ хадаа нүгэл сагааруулгын үргэл гээшэ.

Левит 5:13

Тиигээд санаарта али нэгэ нүгэл хэһыень арюудхаха. Тиигэжэ үршөөл хайра олгогдохо. Талхан үргэл мэтээр санаартада хүртэн үгтэхэ.

Левит 6:15

Тиигээд санаарта нэгэ адха шэниисын талха, оливын тоһо, байһан бүхы гүгэл абаад, үргэлэй шэрээ дээрэ шатааха. Энэ хадаа үргэлэй тэмдэг хуби гээшэ, Эзэндэ таатай һайхан үргэл, хуншуу үнэр гээшэ.

Тоололго 5:26

Санаарта үргэлэй тэмдэг хуби болгон орооһон үргэлһөөнь нэгэ адха абаад, тэрэнээ үргэлэй шэрээ дээрэ табижа шатааг. Тиигээд онсо тусгаар уһа уухыень тэрэ эхэнэртэ үгэг.

Хэрэгүүд 10:4

Корнелий тэрэниие айн шэртэжэ: – Юун болооб даа, Эзэмни? – гэжэ асууба. – Шинии зальбарал болон хэһэн буяншни Бурханда хүрөө. Тэрэ шамайе һанана, – гээд Эльгээмэл Корнелидэ хэлэбэ. –

Эфесэйхиндэ 5:2

Христоосой бидэндэ дуратай байгаад, ами наһаяа хангалтай, Бурханда таатай тахил болгон маанадай түлөө үгэһэндэл адляар хайра дуранай жама ёһоор амидарагты.