Левит 4:35 - Библи

³⁵ Амгалан байдалай түлөө үргэһэн хониной өөхэ илгаһандал адляар, санаарта бүхы өөхыень илгаад, Эзэндэ үргэл болохыень үргэлэй шэрээ дээрэ тэрээниие галдаха. Иигэжэ санаарта хэһэн нүгэлыень арюудхаад, тэрээндэ хүлисэл үршөөгдэхэ.

Левит 4:35 Referencias Cruzadas

Левит 12:8

Хэрбээ нарайлһан эхэнэр хурьга асарха шадалгүй байгаа һаа, хоёр залуу тагтаа шубуу гү, али хоёр түүтэй шубуу, нэгыень түгэс шатаалта үргэл болгон, нүгөөдыень нүгэл сагааруулгын үргэл болгон асараг. Санаартын арюудхалга хэхэдэнь, тэрэ үдэрһөө хойшо нарайлһан эхэнэр арюун сэбэр гэжэ тоологдохо.

Левит 14:18

Тиигээд санаарта гарайнгаа альган дээрэ үлэһэн тоһоёо арюудхагдагша хүнэй толгойдо түрхижэ, арюудхаха ёһотой.

Левит 14:53

Тиигээд тэрэ амиды шубууе хотоһоо холо, хээрэ газарта абаашажа, табиха хэрэгтэй. Энэ мэтээр тэрэ гэр арюудхагдаад, сэбэр болохо.

Левит 15:15

Санаарта шубуудһаа нэгыень шэлэжэ, нүгэл сагааруулгын үргэл болгон үргэхэ, бэшэ шубуудыень түгэс шатаалта үргэл болгон үргэхэ. Тиигэжэ санаартан эдеэрэ гаран бузарлагдаһан хүниие Эзэнэй үмэнэ арюудхуулан хүлисүүлхэ юм.

Левит 19:22

Нүгэлыень арилгахын тула санаарта Эзэнэй үмэнэ хонёор гарза харюулгын үргэл үргэжэ, нүгэлыень арюудхаха, нүгэлыень сагааруулха ёһотой.

Левит 4:20

Нүгэл сагааруулгын үргэлдэ үргэһэн буруунтай юу хэдэг бэ, тэрээнииень бүтээхэ. Иигэжэ санаартын арюудхан бүтээхэдэнь, нүгэл хилэнсэнь арилгагдаха.

Левит 4:26

Амгалан байдалай түлөө үргэһэн үргэл шэнгеэр, бүхы өөхыень үргэлэй шэрээ дээрэ шатааг. Иигээд санаарта нүгэл хилэнсыень арюудхаад, тэрээндэ хүлисэл үршөөгдэхэ.

Левит 5:10

Нүгөөдыень номын ёһоор түгэс шатаалта үргэлдэ зорюулха. Тиигээд санаарта хэһэн нүгэлыень арюудхаад, тэрээндэ хүлисэл үршөөгдэхэ.

Левит 5:13

Тиигээд санаарта али нэгэ нүгэл хэһыень арюудхаха. Тиигэжэ үршөөл хайра олгогдохо. Талхан үргэл мэтээр санаартада хүртэн үгтэхэ.

Левит 5:6

нүгэл хэһэнэйнгээ түлөө Эзэндэ жэжэ малһаа хони гү, али ямаа асараад, нүгэл сагааруулгын үргэл үргэг. Санаарта нүгэлыень арюудхаха.

Левит 6:7

Тиигээд санаарта Эзэнэй үмэнэ тэрэнэй нүгэл сагааруулаад, тэрэ хүнэй гэмынь хүлисэгдэхэ.

Левит 9:7

Тиигээд Моисей Аһароондо хэлэбэ: – Үргэлэй шэрээ дээрэ нүгэл сагааруулгын өөрын үргэл болон түгэс шатаалта өөрын үргэл үргөөд, өөрыгөө ба арад зоноо арюудха. Эзэнэй захирһанай ёһоор, арад зонойнгоо түлөө нүгэл сагааруулгын үргэл үргэхэ хэрэгтэй.

Тоололго 15:25

Арад зоноо арюудхахын тула албата ажалаа санаарта хэг. Хүнүүд мэдэнгүй нүгэл хээд, хэһэн тэрэ нүгэлөө мэдэржэ, нүгэл сагааруулгын үргэлдэ, түгэс шатаалта үргэлдэ Эзэндэ үргэл-бэлэг асараг.

Тоололго 15:28

Тэрэнэй нүгэл арюудхахын тула санаарта Эзэнэй урда тахил мүргэл хэг. Тиихэдэнь тэрэ хүн эндүү алдуугаа мэдэржэ, нүгэлһөө арюудхан сэбэрлэгдэхэ.

Римэйхиндэ 10:4

Ушарынь хэлэбэл, һүзэглэһэн хүн бүхэнэй үнэн сэдьхэлтэй болохын тула Христоос Хуулиин зорилго бэелүүлнэ.

Римэйхиндэ 4:25

Бурхан манай нүгэл шэбэлэй түлөө Иисүүсые үхэлдэ үгөөд, үнэн сэдьхэлтэй байхымнай тула һүүлдэнь Тэрэниие амидыруулаа юм.

Римэйхиндэ 8:1

Иисүүс Христоостой нэгэдэн һууһан хүнүүд мүнөө зэмэлэгдэхэгүй.

Коринфынхидтэ 2-дохи 5:21

Бурхан маанадай түлөө ямаршье нүгэлгүй байһан Христоосто манай нүгэлнүүдые ашаа. Тиигэжэ бидэ Христоостой нэгэдэн, Бурханда зохистой болообди.

Эфесэйхиндэ 5:2

Христоосой бидэндэ дуратай байгаад, ами наһаяа хангалтай, Бурханда таатай тахил болгон маанадай түлөө үгэһэндэл адляар хайра дуранай жама ёһоор амидарагты.

Колоссынхидтэ 1:14

Тэрэ Хүбүүниинь бидэнэй нүгэлнүүдые хүлисөөд, бидэниие эрхэ сүлөөтэй болгоо.

Еврейнүүдтэ 1:3

Бурханай алдарай туяа сасаруулан, Бурханай шанар шэнжэтэй байжа, Тэрэ бүхы замбуулин дэлхэйе Өөрын үгын хүсөөр баридаг. Бидэниие нүгэлнүүдһээмнай арилгаад, огторгой дээрэ һүр жабхаланта Бурханай баруун талада һуугаа.

Еврейнүүдтэ 4:14

Бидэ Бурханай дэргэдэ байһан Бурханай Хүбүүн Иисүүс гэдэг агууехэ Ахамад Санаартатайбди. Тиимэһээ өөһэдынгөө шүтэжэ байгаа һүзэг этигэлые хатуугаар сахижа ябаял.

Еврейнүүдтэ 7:26

Үнэндөө Иисүүс маанадтал хэрэгтэй Ахамад Санаарта юм. Тэрэ болбол арюун гэгээн; харата хэрэгүүдые үйлэдөөгүй, нүгэл шэбэлдэ унаагүй; нүгэлтэ зонһоо илгаруулагдаад, тэнгэридэ дэгдүүлэгдээ.

Еврейнүүдтэ 9:14

Христоосой шуһан бузарнуудыень бүрин түгэс арилгадаг. Тэрэ мүнхын Һүлдөөр дамжуулан Өөрыгөө Бурханда үргөө. Тэрэнэй шуһань сэдьхэлыемнай үхэлдэ хүргэдэг хэрэгүүдһээ арилгаад, амиды Бурханда алба хэхэ аргатай болгохо.

Пётрой 1-дэхи хандалга 2:22

Тэрэ ямаршье нүгэл хээгүй, Тэрэнэй худал юумэ хэлэжэ байхыень нэгэшье хүн дуулаагүй.

Пётрой 1-дэхи хандалга 2:24

Бидэнэй нүгэл шэбэлһээ зайсажа, үнэн зүбөөр амидархымнай тула Иисүүс Өөр дээрээ нүгэл шэбэлыемнай даажа абаа, модон дээрэ үргэгдөө: Тэрэнэй шархаар таанад аршалагдан эдэгээт.

Пётрой 1-дэхи хандалга 3:18

Бидэниие Бурханда хандуулхын тула Христоос манай нүгэл шэбэлэй түлөө нэгэтэ зоболон эдлээ. Тэрэ үнэн сэдьхэлтэн хара һанаатай зоной түлөө бэеэ һүнөөлгэжэ, һүлдөөрөө амидыраа.

Иоаннай 1-дэхи хандалга 1:7

Хэрбээ Бурхандал адляар гэрэл туяа соо байгаа һаа, хоорондоо бидэ эбтэйбди, тиин Бурханай Хүбүүн Иисүүсэй шуһаниинь маниие ямаршье нүгэл шэбэлһээ арюудхан сэбэрлэнэ.

Иоаннай 1-дэхи хандалга 2:2

Бидэнэй хэһэн нүгэлэй, гансашье бидэнэй бэшэ, харин бүхы дэлхэйнхидэй хэһэн нүгэлэйнь түлөө Иисүүс Өөрыгөө үргэл болгоо.