Левит 3:17 - Библи

¹⁷ Ямаршье амитанай өөхэ, шуһые бү эдигты гэһэн хуулиие үеһөө үедэ, хаанашье ажаһуубал, хэтэ мүнхэдөө сахиха ёһотойт.

Левит 3:17 Referencias Cruzadas

Эхин 9:4

Зүгөөр хорюултай нэгэл юумэн байха: шуһатай мяха бү эдигты. Энээниие хориноб, юундэб гэхэдэ, амитанай амин гээшэ шуһан соонь оршодог.

2 Угай бэшэг 29:35

Тарган малаар түгэс шатаалта үргэлнүүд, жэмэсэй архяар үргэлнүүд мүн лэ угаа олон байгаа. Иигэжэ Эзэнэй Һүмэ соо мүргэлэй ёһолол дахин һэргээгдээ һэн.

Нэхэмьяа 8:10

Тэрэ арад зондо иигэжэ хэлэбэ: – Гэртээ харижа, эрхим эдеэ хоол эдигты, үзэмэй дараһан архинһаа хүртэгты, тиигээд үгытэй зондо хүндэһөө хубаалдагты. Энэ үдэр манай Эзэнэй нангин үдэр. Бү гашуудагты: Бурханай баяр таанарта шадал нэмээхэ.

Египедһээ гаралга 27:21

Аһароон ба тэрэнэй хүбүүд Намтай Уулзалгын Майхан һүмэ соо, хэлсээнэй ханзын байрладаг хүшэгын наана Эзэнэй үмэнэ үдэшэһөө үглөө болотор саг үргэлжэ зулануудай бадаржа байхыень хинаха ёһотой. Израилиин зон энэ тогтоол хэтэ мүнхэдөө, үеһөө үедэ сахин байха болоно.

Египедһээ гаралга 28:43

Майхан һүмэ соо Бурхантай уулзадаг газарта ороходоо гү, али һүмэ соо үргэлэй үедэ үргэлэй шэрээдэ дүтэлхэдөө, Аһароон болон хүбүүдынь тэдэниие үмдэхэ ёһотой. Үгы гэбэл, тэдээндэ зэмэ тохогдожо, ами наһаяа алдаха. Аһароондо болон удамдань хэтын заабари тэрэ гээшэ.

Эзэкээл 33:25

Эзэкээл, тэдээндэ Минии, Эзэн Бурханай, иимэ айладхал дуулга: таанад мяха шуһатайнь хамта эдинэт, онгонуудта мүргэнэт, алалсаа, хүсэрхэлгэ үйлэдэнэт. Иимэ байхадатнай, газар яагаад танай байха юм?!

Эзэкээл 44:15

Израилиин зарим зоной Намһаа буруу хараад байһан үедэ гансал Намда үнэн сэхэ үлэгшэ Цадоок санаартанай үри һадаһад, Левиин обогой санаартан, Минии ёһололнуудые ябуулха, тоһо өөхэ, шуһа үргэл болгон үргэхэ эрхэтэй.

Эзэкээл 44:7

Намда шүтэдэггүй, этигэдэггүй хариин зониие үргэлэй үедэ Минии нангин үргөө руу оруулдаг һэнта. Иимэ муу муухай хэрэгүүдээрээ таанад Намтай баталһан хэлсээгээ эбдээ болонот.

Левит 10:15

Эзэнэй урда шинии үргэхын тула тэдэ үргэлэй өөхэнтэй хамта бэлэг гэжэ үргэгдэхэ ууса болон бэлэг гэжэ дэлгэн дэегдэхэ үбсүүе үгэхэ ёһотой. Энэ хадаа Эзэнэй захиралтаар шинии болон шинии хүбүүдэй хэтэ мүнхын нэрэтэ хуби болоно гээшэ.

Левит 10:9

– Ши болон шинии хүбүүд майхан һүмэ руу ороходоо, үзэмэй дараһан архи болон алибаа һогтохо унда бү уугты, үгы һаа, таанад үхэхэт. Энэ хадаа таанадта үеын үедэ мүнхэ хуули ёһо болоно.

Левит 16:29

Энэ хадаа танда мүнхэ зар зарлиг болог: долоо һарын арбанда сэдьхэлээ номгодхожо байгты, юумэ бү хэгты танай дунда һууһан уул болон ерүүл зоншье ямаршье юумэ бү хэг.

Левит 16:34

Энэ хадаа танда мүнхэ захяа зарлиг болог: жэлэй нэгэ дахин израильшуудые бүхы нүгэл хилэнсэһээнь арюудхаха гэһэн Эзэнэй хэлэһэн зарлигаар Моисей бүтээбэ ха.

Левит 17:7

Саашадаа Бурханда урбан, альбан шүдхэртэ һүгэдэжэ, үргэл хэхэгүйнь тула, энэ хадаа тэдэнэртэ угайнь хэтэ мүнхын захяа тогтоол болоно гээшэ.

Левит 19:26

Шуһатай юумэ бү эдигты, үзэл бү үзүүлэгты.

Левит 23:14

Бурхандаа үргэл үргэхэһөө урид хилээмэ, хатааһан таряа, шэнэ таряа бү эдигты. Энэ хадаа үеын үедэ бүхы гэр бүлэдэтнай сахиха мүнхэ тогтоол хуули гээшэ.

Левит 23:21

Энэ үдэр нангин үргэл, мүргэл хэгты, ямаршье ажал бү хэгты. Энэ хадаа таанадта бүхы үеын үедэ сахиха мүнхэ тогтоол хуули гээшэ.

Левит 24:3

Аһароон майхан һүмэ соо хэлсээнэй ханзын байрладаг хүшэгын наана Эзэнэй үмэнэ үдэшэһөө үглөө болотор саг үргэлжэ зулануудай бадаржа байхыень хинаха ёһотой. Энэ танай үеһөө үедэ дамжаха мүнхэ тогтоол гээшэ.

Левит 24:9

Эдэ хилээмэн Аһарооной ба уг удамайнь болохо. Эдихэдээ, нангин газарта эдихэ хэрэгтэй, юуб гэхэдэ, энэ хадаа Эзэнэй үргэлнүүдэй аргагүй ехэ нангинай нангиниинь гээшэ. Энэ хадаа мүнхэ тогтоол мүн.

Левит 3:16

Эдэ бүгэдые санаарта үргэлэй шэрээ дээрэ галдаха ёһотой. Энэ галай эдеэн – таатай һайхан хуншуу үнэр гээшэ; бүхы өөхэн Эзэндэ зорюулагдаха ёһотой.

Левит 4:1

Эзэн Моисейдэ иигэжэ үгүүлбэ ха:

Левит 6:15

Тиигээд санаарта нэгэ адха шэниисын талха, оливын тоһо, байһан бүхы гүгэл абаад, үргэлэй шэрээ дээрэ шатааха. Энэ хадаа үргэлэй тэмдэг хуби гээшэ, Эзэндэ таатай һайхан үргэл, хуншуу үнэр гээшэ.

Левит 6:18

Энээниие Аһарооной эрэ үри һадаһадай эдихэдэ болохо. Энэ хадаа тэдэндэ Эзэнэй үргэлнүүдһээ хэтэ мүнхын хубитань гээшэ. Юумэн бүхэн тэрээндэ хүрөө һаа, арюудхагдаха.

Левит 6:22

Энэ үргэлые һахилда хүртэһэн санаартан Аһарооной үри бүхэн бүтээхэ ёһотой. Энэ Эзэнэй хэтэ мүнхын хуули ёһо, талхан үргэл дууһан шатаагдаха ёһотой.

Левит 7:23

– Израильшуудта иигэжэ хэлээрэй: Ямаршье өөхэ (үхэрэйшье, хони ямаанайшье) бү эдигты.

Левит 7:34

Юундэб гэхэдэ, Би израильшуудай амгалан байдалай түлөө үргэлнүүдһээ бэлэг болгон үргэгдэхэ үбсүү болон бэлэг болгон үргэгдэхэ гуя абаад, Аһароон санаартада, тэрээнэй хүбүүдтэнь хуби болгон, израильшуудай зүгһөө мүнхэ тогтоолоор баринаб.

Левит 7:36

Оливын тоһо түрхижэ, һахилда хүртүүлһэн үдэрһөө хойшо тэдээндэ израильшууд хэтэ мүнхэдөө, үеһөө үе дамжан, иимэ хуби үгэдэг байха гэжэ Эзэн захирһан байна.

Тоололго 19:21

Энэ хуулиие таанад хэтын хэтэдэ сахиха ёһотойт. Арюун уһаар сүршэгшэ хүн хубсаһаа угааха ёһотой. Арюудхадаг уһаар бэеэ сүршүүлэгшэ хүн бүхэн үдэшэ болотор бузарлагданхай ябаха.

Матвей 16:24

Тиигээд Иисүүс Өөрынгөө шабинарта хэлэбэ: – Намтай ябалсаха дуратай хүн өөр тухайгаа бодохоёо болёод, үдэр бүхэн хэрээһэеэ үргэлөөд, хойноһоомни яба.

Матвей 26:28

Энэ болбол олон хүнүүдэй нүгэл шэбэлнүүдые хүлисүүлхын тулада адхарха Минии шуһан гээшэ, тиин энэ шуһаар Бурхан хүнүүдтэй Шэнэ Хэлсээ батална.

Эфесэйхиндэ 1:7

Тэрэ агууехэ буян хэшэгтээ маанадые элбэг дэлбэгээр хүртөөгөө. Тэрэнэйнь ашаар бидэ Хүбүүнтэйнь нэгэдээд, шуһанайнь сэнгээр сүлөөтэй боложо, нүгэлнүүдээ хүлисүүлээбди. Тэрэ сэсэн ухаагаараа, оюун мэдэлээрээ

Эфесэйхиндэ 5:26

Һайн мэдээсэл номнон, уһаар мэтэ үгөөрөө сэбэрлэн, һүзэглэгшэдэй бүлгэмые Бурханда зорюулхын тула Христоос ами наһаяа үгөө.

Хуули дабталга 12:16

Гансал шуһыень эдихэ ёһогүйт, уһан шэнгеэр тэрэниие газарта адхагты.

Хуули дабталга 12:23

Гансал шуһа эдихэгүй гэжэ ехэ нарибшалаарай, юуб гэхэдэ, шуһан гээшэ ами наһан болоно, мяхантай хамта ами наһа эдижэ болохогүй.

Хуули дабталга 12:24

Шуһа бү эди, уһан мэтээр тэрэниие газарта адха.

Хуули дабталга 15:23

Гансал малай шуһа бү эди, уһан шэнгеэр тэрэниие газар руу адха.

Хуули дабталга 32:14

Тэдэнэй үнеэнүүд, хонид һү, тоһо элбэг дэлбэг үгэдэг байгаа, эгээл эрхим хуса, ямаадые, үхэр мал, эрхим шэниисэ Тэрэ тэдээндэ үгөө. Үзэмэй дараһан архишье байгаа.

Тимофейдэ 1-дэхи 4:4

Бурханай бүтээһэн бүхы юумэн һайн, тиимэһээ ямаршье юумэнһээ арсангүй, харин баясхалангай зальбарал хүргэн абаха ёһотойбди.