Левит 3:16 - Библи

¹⁶ Эдэ бүгэдые санаарта үргэлэй шэрээ дээрэ галдаха ёһотой. Энэ галай эдеэн – таатай һайхан хуншуу үнэр гээшэ; бүхы өөхэн Эзэндэ зорюулагдаха ёһотой.

Левит 3:16 Referencias Cruzadas

Эхин 4:4

Харин Аабэл хонин һүрэгэйнгөө түрүүшын түлэй хамагай тарганииень шэлээд, Эзэндэ үргэбэ. Аабэлэй үргэл Эзэндэ һайшаагдаба,

2 Угай бэшэг 29:35

Тарган малаар түгэс шатаалта үргэлнүүд, жэмэсэй архяар үргэлнүүд мүн лэ угаа олон байгаа. Иигэжэ Эзэнэй Һүмэ соо мүргэлэй ёһолол дахин һэргээгдээ һэн.

2 Угай бэшэг 7:7

Соломоон хаан Эзэнэй Һүмын урда тээхи дотор хорёо арюудхан, түгэс шатаалта болон талха таряанай үргэлнүүдые, амгалан байдалай түлөө үргэлэй өөхэ тэндэ үргөө бэлэй. Эзэнэй урда оршодог үргэлэй гуулин шэрээ эдэ бүгэдэ үргэл багтааха аргагүй дээрэһээ тэдэ дотор хорёо соо үргэгдөө һэн.

Египедһээ гаралга 29:13

Бухын бүхы дотор өөхыень, эльгэнэй хуби ба хоёр бөөрыень өөхэтэйнь үргэлэй шэрээ дээрэ галдахаш.

Египедһээ гаралга 29:22

Хусын мяханай өөхэ болон тарган һүүлыень, дотор өөхэ һэмжыень, эльгэнэйнь өөхэ, хоёр бөөрэ өөхэтэйнь илган абахаш. Энэ һахил хүртөөлгын үргэл хадань баруун хойто хүлыень абалсахаш.

Исай 53:10

Тэрэниие усадхаха гэжэ Эзэн хүсөө, зоболон тохоо. Нүгэлэй түлөө ами наһаяа үргэхэдөө, Тэрэ уг удамаа харахал, Өөрын үдэрнүүдые утадхахал, Тэрэнэй аргаар Эзэнэй хүсэл бэелүүлэгдэхэ.

Эзэкээл 44:15

Израилиин зарим зоной Намһаа буруу хараад байһан үедэ гансал Намда үнэн сэхэ үлэгшэ Цадоок санаартанай үри һадаһад, Левиин обогой санаартан, Минии ёһололнуудые ябуулха, тоһо өөхэ, шуһа үргэл болгон үргэхэ эрхэтэй.

Левит 17:6

Санаарта майхан һүмын үмэнэ Эзэнэй үргэлэй шэрээ дээрэ шуһаар сүршөөд, Эзэндэ таатай һайхан хуншуу үнэр өөхэ тоһоор гаргаха.

Левит 4:26

Амгалан байдалай түлөө үргэһэн үргэл шэнгеэр, бүхы өөхыень үргэлэй шэрээ дээрэ шатааг. Иигээд санаарта нүгэл хилэнсыень арюудхаад, тэрээндэ хүлисэл үршөөгдэхэ.

Левит 4:31

Амгалан байдалай түлөө үргэһэн үргэлдэл адляар бүхы өөхыень илгаад, санаарта үргэлэй шэрээ дээрэ галдажа, Эзэндэ таатай һайхан, үргэлэй хуншуу үнэр гаргаха. Иигэжэ тэрээниие санаарта арюудхаад, тэрээндэ хүлисэл үршөөгдэхэ.

Левит 8:25

Тиигээд тэрэ өөхэ – тарган һүүлыень, хамаг дотор өөхэ һэмжыень, эльгэнэйнь өөхэ, хоёр бөөрэ өөхэтэйнь, хусын баруун гуя абаба.

Левит 9:24

Гэнтэ Эзэнһээ гал ялабхин бадараад, үргэлэй шэрээ дээрэ байгша түгэс шатаалта үргэл ба өөхэ шатаажархиба, энээнииень арад зон хараад, баярлаһандаа хашхаралдан, уруугаа харан унаба.

Матвей 22:37

Иисүүс тэрээндэ: – Ши бүхы зүрхэ сэдьхэлээрээ, бүхы амин һүлдөөрөө, бүхы ухаан бодолоороо Эзэн Бурхандаа дуратай бай, – гэжэ харюусаба.