Левит 26:9 - Библи

⁹ Таанадые анхаржа байхаб. Тиихэдэм, үнэр баян ажаһуухат, олошорхот, таанадтай Хэлсээгээ сахин дүүргэхэб.

Левит 26:9 Referencias Cruzadas

Эхин 1:28

Тиигээд Бурхан тэдэниие үреэн: – Уг удамтнай олошоржо, үнэр үдхэн болоод, газар дэлхэй дүүрэн тарагты, тэрэниие эзэлэгты. Далайн загаһадай, огторгойн шубуудай, газар дэлхэйн хамаг амитадай эзэд бологты.

Эхин 17:20

Ишмаһээл тушаа гуйжа байгаашашни һайн хэрэг. Би тэрээнииеш үреэхэб, тэрэнэй угые үнэржүүлхэб, тиигэжэ тэрээндэ олон үри һадаһадые заяахаб. Арбан хоёр удамарша Ишмаһээлһээ гараха: тэрэшни агууехэ арадай эхин удамай эсэгэ болохо.

Эхин 22:17

Би шамайе буян хэшэгтээ хүртөөхэб! Огторгойн одо мүшэд, далайн эрьеын элһэн мэтэ тоолошогүй олон үри һадаһадые шамда хайрлахаб. Шинии үри һадаһад дайсадаа даража, газар уһыень эзэлэн абаха.

Эхин 26:4

Би шинии үри һадаһадые огторгойн одод мэтэ олон болгоод, энэ хамаг газар дайда тэдээндэш үгэхэб. Шинии уг удамаар дамжан, бүхы дэлхэйн арад зон Минии үреэл хэшэгтэ хүртэхэ.

Эхин 28:14

Шинии үри һадаһад газарай шорой мэтэ олон боложо, дүрбэн зүгөөр таран һуурижаха. Би шамаар болон уг удамааршни дамжуулан, дэлхэйн арад түмэниие үреэхэб.

Эхин 28:3

Түгэс Хүсэтэ Бурхан шамайе үреэжэ, үнэр үдхэн гэр бүлэтэй боложо, шинии уг удамһаа агууехэ арад яһатан бии болохонь болтогой!

Эхин 48:4

Үреэхэдөө, Тэрэ «Би шинии уг удамые үрэжэлтэй олон болгохоб, олон арадуудые шамһаа бии болгохоб, энэ газар нютагые хэтэ мүнхэдөө эзэмшэхээр үри һадаһадташ үгэхэб» гэһэн юм.

Эхин 6:18

Зүгөөр Би шамтай хэлсээ баталхаб. Тиимэһээ ши ханза-онгосо руу һамгантаяа, хүбүүдтэеэ, бэреэдтэеэ хамта орохош.

3 Хаан түрэнүүд 3:8

Танай шэлэгшэ, тооложо барамаар бэшэ үй түмэн арад зонойтнай дунда би байнаб.

4 Хаан түрэнүүд 13:23

Теэд Эзэн Абраһаам, Исаак болон Яковтай үнэн сэхэ байха тухай хэлсээ баталһанаа гэршэлжэ, израильшуудые хайрладаг, тэдэнэй хэһэн гэм зэмые хүлисэдэг байба. Тиимэһээ тэрэ үе сагта Эзэн израильшуудые эсэслэн үгы хэхэ гэжэ Өөрһөө үшөө холо болгобогүй.

Нэхэмьяа 2:20

Би тэдэнэртэ иигэжэ харюусабаб: – Огторгойн Бурхан бидэндэ амжалта үршөөнэ. Бидэ, Тэрэнэй богоолнууд, барилга эхилхэмнай! Харин таанарта Иерусалимда өөрын хуби байхагүй, ямаршье эрхэгүйт, таанад тухай эндэ дурдалгашье байхагүй!

Нэхэмьяа 9:23

Та тэдэнэй үри һадаһадые тэнгэриин мүшэдтэл олон болгоот. Израильшууд эндэ ерэжэ эзэмдэн һууха гэжэ тэдэнэй эсэгэнэртэ Та айладаһан байжа, үри һадаһадыень энэ нютагта асараат.

Псалманууд 89:3

газар дэлхэй болон юртэмсэ мүндэлхэһөөнь урид, эгүүриһээ эгүүри хүрэтэр Та Бурхан мүн.

Египедһээ гаралга 1:7

Израильшуудай тоо улам олошоржо, олон болоходоо шадалтай боложо, тэндэхи орон нютагые дүүргэбэ.

Египедһээ гаралга 2:25

Тиин Израиль угсаатан тээшэ Бурхан харасаяа шэглүүлбэ, анхаралаа хандуулба.

Египедһээ гаралга 6:4

Ханаһаан орондо тэдэ хэсэжэ ябагша һэн. Тэрэ орон нютагые өөһэдынь болгожо үгэхэ тухай тэдэнтэй хэлсээн баталаа бэлэйб.

Исай 55:3

Һайса шагнагты, Нам руу ерэгты! Дуулагты, иигэжэ таанад амиды мэндэ байхат! Хэтэ мүнхын хэлсээ таанадтай баталхаб, Давидта найдуулһан үршөөл хайраяа үзүүлхэб.

Ерэмияа 23:3

Өөрынгөө эльгээн тарааһан орон нютагуудһаа арад зонойнгоо үлдөөсые суглуулжа, түрэл нютагтань бусаахаб. Тэдэ үнэржэн олошорхо.

Ерэмияа 23:4

Тэдээн тушаа һанаагаа табиха удамаршадые табихаб. Минии арад түмэн бэшэ айхагүй, һүрдэхэгүй, бэшэ тэдэниие хэһээхэгүйб. Энэ болбол Би, Эзэн, тунхаглана мүн!

Ерэмияа 33:3

– Намайе дуудыш, тиихэдэш шамда харюусахаб. Шинии мэдэхэгүй агууехэ, гайхамшаг зүйлнүүдые харуулхаб.

Эзэкээл 16:62

Хэлсээгээ һэргээн сахин байхадам, ши Намайе Эзэн гэжэ мэдэрхэш.

Эзэкээл 36:9

Би таанад тушаа һанаагаа табихаб. Тиихэдэм газартнай хахалагдажа, ургаса таригдаха.

Левит 26:15

хэрбээ Минии тогтоол хуулинуудые үзэн ядаа һаатнай, хэрбээ зүрхэ сэдьхэлтнай Минии гаргаһан хуулида дураа гутаа һаань, Минии захяа заабари дүүргэхэеэ болёо һаатнай, Намтай хэлсээгээ эбдээ һаатнай,

Лука 1:72

үбгэ эсэгэнэртэтнай найдуулһан ёһоор таанадые үршөөл хайрада хүртөөхэб, мүн Өөрынгөө нангин хэлсээ,

Хуули дабталга 28:11

Шамда «үгэхэб» гэжэ найдуулһан, үбгэ эсэгэнэртэтнай тангариглаһан газар дайдада Эзэн үхи хүүгэдые таанадта олоор үршөөхэ, хони малыетнай олоор түлжүүлхэ, һайн ургаса бэлэглэхэ.

Хуули дабталга 28:4

таанадые үнэр баян болгон, газарайтнай ургаса, малайтнай түл олон болгон Эзэн юрөөхэ;

Хуули дабталга 7:13

Тэрэ таанадта дуратай байха, үреэхэдэнь, улад зонтнай олошорхо, олон үхибүүдтэй болохот; газар таряалангыетнай үршөөхэдэнь, талха таряатай, үзэмэй дараһан архитай, олива тоһотой байхат; бодо болон жэжэ малайтнай түл олошорхо. Үбгэ эсэгэнэртэтнай тангариглан, үгэхэб гэжэ найдуулһан тэрэ газарта бүхы үршөөл хайрануудынь таанадта хүрэхэл.

Еврейнүүдтэ 8:9

Энэ хэлсээн тэдэнэрэй үбгэ эсэгэнэрые гарһаань хүтэлэн Египедһээ гаргаха гэһэн үдэр тэдэнтэй баталһан хэлсээндэл адли бэшэ байха. Үбгэ эсэгэнэрынь Минии хэлсээе сахидаггүй байгаа, тиимэһээ Би тэдэниие тоохоёо болёоб.