Левит 26:6 - Библи

⁶ Амгалан тайбан, хэншье таниие хүлгүүлхэгүй, һанаан сэдьхэл тэгшэ ажаһуухат. Аймшагтай зэрлиг амитадые газар дээрэһээтнай намнахаб. Һэлмэтэ дайсан газар дээгүүртнай ябахагүй.

Левит 26:6 Referencias Cruzadas

4 Хаан түрэнүүд 2:24

Тэрэ гэдэргээ эрьелдэжэ, тэдэниие хараад, Эзэнэй нэрээр тэдэниие хараалда хүртөөбэ. Хоёр эмэ баабгай ойһоо гарамсаараа, үхибүүдтэ добтолжо, дүшэн хоёр үхибүүдые таһар удар татаба.

1 Угай бэшэг 22:9

Шамда хүбүүн түрэхэ; Соломоон гэжэ нэрэтэй ехэ амгалан тэнюун хүн байха. Тэрэниие тойроһон бүхы дайсадыень номгоруулжа, амгалан байдал тогтоохоб.

2 Угай бэшэг 20:30

Ёшапаадай хааншалалга саашадаа амгалан тайбан байдалда үргэлжэлбэ. Бурхан тэрэниие алишье талаһаань аршалан байгаа һэн.

Иоов 11:19

Иигэжэ һайн һуухышни хүнүүд хараад, хүндэлэн туһаламжа эридэг болохо.

Иоов 5:23

Шулуу шоройшье һаа, шамда түшэг болохо, хээрын амитан шамтай эбтэй байха.

Псалманууд 144:14

Эзэн унаһан бүхэниие үндылгэдэг, һэхэрэн унагшадые бодхоодог. ע Аайин

Псалманууд 29:11

Эзэн, дуулажа, намайе хайрлыт! Эзэн, намда туһа болыт!

Псалманууд 3:5

Эзэниие шангаар дуудахадам, Тэрэ Өөрын нангин хада уулаһаа харюусаха. [Хүгжэм]

Псалманууд 4:8

Эдеэ хоолоор, жэмэсэй архяар баян зондошье байгаагүй баяр Та минии сэдьхэлдэ түхөөгөөт!

Псалманууд 85:8

Танда адли Бурхан байхагүй, Тандал адли үйлэ хэрэгүүд байхагүй.

Египедһээ гаралга 23:29

Тэдэниие гэнтэ бэшэ, олон жэлэй туршада үлдэн үгы болгохоб. Үгы һаам, газар эзэгүй болохо ба зэрлиг арьяатан таанадай дунда ушаргүй олон болохо.

Һургаал 3:24

Ши унтаха-хэбтэхэ үедөө айхагүйш, үргэһэ нойршни амгалан байха.

Һургаал 6:22

Ябаһан замдашни тэдэ ударидажа, унтахадаш хамгаалха, һэрихэдэш шамтай ярилдаха.

Исай 35:8

Тэндэ нэгэ ехэ харгы зам бии боложо, «Нангин арюун зам» гэжэ нэрлэгдэхэ. Тэрээгээр нүгэлтэй нэгэшье хүн ябахагүй, ямаршье тэнэг хүн энэ замаар ябагшадые төөрюулхэгүй.

Исай 35:9

Тэндэ нэгэшье арсалан ябахагүй, ямаршье мяхаша ан арьяатан гаража ерэхэгүй. Эзэнэй абарһан зон лэ тэрэ харгыгаар гэртээ бусан ябаха.

Исай 45:7

Би туяа гэрэл болон харанхые бии болгоноб. Энхэ амгалан байдал, гай тодхоршье асарнаб. Би болбол эдэ бүгэдые хэдэг Эзэн мүн!

Исай 9:7

Тэрэнэй засаглалга, түлөөлгэ бүри ехэ боложол байха. Хан түрэнь хододоо амгалан тайбан байха. Тэрэ Давид хаанай үри һадаһан. Энэ сагһаа эхилжэ хэтэ мүнхэдөө Тэрэ үнэн шударга, үнэн зүбые баримталан хүтэлбэрилхэ. Түмэн Сэрэгтэ Эзэн энээниие бэелүүлхэ ехэ һанаатай.

Ерэмияа 30:10

Минии зараса Яков, бү ай, Израилиин зон, бү һүрдэ. Баряанда байһан холын нютагһаатнай Би таанадые абархаб. Таанад гэртээ бусажа, амар амгалан ажаһуухат. Таанадые хэншье айлгахагүй.

Ерэмияа 31:26

Тиихэдэм зон «унтаад бодоходоо ехэ амараад бодооб, нойр зүүдэмни намда ехэ аятай байгаа» гэлдэхэ.

Эзэкээл 14:15

Жэшээнь, арьяатаниие тэрэ газар руу эльгээбэ гэлэйб, тэрэ зониие барижа эдин, орон нютагые хэнэйшье ябахын аргагүй аюултай болгобо гэлэй.

Эзэкээл 14:17

Хэрбээ Минии тэрэ орон нютаг руу дайн дажар эльгэжэ, аймшагта дайнай зэбсэгээр улад зониие, мал хюдажа эхилхэдэм,

Эзэкээл 14:21

Энэ хадаа Эзэн Бурханай айладхал үгэнүүд: – Эгээл хүндэ дүрбэн хэһээлтэеэ – дайн дажар, үлэн хооһон байдал, арьяатаниие, үбшэ хабша Иерусалим руу эльгээжэ, улад зониие, мал тэндэ хюдахаб.

Эзэкээл 34:25

Амгалан тайбан байдал үршөөһэн тухай хэлсээ таанадтай баталхаб. Тиигэжэ ан арьяатаниие тала дайдаһаа, ой модонһоо үлдэхэб, тиихэдэм таанад аюулгүй амгалан ажамидархат.

Эзэкээл 34:27

Талын модод үрэ жэмэс үгэн байха, газар баян ургаса бэлэглэхэ. Би таанадые богоол байдалһаа сүлөөлжэ, өөрын газар дээрэ амгалан ажаһуухыетнай зүбшөөхэб. Тиихэдэм Намайе Эзэн гээд мэдэхэт.

Эзэкээл 5:17

Үхи хүүгэдыетнай үгы хэхыень Би үлэсхэлэн хооһон байдал, ан арьяатаниие таанад руу эльгээхэб. Таанадые хосороохын тула үбшэ хабша, дайн дажар эльгэхэб. Энэ болбол Би, Эзэн, тунхаглана мүн!

Һошээ 2:18

Тэрэ үедэ Би талын ан гүрөөлтэй, огторгойн жэгүүртэнтэй, мүлхидэг амитадтай холбоо харилсаа тогтоожо, тэдэ Минии арад түмэндэ һаад түбэг ушаруулхагүй. Номо һаадаг, эритэ һэлмэ, дайн дажар тэрэ газарта ушархагүй, иигэжэ тэдэ амгалан тайбан ажаһууха.

Һошээ 2:20

Би хэтэ мүнхэдөө шамда үнэн сэхэ байхаб. Тиигээд ши Намайе Эзэн гээд мэдэрхэш.

Левит 25:18

Минии хуулинуудые дүүргэгты. Минии тогтоолнуудые наринаар сахигты, тиигээ һаа, газар дээрээ амгалан тайбан ажаһуухат.

Левит 25:19

Газартнай өөрынгөө үрэ жэмэс үгэхэ, садхалан, амгалан тайбан ажаһуухат.

Левит 26:22

Таанадта хүдөө хээрын зэрлиг амитадые эльгээхэб. Тэдэ таанадые үри хүүгэдгүй болгохо, адуу малыетнай хюдаха, өөһэдыетнай үсөөрүүлхэ, тиигээд харгынуудтнай хооһорхо.

Левит 26:25

Хэлсээ эбдэһэнэй түлөө таанадта үһөөгэй һэлмэ эльгээхэб. Өөһэдынгөө хото соо хоргодоо һаатнай, яра шарха эльгээхэб, дайсадай гарта үгэхэб.

Левит 26:7

Дайсадаа намнахат, тэдэ һэлмээр сабшуулжа, урдатнай унаха.

Михей 4:4

Хүн бүхэн үзэмэй модоной гү, али инжирэй өөрын модон доро энхэ тайбан ажаһуужа, хэншье тэдэниие хүлгөөжэ байхагүй. Юуб гэбэл, Түмэн Сэрэгтэ Эзэн энээниие айладхаа мүн.

Цэпаанияа 3:13

Израилиин үлдөөсэ зон буруу хэрэг үйлэдэхэгүй, худал хэлэхэгүй, мэхэ гохо хэрэглэхэгүй. Тэдэ эдеэ хоолоо барин, амаран, аюулгүй амгалан амидарха.

Хаггай 2:9

Шэнэ Һүмэ хуушан Һүмэдэ орходоо бүри алдар суутай байха гэжэ Би найдуулнаб. Энэ газарай улад зондо амгалан тайбан байдал Би үршөөхэб. Энэ болбол Би, Түмэн Сэрэгтэ Эзэн, айладхана мүн!»

Захарияа 9:10

Энэ хаан тунхаглана: «Эпрааимай дайшалхы тэргэнүүдые бута сохихоб, Иерусалимда моритониие таһа татахаб. Дайнай һурша номо усадхагдаха». Энэ хаан энхэ тайбаниие тунхаглажа, Тэрэнэй эзэрхэл далайһаа далай хүрэтэр, Евфрадай заха хүрэтэр оршохо.

Иоанн 14:27

Би таанарые амгалан тайбанда орхёод ябахамни, Өөрын амгалан тайбаниие таанарта үгэнэб. Минии үгэхэ энхэ тайбан энэ дэлхэйн зоной энхэ тайбанда адли бэшэ. Таанар һанаа сэдьхэлээ бү зобоогты! Бү айгты!

Хэрэгүүд 12:6

Иродэй Пётрые улад зоной урда шүүбэрилхэ гэһэн үдэрэй урда һүни Пётр хоёр сэрэгшэдэй хоорондо дабхар гэнжээр хүлеэтэй унтажа байгаа. Тиихэдэ түрмын үүдэнэй хажууда үшөө харуул табигданхай байба.

Римэйхиндэ 5:1

Мүнөө бидэ һүзэгэйнгөө ашаар Бурханай урда үнэн сэдьхэлтэй болообди, тиин манай Эзэн Иисүүс Христоосоор дамжан Бурхантай эбээ нэгэдхээбди.