Левит 26:44 - Библи

⁴⁴ Харин дайсадай газарта байхадань, Би тэдэнһээ арсахагүйб, тэдэниие орхихогүйб, хюдахагүйб, Хэлсээгээ эбдэхэгүйб. Юуб гэхэдэ, Би тэдэнэй Эзэн Бурханиинь гээшэб.

Левит 26:44 Referencias Cruzadas

Эхин 17:7

Би энэ хэлсээ шамтай баталаад, шинии хойто үе удамтай мүн лэ баталнаб. Энэ хэлсээн хадаа үеын үедэ хүсэн түгэлдэр байха. Хэлсээнэй ёһоор, та бүгэдэнэй хүндэлхэ, шүтэхэ Бурхан гэбэл, Бил болохоб!

4 Хаан түрэнүүд 13:23

Теэд Эзэн Абраһаам, Исаак болон Яковтай үнэн сэхэ байха тухай хэлсээ баталһанаа гэршэлжэ, израильшуудые хайрладаг, тэдэнэй хэһэн гэм зэмые хүлисэдэг байба. Тиимэһээ тэрэ үе сагта Эзэн израильшуудые эсэслэн үгы хэхэ гэжэ Өөрһөө үшөө холо болгобогүй.

Нэхэмьяа 9:17

Тэдэнэй дунда Танай бэелүүлһэн эди шэдинүүдыетнай мартаад, үгыетнай дуулахаяа арсаал. Тэдэнэр үсэд зан харуулжа, Египет руу һөөргөө богоол болохоёо бусахын тула өөһэдтөө удамаршые шэлэн табяал! Зүгөөр Та – хүлисэгшэ, һайхан зантай, нигүүлэсхы сэдьхэлтэй, уур сухалда абташагүй, хайра ехэтэ Бурханта; Та тэдэниие орхёогүйт.

Нэхэмьяа 9:31

Өөрынгөө нигүүлэсхы агуу сэдьхэлээр Та тэдэниие дууһан хосорхо туйлда хүргөөгүйт, орхёогүйт. Та һайн һанаатай, нигүүлэсхы сэдьхэлтэй Бурханта!

Псалманууд 103:13

Дээдэ ордонһоо хада уулануудые норгонот, ажал хэрэгүүдэйтнай дүнгөөр газар дэлхэй хооллоно.

Ерэмияа 14:21

Өөрынгөө найдуулһан зүйл тухай бү мартыт, маанадые бү шоодборилыт! Алдар солынтнай хан шэрээ болохо Иерусалимай нэрэ хүндэ бү хухалыт! Бидэнтэй байгуулһан хэлсээгээ һанажа, тэрэнээ бү эбдыт!

Ерэмияа 24:5

– Би, Израилиин Эзэн Бурхан, Вавилоон руу Иудаһаа туужа абаашагдаһан улад зон энэ һайн инжиртэл адли гээд тоолоноб. Би тэдээндэ һайнаар хандахаб.

Ерэмияа 30:11

Би таанадтай байхаб, абархаб. Таанарые арадуудай хоорондо тараагаа һэм, тэдэ арадуудые Би усадхахаб. Гэбэшье таанадые усадхахагүйб. Харин таанадые хэһээнгүй орхихогүйб, теэд хэһээхэдээ, үнэн зүбөөр хэһээлтэ амасуулхаб! Энэ болбол Би, Эзэн, айладхана мүн!

Ерэмияа 31:20

Эпрааим Минии хайрата хүбүүн бэшэ юм гү? Эгээл дуратай үхибүүмни бэшэ юм гү? Тэрээн тухай ама гараха бүхэндөө тэрэниие угаа энхэрэн һанадагби. Минии зүрхэ сэдьхэл тэрээн руу тэгүүлдэг, Эпрааимда үршөөл хайраяа үзүүлхэб!

Ерэмияа 33:26

Эдэ бүгэдые хэһэн хадаа Би Яковай уг унгитай ба Минии албатан болохо Давидтай хэлсээгээ бэелүүлхэб. Абраһаамай, Исаак гэгшын, Яковай уг удамуудые хүтэлбэрилхэ Давидай нэгэ үри һадаһые Би шэлэхэб. Өөрынгөө арад зондо энэрэл хайраяа үзүүлхэб, амжалта туйлуулхаб.

Эзэкээл 16:60

Гэбэшье залуу хонгор байхадаш шамтай баталһан хэлсээгээ Би мартахагүйб, энэ хадаа хэтэ мүнхэдөө хүсэндөө байха гээд найдуулхаб.

Левит 26:11

Таанадай дунда байраа табихаб. Минии сэдьхэл таанадаа голохогүй.

Римэйхиндэ 11:2

Эхинһээ нааша шэлэжэ абаһан арадһаа Бурхан арсаагүй. Нангин Бэшэг соо Израилиин арадые зэмэлэн, Элияагай Бурханда хандаһые һананагүй аалта?

Римэйхиндэ 11:26

Тиигэжэ Израилиин бүхы арад зон абарагдаха. «Сион хадаһаа Абарагша ерэхэ, Яковай үри һадаһадһаа нүгэл шэбэлые зайсуулха.

Ударидагшад 2:1

Эзэнэй Эльгээмэл Гилгаалһаа Бохиимдо ерээд, Эзэнэй хэлэһэн зарлигыень израильшуудта иигэжэ дамжуулба: «Би таанадые Египедһээ гаргааб, таанадай үбгэ эсэгэнэртэ тангариглан найдуулагша газартаа таанадые асарааб. Таанадтай баталһан хэлсээгээ хэзээдэшье эбдэхэгүйб гэжэ Би хэлээ һэм.