Левит 26:39 - Библи

³⁹ Таанадһаа үлэгшэд хуули гурим эбдэһэнэйнгээ, элинсэг эсэгын бурууһаа боложо, дайсанай орон нютагта һалаха, үхэхэ.

Левит 26:39 Referencias Cruzadas

2 Угай бэшэг 34:24

Удахагүй, тон һаядаа Би энэ хотодо, тэндэхи хүнүүдтэ гай тодхор эльгээхэб. Иудын хаанда уншаһан ном соохи бэшэлгэ бүхыдөө бэелүүлэгдэхэ.

Эзраа 9:7

Эсэгэнэрэйнгээ үеһөө мүнөө болотор гэмэ зэмэмнай таһарнагүй, хуули буса ябадалайнгаа түлөө бидэ, хаашуулнай, санаартаднай хари газарай хаашуулай гар доро, һэлмэ доронь орожо, туулгажа, тонуулжа, мүнөө болотор доромжолуулжа ябанабди.

Нэхэмьяа 1:9

Хэрбэеэ таанад Намда хандажа, Минии зарлиг наринаар сахин бэелүүлжэ эхилбэлтнай, тэнгэриин захадашье байбалтнай, би таанарые шэлэһэн газартаа асархаб, Минии нэрэ тэндэ мэдээжэ болохо».

Египедһээ гаралга 20:5

Тэдээндэ бү һүгэдэ, бү мүргэ. Юуб гэхэдэ, Би, Эзэн Бурханшни, жүтөөрхэн сахидаг Бурхан гээшэб. Намайе хэрэгсээнгүй ябаһан эсэгэнэрэй түлөө үри хүүгэдыень, аша гушанарыень гурбадахи, дүрбэдэхи үе хүрэтэрынь хэһээдэгби.

Египедһээ гаралга 34:7

Үршөөл хайрань мянганшье үедэ хубилдаггүй: зэмэ, нүгэл, гэмтэ ябадал Тэрэ тэсэн даадаг. Теэд гэмтэниие гэмгүй гэхэгүй: эсэгын нүгэлэй түлөө үри хүүгэдыень, аша гушанарыень хэһээдэг!

Исай 14:21

Эсэгынь гэмэй түлөө хүбүүдтэнь саазын табсан бэлдэгты! Тэдэнэй хэнииньшье орон нютагые зонхилон һуухагүй, хотонуудаараа дэлхэйе бүрхөөхэгүй!

Исай 24:16

Дэлхэйн алас холоһоо «Зүб Шударга ябадалтайда алдар соло!» гэһэн магтаал дуу соносонобди. Теэд минии досоо ехэ муу байна. Би иигэжэ байжа шадахагүйб! Урбагшад урбаһан зандаа, бүри хэтэрэн урбажа байнал.

Ерэмияа 29:12

Таанадай Намайе дуудахада, ерэжэ, Намда зальбархада, Би таанадые дуулахаб.

Ерэмияа 3:25

Эшхэбтэр муу байдалда орожо, доромжолуулан һалаха ёһотойбди. Бидэ болон элинсэг хулинсагнай саг үргэлжэ Эзэн Бурханайнгаа урдаһаа нүгэл үйлэдэжэ байгаабди, Тэрэнэй үгэ дуулаагүйбди.

Ерэмияа 31:29

Тэдэ үдэрнүүдтэ «Эсэгэнэрынь гашуун уһан үзэм эдеэ һэн, тиигээд үхибүүдэйнь шүдэн мохоо болоо» гэжэ хэлэхэеэ болихо.

Гашуудал 1:3

Иудын улад зон туугдан абаашагдана. Гай гасалан, хүндэ богоолшолго тэдээндэ тохёолдоо, хариин зоной дунда байрлаад, амар заяа үзэнэгүй. Дайсад Иудые хойноһоонь намнажа хүсөө, гай тодхор тэрэниие бахалуурдана!

Гашуудал 4:9

Гэдэһээ үлдэжэ үхэһэнһөө һэлмээр сабшуулагдажа үхэһэниинь дээрэ. Юуб гэхэдэ, таряалангай ургасын хомордоходо, зон зобожо амяа алдадаг шуу.

Эзэкээл 18:19

Гэбэшье таанад «Хүбүүниинь эсэгынгээ гэмэй түлөө юундэ хэһээгдэхэгүйб?» гэжэ асуужа болохот. Юундэб гэхэдэ, тэрэ хүбүүн үнэн зүбөөр, сэбэр сэхээр юумэ үйлэдэдэг, бүхы хуули ёһонуудыем наринаар сахидаг, тиимэһээ тэрэ амиды мэндэ байха.

Эзэкээл 20:43

Тиихэдэм өөрынгөө үйлэдэһэн хэрэгүүдые, өөһэдыгөө бузарлажа байһанаа һанажа, иимэ муу муухай юумэ хэһэндээ өөһэдһөө жэрхэжэ эхилхэт.

Эзэкээл 24:23

Гашуудалай тэмдэг болгон, толгой, хүл нюсэгэн ябахагүйт, гасалан уйлахагүйт. Нүгэлэйнгөө түлөө таанад гэмшэн, һанаа алдан ябахат.

Эзэкээл 33:10

Хүнэй үри Эзэкээл, нүгэлэйнгөө түлөө угаа ехээр хэһээгдээбди гэжэ Израилиин улад зон гомдоно. Тэдэ саашадаа амиды мэндэ байхамнай хэлсээтэй гээд маргана.

Эзэкээл 36:31

Хэһэн муу муухай хэрэгүүдээ һанажа, өөһэдһөө жэрхэжэ эхилхэт.

Эзэкээл 4:17

Эдеэ хоолынь, уһаниинь дуталдажа, зон аргагүйдэжэ, гэм зэмэйнгээ түлөө хосорхо.

Эзэкээл 6:9

Баряанда байхадаа тэдэ зон Нам тушаа һанаха, Намһаа холодоһондоо, онгонуудта мүргэжэ эхилһэндээ тэдэ өөһэдһөө жэрхэжэ эхилхэ.

Һошээ 5:15

Тэдэнэй өөрынгөө гэм мэдэржэ, Намайе бэдэржэ эхилтэр Би тэдээн тушаа мартаад, огтолон орхёод байхаб.

Захарияа 10:9

Тэдэниие Би холын оронуудта тараагаашье һаам, тэндэ Намайе ходо һанажа байхал. Тэдэ хамта тэндэ амидарһан хүүгэдтэеэ гэртээ бусажа ерэхэ.

Тоололго 14:18

«Тэсэбэритэй, үршөөл хайраяа заяадаг Би, Эзэн, хуули эбдэгшэдые, гэм хэгшэдые хүлисэдэгби. Гэбэшье хэһэн зэмэтэ ябадалайнь түлөө хүүгэдынь, ашанарынь, гушанарыньшье хэһээгдэхэ».

Хуули дабталга 28:65

Теэд тэрэ арадуудай хоорондо һанаантнай тэгшэ байхагүй, «минии» гэхэ, хүлөөшье амаруулха газар олохогүйт. Зүрхэнтнай айн һалаганан байха, нюдэдтнай шэргэхэ, сэдьхэлтнай сүхэрхэ. Эдэ бүгэдые Эзэн эльгээхэ.

Хуули дабталга 30:1

Үреэл хараал хоёрой нэгые шэлэхэ тухай би таанадта хэлээб. Минии хэлэһэн эдэ бүхы үгэнүүдэй – үреэл мүн хараал шэрээлнүүдэй таанадта хүрэхэдэнь, Эзэн Бурханайнгаа ондоо арадуудай дунда таанадые тараан ажаһуулгахада, ойлгожо, тэрэ шэлэхэ зүйлнүүд тушаа бодолгото боложо эхилхэт.

Хуули дабталга 5:9

Тэдээндэ бү һүгэдэ, бү мүргэ. Юуб гэхэдэ, Би, Эзэн Бурханшни, хуулияа ханалгатай сахидаг Бурхан гээшэб. Намайе хэрэгсээнгүй ябаһан эсэгэнэрэй түлөө үри хүүгэдыень, аша гушанарыень гурбадахи, дүрбэдэхи үе хүрэтэрынь хэһээдэгби.

Хуули дабталга 8:20

Таанадай дабшан эзэлхэ газар орондо Эзэн бусад арадуудые хюдаха, теэд таанад Эзэн Бурханайнгаа үгэ дуулаагүй гээшэ һаа, тэдээндэл адляар хосорхот.