Левит 25:19 - Библи

¹⁹ Газартнай өөрынгөө үрэ жэмэс үгэхэ, садхалан, амгалан тайбан ажаһуухат.

Левит 25:19 Referencias Cruzadas

3 Хаан түрэнүүд 5:5

Шинии һүүлээр хан шэрээдэ заларан һууха хүбүүншни Намда зорюулһан Һүмэ барин бодхоохо гэжэ Эзэн Давид эсэгэдэм айладхаһан байна. Зай, тиигээд би мүнөө Эзэн Бурханайнгаа Һүмэ барижа эхилхэм.

Псалманууд 67:6

Тэрэ үншэн хэнзэнүүдэй ба бэлбэһэн эхэнэрнүүдэй эсэгэ. Бурхан Өөрын нангин байра соо.

Псалманууд 85:12

Үнэнхэ зүрхэнһөө, Эзэн Бурхамни, Таниие магтанаб, нэрыетнай хэтэ мүнхэдөө алдаршуулан байхалби.

Һургаал 1:33

Харин намайе шагнадаг хүн аюулгүй байжа, гай тодхорһоо айнгүй амгалан тайбан һууха».

Исай 1:19

Минии үгэ дуулабал, энэ газарай хамаг һайниие эдлэн эдин байхат.

Исай 30:23

Орооһо тариха бүхэндэтнай Эзэн бороо хура эльгэжэ, баян ургаса үршөөхэ. Малтнай һайн бэлшээритэй байха.

Эзэкээл 36:30

Элбэг-дэлбэг үрэ жэмэс модод үгэг, баян ургаса таряалангууд хэшээг гэжэ Би үршөөхэб. Үлэн хооһон байһандаа арадуудта шоо үзүүлхэгүйт бэшэ.

Ёһээл 2:24

Таряа сохидог газарта орооһон обоо элбэг болохо, уһан үзэмэй торхо һабанууд шэнэ ургасын үзэмэй дараһан архяар билтарха.

Ёһээл 2:26

Таанар эдихэ юумээр элбэг, гэдэһэ садхалан боложо, гайхамшаг ашата үйлэ бүтээһэн Эзэнэй, танай Бурханай соло дуудан магтахат. Энээнһээ хойшо Минии арад эшэгүүритэ доромжодо орохогүй.

Левит 25:18

Минии хуулинуудые дүүргэгты. Минии тогтоолнуудые наринаар сахигты, тиигээ һаа, газар дээрээ амгалан тайбан ажаһуухат.

Левит 25:20

Хэрбээ: «Долоодохи жэлээ юугээ эдихэбибди: таряа хуряахагүй байнабди, үрэ жэмэс суглуулхагүй байнабди?» – гэжэ асуугаа һаатнай,

Левит 26:4

Би таанадта саг соонь бороо оруулхаб, газар һайн ургаса үгэхэ, жэмэстэ модод һайнаар жэмэсээ үгэхэ.

Левит 26:5

Таряа ехээр хуряахат, үзэм жэмэс ехээр суглуулхат, өөрынгөө газар дээрэ ажана тэнюун, садхалан ажаһуухат.

Левит 26:6

Амгалан тайбан, хэншье таниие хүлгүүлхэгүй, һанаан сэдьхэл тэгшэ ажаһуухат. Аймшагтай зэрлиг амитадые газар дээрэһээтнай намнахаб. Һэлмэтэ дайсан газар дээгүүртнай ябахагүй.

Хуули дабталга 12:10

Харин Иорданиие гаталаад, Эзэн Бурханайтнай эзэлхыетнай үгэжэ байһан газар дайдада түбхинэхэдөө, тойроод байһан дайсадһаатнай Тэрэнэй амаруулхада, амгалан тайбан, аюулгүй ажаһуужа эхилхэдээ,