Левит 24:9 - Библи

⁹ Эдэ хилээмэн Аһарооной ба уг удамайнь болохо. Эдихэдээ, нангин газарта эдихэ хэрэгтэй, юуб гэхэдэ, энэ хадаа Эзэнэй үргэлнүүдэй аргагүй ехэ нангинай нангиниинь гээшэ. Энэ хадаа мүнхэ тогтоол мүн.

Левит 24:9 Referencias Cruzadas

Египедһээ гаралга 27:21

Аһароон ба тэрэнэй хүбүүд Намтай Уулзалгын Майхан һүмэ соо, хэлсээнэй ханзын байрладаг хүшэгын наана Эзэнэй үмэнэ үдэшэһөө үглөө болотор саг үргэлжэ зулануудай бадаржа байхыень хинаха ёһотой. Израилиин зон энэ тогтоол хэтэ мүнхэдөө, үеһөө үедэ сахин байха болоно.

Левит 10:12

Тиигээд Моисей Аһароондо, тэрээнэй үлэһэн Эльазаар Итамаар хоёр хүбүүдтэнь хэлэбэ: – Эзэндэ үргэһэн үргэлһөө үлэһэн талхан үргэлыень абаад, эһээлтэгүй хилээмыень үргэлэй шэрээгэй хажууда эдигты. Энэ хадаа аргагүй ехэ нангинай нангин зүйл гээшэ.

Левит 10:17

– Таанад нүгэл сагааруулгын үргэлые арюун нангин газарта юундэ эдеэгүйбта? Энэ хадаа аргагүй ехэ нангинай нангин зүйл гээшэ. Тиигээд энэ арад зоной нүгэл даажа, тэрэ нүгэлыень Эзэнэй үмэнэ сагааруулхынтнай түлөө танда үгтэһэн гээшэ!

Левит 21:22

Өөрынгөө Бурханай хилээмэ, нангин болон хамагай нангин газарһаа хилээмэ эдихэдэнь болохо.

Левит 24:10

Нэгэтэ израиль һамганай египет хүнһөө гаргаһан хүбүүн отог соогоо израиль хүнтэй наншалдаба.

Левит 3:17

Ямаршье амитанай өөхэ, шуһые бү эдигты гэһэн хуулиие үеһөө үедэ, хаанашье ажаһуубал, хэтэ мүнхэдөө сахиха ёһотойт.

Левит 6:11

Тиигээд хубсаһаа һэлгээд, тэрэ үнэһэ отог буусаһаа холо сэбэр арюун газарта абаашаг.

Левит 6:16

Бусадыень Аһароон хүбүүдтэеэ эдихэ ёһотой. Хилээмэ эһээлтэгүйгөөр, нангин газарта эдихэ хэрэгтэй – майхан һүмын хашаа соо.

Левит 6:9

– Аһароондо, тэрэнэй хүбүүдтэ иимэ заабари үгэ: түгэс шатаалта үргэлэй хуули гурим гэбэл, шатаалта үргэлэй юумэн үргэлэй шэрээ дээрэ, гал дээрэ бүхэли һүни соо үглөө болотор байг. Үргэлэй гал носожол байха ёһотой.

Левит 8:3

Суглаанай майхан һүмын үүдэнэй дэргэдэ бүхы бүлгэм зониие суглуула.

Левит 8:31

Моисей Аһароон болон хүбүүдтэнь хэлэбэ: – Таанад майхан һүмын үүдэндэ энэ мяхаа шанаад, һахил хүртөөлгын үргэлэй түрсүүг соо байһан бооботой хамта эдигты, иигэжэ намда захигдаһан гээшэ: «Аһароон болон тэрээнэй хүбүүдынь энээниие эдихэ ёһотой».

Малаахи 1:12

Харин таанад «Эзэнэй үргэлэй шэрээ бузарлагдаа, үргэлэй эдеэн, үрэ жэмэсынь жэрхэмээр» гэжэ хэлэхэдээ, тэрэниие бузарлажа байнат.

Матвей 12:4

Давид Бурханай гэртэ ороод, хамта ябаһан хүнүүдтэйгээ үргэлэй хилээмэ абажа эдеэ һэн. Харин Хуулиин ёһоор Давидшье, тэрээнтэй хамта ябалсагшадшье тэрэ хилээмэ эдихэ ёһогүй байгаа, гансал санаартан тэрэниие эдихэ эрхэтэй бэлэй.

Марк 2:26

Тэрэ ушар Абиатаарай ахамад санаарта байхада тохёолдоо юм. Давид Бурханай гэртэ ороод, үргэлэй хилээмэ абажа эдеэд, суг ябаһан хүнүүдтээ үгэһэн байна. Харин санаартанһаа ондоо хэншье тэрэ хилээмэ эдихэ эрхэгүй һэн, – гэжэ Иисүүс тэдэндэ харюусаба.

Лука 6:4

Давид хаан Бурханай гэртэ ороод, үргэлэй хилээмэ абажа эдеэд, суг ябаһан хүнүүдтээ үгэһэн байна. Харин санаартанһаа ондоо хэншье тэрэ хилээмэ эдихэ эрхэгүй байгаа.

1 Хаан түрэнүүд 21:6

Тиигээд санаартан тэрээндэ арюудхаһан хилээмэ үгэбэ. Тэрэниие Эзэнэй үмэнэһөө абаад үгөө, орондонь Эзэнэй урда халуун хилээмэ табиха ёһотой бэлэй. Энээнһээ бэшэ ондоо хилээмэн тэрээндэ байгаагүй бшуу.