Левит 24:11 - Библи

¹¹ Наншалдахадаа, Бурханай нэрэ муушалаа, хараагаа. Тиихэдэнь тэрээниие Моисейдэ асарба. Эхэнь Шэломиит, Даан обогой Дибриигэй басаган бэлэй.

Левит 24:11 Referencias Cruzadas

2 Хаан түрэнүүд 12:14

Харин энэ хэрэг хэжэ, Эзэниие тоогоогүй байһанайш түлөө шинии хүбүүн заабол гээгдэхэ, – гэжэ Натаан хэлэбэ.

3 Хаан түрэнүүд 21:10

урдаһаань харуулан, хоёр этэгээдүүдые һуулгаад, «энэ хүн Бурханиие ба хааниие хараана» гэжэ худалаар гэршэлхыень заагты. Тиигээд тэрэниие гаргажа, үхэтэрынь шулуугаар сохигты.

3 Хаан түрэнүүд 21:13

Хоёр этэгээдүүд урдаһаань хараад һуужа, «Набоот Бурханиие болон хааниие хараана» гэжэ худалаар хардан, зоной дуулахаар хэлэбэ. Тиигээд Набоодые хотоһоо гаргаад, үхэтэрынь шулуугаар сохибо.

4 Хаан түрэнүүд 18:30

Эзэндэ найдагты гэжэ тэрэнэй хэлэхэдэ бү этигэгты. Эзэн таанадые абархагүй, хотонуудыетнай эзэмдэхэ гэһэн зорилгоһоонь манай Ассириин сэрэгые хазагайруулхагүй.

4 Хаан түрэнүүд 18:35

Эдэ орон нютагуудай бурхад нютагаа хэзээ намһаа абараа юм? Тиигээд мүнөө Эзэн Иерусалимые намһаа яажа абархаб?

4 Хаан түрэнүүд 18:37

Ордоной эрхилэгшэ Хилкияагай хүбүүн Элиакиим, бэшээшэ Шэбнаа, тунхаг зарлагша Асаапай хүбүүн Ёһаа уйдхар гашуудалаа мэдүүлжэ, өөһэдынгөө хубсаһа хахар – шуур татаад, Хэзэкияада ерэжэ, Ассириин түшэмэл ноёной хэлэһэн бүхы үгэнүүдые дамжуулба.

4 Хаан түрэнүүд 19:10

Иудын хаан Хэзэкияада иигэжэ дамжуулагты: – Этигэн найдадаг Бурханшни Иерусалим Ассириин хаанай мэдэлэй болохогүй гэжэ айладхажа, шамайе бү мэхэлэг.

4 Хаан түрэнүүд 19:22

Хэниие доромжолон-наадалан байһанаа мэдэнэ гүш? Хэн руу шангаар бадашажа, хэн руу бардамлан харанабши?! Намайе, Израилиин арюун Бурханиие, дайран доромжолоош.

4 Хаан түрэнүүд 19:6

иимэ харюу һөөргэнь эльгээбэ: «Ассириин хаанай зарасануудай Намайе баһажа доромжолһон үгэнүүдые дуулаад бү ай гэжэ Эзэн танда айладхал буулгана.

Иоов 1:11

Харин мутараа һунган эдэ бүгэдынь үгы хэбэлтнай, Таниие хараангүй хайшаа ошохо юм?», – гэжэ эрлиг харюу үгэбэ.

Иоов 1:22

Иимэ юумэнэй болоходо Иоов Бурханиие нэгэш үгөөр муушалбагүй, Тэрэнэй урда ямаршье гэм хэбэгүй.

Иоов 1:5

Найр сэнгэлэйнь дүүрэхэдэ, Иоов хүүгэдээ дуудажа, арюудхалгын ёһолол бүтээдэг һэн. Мүн үглөөгүүр тэрэ эртэлэн бодожо, хүбүүдэйнгөө тоогоор түгэс шатаалта үргэл асардаг байба. Хүүгэдэйнь хэн нэгэн Эзэниие баһажа, нүгэл хэжэ байгуужаг гэжэ Иоов һанаандаа түбэгшөөдэг һэн.

Иоов 2:5

Харин мутараа һунгажа, яһа мяхандань хүрэбэлтнай, тэрэ Танда хараал хэлэнгүй яаха һэм!

Египедһээ гаралга 18:22

Тэдэ зоной зарга хэрэгүүдые шиидхэжэ, хододоо улад зонтой байха. Шухала хэрэгүүдые шамда дамжуулдаг байна ааб даа. Харин шухала бэшэ, жэжэ хэрэгүүдые өөһэдөө шиидхэнэ бэзэ. Тиигэжэ шинии ашаан нэгэ бага хүнгэн болохо, тэрэниие шамтай хамта тэдэ хубаалсаха.

Египедһээ гаралга 18:26

Тэдэ хододоо зонтой хамта байжа, зоной зарга шиидхэдэг болобо. Жэжэ хэрэгүүдые өөһэдөө хаража үзэдэг, шухалыень Моисейдэ дамжуулдаг гуримтай болобо.

Египедһээ гаралга 20:7

Эзэн Бурханайнгаа нэрые дэмы бү дурда. Тэрэнэй нэрэ дэмы нэрлэдэг хэнииешье Эзэн хэһээлтэгүй орхихогүй.

Египедһээ гаралга 22:28

бэеэ хушаха хубсаһан тэрээндэ бэшэ үгы ха юм. Хайшан гээд унтаха юм? Тэрэ Намда хандахал – Би тэрэниие дуулахаб, юуб гэбэл, Би энэрхы сэдьхэлтэй мүн.

Египедһээ гаралга 3:15

Бурхан үшөө иигэжэ айладаа: – Танай эсэгэнэрэй – Абраһаамай Бурхан, Исаагай Бурхан, Яковай Бурхан болохо Эзэн намайе эльгээгээ гэжэ Израилиин хүбүүдтэ хэлэхэш. Минии нэрэ хэтэдээ тиимэ, Намайе угһаа угта тиигэжэл дурдадаг байха зэргэтэй.

Исай 8:21

Эльбэ жэльбэтэйшүүлые шагнагша зон зоболондо дарлагданхай, үлэсхэлэн хооһон газар дэлхэйгээр тэнэжэ ябаха. Гэдэһээ үлдэжэ ябахадаа тэдэ сухалдажа, хаанаа болон Бурханаа харааха. Тэдэ өөдөө огторгой руу гү,

Левит 24:10

Нэгэтэ израиль һамганай египет хүнһөө гаргаһан хүбүүн отог соогоо израиль хүнтэй наншалдаба.

Матвей 26:65

Тиихэдэнь ахамад санаарта хубсаһаяа шуу татаад: – Энэтнай Бурханиие доромжолжо байна! Бидэндэ үшөө ямар гэршэ хэрэгтэйб? Мүнөө һая энээнэй Бурханиие доромжолхыень дуулабат!

Римэйхиндэ 2:24

«Еврей таанадһаа боложо бусад арадууд Бурханиие муудхана», – гэжэ Нангин Бэшэг соо хэлээтэй байдаг.

Тимофейдэ 1-дэхи 1:13

Урдань би Тэрэниие доромжолжо, хашан мүрдэжэ, гомдохоожо байгааб. Гэхэдээ һүзэггүй ябахадаа би тиимэ юумэ хээб. Юу хэжэ байһанаа ойлгоногүй байһандамни, Бурхан намайе хүлисөө.

Гэршэлгэ 16:11

Тиин үбшэн зоболон, яра шарха асарһанайнь түлөө тэдэнэр Тэнгэриин Бурханиие хараалай муугаар хараажа байгаа. Теэд тэдэ хүнүүд гэм хэхэеэ болёогүй.

Гэршэлгэ 16:21

Огторгой тэнгэриһээ нэгэ талаант жэнтэй абарга томо мүндэр хүнүүд дээрэ унаба. Теэд аргагүй томо мүндэр оруулжа, аюул тодхор асарһанайнь түлөө Бурханиие хүнүүд хараалай муугаар харааба. Юундэб гэбэл, айхабтар ехэ гай аюул тохёолдоо бшуу.