Левит 23:39 - Библи

³⁹ Газарай үршөөһэн ургаса хуряаһанай удаа, долоодохи һарын арбан табанай үдэр Эзэнэй долоон хоногой һайндэрые үнгэргэгты. Түрүүшын үдэрынь амарагты, наймадахи үдэрынь амарагты.

Левит 23:39 Referencias Cruzadas

Египедһээ гаралга 23:16

Таряа хадалгын һайндэр гэжэ шинии тариһан таряалангай газарһаа түрүүшын ургаса абан сасуу тэмдэглэдэг бай. Жэлэй эсэстэ таряаланһаа ургасаяа хуряаһан хойноо Ургаса суглуулгын һайндэр тэмдэглэдэг бай.

Левит 23:24

– Израильшуудта хэлэ: Долоодохи һарын түрүүшын үдэр таанадта амгалан тэнюун оршоной, нангин үдэр болохо. Бүреэнүүдэй абяан тэрээн тухай тунхаглан зэдэлэг.

Левит 23:34

– Израильшуудта хэлэ: Долоодохи һарын арбан табанай үдэртэ бургааһаар хэһэн майхангуудай һайндэр гээшэ, долоон үдэрэй Эзэнэй һайндэр.

Левит 23:36

Долоон хоног соо Эзэндэ үргэл үргэхэт. Наймадахи үдэр – нангин. Эзэндэ үргэл үргэгты. Энэ һайндэрэй һүүлшын үдэр, ямаршье ажал бү хэгты.

Левит 23:38

Эзэнэй субботонуудһаа гадна, үргэһэн бэлэгүүдһээтнай гадна, шахаа тангаригай үргэлһөө гадна, өөрын һанаагаар Эзэндэ үргэһэн үргэлһөө гадна эдэ бүгэдэ мүн.

Левит 23:40

Түрүүшын үдэр һайхан модоной жэмэс суглуулагты, дал модоной набша, үдхэн набшаһатай модоной мүшэр, голой бургааһанай мүшэр суглуулагты. Тиигээд Эзэнэй, өөрын Бурханайнгаа урда долоон үдэр хүхилдэн сэнгэн байгты.

Хуули дабталга 16:13

Таряагаа тээрмэдэһэнэй, үзэмэй модонойнгоо шүүһэ даража дүүргэһэнэй удаа Майхангуудай һайндэр һайндэрлэгты.