Левит 23:28 - Библи

²⁸ Энэ үдэр ямаршье ажал бү хэгты, энэ үдэртнай арюудхалгын үдэр болоно. Минии, Эзэн Бурханайтнай, үмэнэ таанадые арюудхахын тула.

Левит 23:28 Referencias Cruzadas

Исай 53:10

Тэрэниие усадхаха гэжэ Эзэн хүсөө, зоболон тохоо. Нүгэлэй түлөө ами наһаяа үргэхэдөө, Тэрэ уг удамаа харахал, Өөрын үдэрнүүдые утадхахал, Тэрэнэй аргаар Эзэнэй хүсэл бэелүүлэгдэхэ.

Даниил 9:24

Эсэргүүсэһэн ябадал мартагдахын, нүгэл арюудхагдахын, гэм зэм амасагдахын тула, үнэн зүб ябадалай хэтэ мүнхэдөө мандахын, үзэгдэл болон лүндэн дээрэ тамга табигдахын тула, Нангинай нангин газарай арюудхагдан тоһологдохын тула дала дахин долоон хоног үнгэрхэ ёһотой. Иимэ сагай хугасаа соо арад зонтнай, нангин хототнай нүгэлөө амасаха гээд Бурхан тодорхойлоо.

Левит 16:30

Юундэб гэхэдэ, энэ үдэр таанадые арюудхана, Эзэнэй үмэнэ сэбэр байхынтнай түлөө таниие бүхы нүгэл хилэнсэгһээтнай сагааруулна.

Левит 16:33

нангин газараа, майхан һүмэ, үргэлэй шэрээ, санаартанаа, арад зоноо арюудхаха.

Левит 16:34

Энэ хадаа танда мүнхэ захяа зарлиг болог: жэлэй нэгэ дахин израильшуудые бүхы нүгэл хилэнсэһээнь арюудхаха гэһэн Эзэнэй хэлэһэн зарлигаар Моисей бүтээбэ ха.

Левит 23:27

– Баһа долоодохи һарын арбадахи үдэр арюудхалгын үдэр гээшэ, үргэл мүргэл болохо, масаг баригты, Намда, Эзэндэ, үргэл үргэгты.

Захарияа 3:9

Иисүүсэй урда энэ шулуу табинаб. Тэрэ шулуун долоон нюдэтэй. Би тэрээн дээрэ хандалга бэшэг һиилэхэб. Энэ газарай нүгэл хилэнсэгые үгы хэһэн үдэр ерэхэ гэжэ бэшээтэй байха.

Еврейнүүдтэ 10:10

Иисүүс Христоосой Бурханай эрхэ хүсэл бэелүүлэн, Өөрынгөө бэеые нэгэтэ болон хэтын хэтэдэ үргэл болгон асарһан хадань бидэ булта нүгэлнүүдһээн мултаран арюудхагдаабди.

Еврейнүүдтэ 10:14

Нүгэлнүүдээ арилгажа байһан хүнүүдые Христоос нэгэ үргэлөөрөө хэтын хэтэдэ эрхим түгэс болгоо.

Еврейнүүдтэ 9:12

Христоос майханда нэгэтэ ороходоол Хамагай Нангин газарта хэтын хэтэдэ ороо, тиин Тэрэ тэхын гү, али буха буруугай шуһа тахил болгон абажа ороогүй, харин Өөрынгөө аминай ба шуһанай сэнгээр нүгэлнүүдыемнай арилгаа.

Еврейнүүдтэ 9:26

Тиигээгүй һаа, Тэрэ газар дэлхэйн зохёон бүтээгдэхэһээ эхилээд, оло дахин зобохо бэлэй. Үе сагай эсэстээ хүрэжэ байхада Тэрэ Өөрыгөө тахил болгон үргөөд, нүгэлые усадхахаар нэгэтэл, гэхэдэ хэтын хэтэдэ ерээ.

Иоаннай 1-дэхи хандалга 2:2

Бидэнэй хэһэн нүгэлэй, гансашье бидэнэй бэшэ, харин бүхы дэлхэйнхидэй хэһэн нүгэлэйнь түлөө Иисүүс Өөрыгөө үргэл болгоо.

Иоаннай 1-дэхи хандалга 4:10

Дуран гээшэ иимэ: Бурханда бидэ дурлаагүйбди, Бурхан Өөрөө бидэндэ дурлажа, бидэнэй хэһэн нүгэлэй түлөө үргэл болгон, Өөрынгөө Хүбүүе эльгээгээ.

Иоаннай 1-дэхи хандалга 5:6

Тэрэ бидэндэ уһа шуһан хоёрой ашаар ерээ. Тэрэмнай Иисүүс Христоос мүн. Иисүүс уһанһаа гадна, уһа шуһан хоёртой хамта ерээ. Энээниие Арюун Һүлдэ гэршэлнэ, яахадааб гэбэл, Арюун Һүлдэ үнэн бодото зүйл мүн.