Левит 23:17 - Библи

¹⁷ Гэрнүүдһээ үргэхэ хоёр бүхэриг хилээмэ асарагты. Бүхэриг бүхэндэ эфаагай арбанай хоёр хубитай шэниисын гурил гаргашалагдаха ёһотой. Эһээһэн талхаар тэдэниие болгохо хэрэгтэй, энэ бол ургасын дээжэһээ Эзэндэ үргэл болоно.

Левит 23:17 Referencias Cruzadas

Нэхэмьяа 10:37

Манай Бурханай гэрэй хадагаламжада, санаартадта, хилээмэнэй, алим жэмэсүүдэй, үзэмэй дараһан архиин, ургамалай тоһоной дээжэнүүдые бидэ үргэжэ байхабди, харин ургасын арбанай нэгэ хубиие – левидүүдтэ (тэдэ левидүүд газар элдүүрилдэг манай бүхы хотонууд бүриһөө арбанайнь нэгые суглуулна).

Египедһээ гаралга 22:29

Бурханиие бү муушала, арадайнгаа удамаршые хараажа бү бай.

Египедһээ гаралга 23:16

Таряа хадалгын һайндэр гэжэ шинии тариһан таряалангай газарһаа түрүүшын ургаса абан сасуу тэмдэглэдэг бай. Жэлэй эсэстэ таряаланһаа ургасаяа хуряаһан хойноо Ургаса суглуулгын һайндэр тэмдэглэдэг бай.

Египедһээ гаралга 23:19

Газарһаа абтаһан түрүүшынгээ ургасын дээжыень Эзэн Бурханайнгаа гэртэ асардаг бай. Эшэгэнэй мяха эхынь һүн соо бү шана.

Египедһээ гаралга 34:22

Долоон хоногой – шэниисын түрүүшын ургаса хуряалгын һайндэр тэмдэглэгты. Мүн жэлэй эсэстэ Үрэ жэмэс суглуулгын һайндэр тэмдэглэдэг байхат.

Египедһээ гаралга 34:26

Газарһаа абтаһан түрүүшынгээ ургасын дээжыень Эзэн Бурханайнгаа гэртэ асаржа байгты. Эшэгэнэй мяха эхынь һүн соо бү шанагты.

Левит 2:12

Харин тэдэниие Эзэндэ зорюулһан ургасын дээжэ гээд асаржа болохо, зүгөөр Тэрээндэ таатай һайхан үнэр гэжэ үргэлэй шэрээ дээрэ галдажа болохогүй.

Левит 23:10

– Израильшуудта соносхо: Минии үгэһэн газарта ерээд, таряа тарихадаа, өөрынгөө түрүүшын ургасын нэгэдэхи боолто таряае санаартада асаржа үгэхэт.

Левит 23:18

Ямаршье зэмдэггүй долоон түлгэн хурьга, нэгэ буруун буха, хоёр хуса Эзэндэ зорюулжа, хилээмэн үргэлтэй хамта үргэгты. Энэ хадаа Эзэндэ зорюулһан түгэс шатаалта үргэл мүн, хилээмэн үргэлтэй, үзэмэй дараһан архи үргэлтэй хамта. Эзэндэ аятай һайхан хэншүү үнэртэй үргэл байха.

Левит 7:13

Лепёошхонуудһаа гадна баяр хүргэһэн амгалан байдалай түлөө үргэлдэ эһээһэн хилээмэ асараг.

Тоололго 15:17

Эзэн Моисейдэ үшөө иигэжэ айладаба:

Тоололго 18:12

Оливын тоһоной эгээл һайниие, уһан үзэмэй эгээл һайниие, ургаса таряанай эгээл шэные – Эзэндэ тэдэнэй үргэдэг тэдэ бүхы үргэлнүүдыень эдихэ, уухыншни тула шамда үгэнэб.

Тоололго 18:13

Ургаса таряагаа хуряахадаа, арад зон ургасынгаа дээжые Эзэндэ бэлэг болгон асарха. Эдэ бүхы эдеэ хоолой зүйлнүүдые Би шамда, шинии гэр бүлэдэ үгэнэб. Бузартаагүй һаа, нүгэл хээгүй һаа, Бурханда үргэһэн үргэл эдихэдэтнай болохо.

Тоололго 28:26

Түрүүшын ургаса хуряалгын һайндэрэй үдэр шэнэ ургасаһаа Эзэндэ хилээмэн үргэл асарагты. Энэ үдэр нангин үргэл, мүргэл хэгты. Энэ үдэр ямаршье ажал бү хэгты.

Матвей 13:33

Иисүүс тэдэндэ ондоо һургаалта үгэ хэлэбэ: – Огторгойн хаан түрэ эһээбэритэй сасуулжа болохо: нэгэ эхэнэр багахан эһээбэри абажа, гурбан хэмжүүрэй гурилтай худхажа эһэтэрынь эдьхэбэ.

Римэйхиндэ 8:23

Гансашье бүтээгдэһэн бүхы юумэнүүд ёолоно бэшэ, харин Бурханай түрүүшын үршөөл бэлэгтэ, Һүлдэдэнь хүртэһэн бидэшье Бурханай маанадые үхибүүдынь болгохые, бэеыемнай сүлөөлхые хүлеэжэ байхадаа, баһал зосоогоо ёолонобди.

Коринфынхидтэ 1-дэхи 15:20

Зүгөөр Христоосой үхөөд амидыруулагдаһаниинь үнэн зүб юм. Үхөөд амидыруулагдаха зондо энэнь баталамжа юм.

Яковай хандалга 1:18

Бурхан Өөрынгөө һайн дураар үнэн зүб мэдээсэлэй ашаар бүхы зохёон бүтээгдэһэн юумэнүүдэйнгээ дээжэнь болгохын тула маанадые мүндэлүүлээ.

Гэршэлгэ 14:4

Тэдэ хүнүүд эхэнэрнүүдээр орёоһолдон бэеэ бузарлаагүй, гэр бүлэ болоогүй зандаа үлөө, Үргэлэй Хурьганай ошоһон тээшэ дахажа ябаа. Гансал тэдэ хүнүүд газар дэлхэйһээ абтан абарагдаа. Тэдэнэр Бурханда болон Хурьганда үргэһэн түрүүшын ургасын дээжэ мэтэ.