Левит 22:19 - Библи

¹⁹ Бурханһаа үршөөл абахын түлөө үргэлэй мал зэмдэггүй эрэ бодо малһаа, хони ямаадһаа үргэгдэхэ ёһотой.

Левит 22:19 Referencias Cruzadas

Египедһээ гаралга 12:5

Ямаршье дутагдал гажуугүй жэлтэй эрэ хурьган байха зэргэтэй. Хурьганай орондо эшэгэ абахада баһа болохо.

Левит 1:10

Хэрбээ хони ямаагаар түгэс шатаалта үргэл хэхэ гэбэл, зэмдэг дутагдалгүй хуса гү, али тэхэ асараг.

Левит 1:2

– Израильшуудта соносхон иигэжэ хэлээрэй: али нэгэнтнай Эзэндэ үргэл хэхэ гээ һаа, адуу малаар – эбэртэ бодо малаар, хони ямаагаар үргэл хэг.

Левит 1:3

Эбэртэ бодо малһаа түгэс шатаалта үргэл хэхээ һанаа бол, ямаршье дутагдалгүй буха шэлэн абаад, Эзэндэ һайшаагдахынь тула майхан һүмын үүдэндэ асараг.

Левит 21:18

Муу бэетэй: һохор, дохолон, һарюу хүн үргэл үргэхэ эрхэгүй.

Левит 4:32

Хэрбээ нүгэл сагааруулгын үргэлые хонин һүрэгһөө үргэхөө һанабал, зэмдэг дутагдалгүй хони асараад,

Матвей 27:19

Пиладай зарга шүүбэри хэдэг газарта һуухадань, тэрэнэй һамганиинь: – Тэрэ ямаршье гэм зэмэгүй хүндэ муу юумэ бү хэ! Мүнөө һүни Тэрэниие зүүдэндээ харааб, тиин Тэрэнэй түлөө аргагүй һанаагаа зобооб, – гэһэн мэдээсэлтэйгээр хүниие ябуулба.

Матвей 27:24

Юушье хэхэ аргагүй байһанаа хараад, теэдшье буһалгаан үймөөнэй үүсхэгдэхэ гэжэ байһые ойлгоходоо, Пилат уһа абаад, улад зоной урда гараа угаагаад: – Энэ хүнэй үхэлдэ би ямаршье зэмэгүйб; энэ таанадай үйлэдэһэн хэрэг, – гэжэ хэлэбэ.

Матвей 27:4

– Гэм зэмэгүй хүниие барижа үхэлэй саазада хүртүүлхэдээ би нүгэл үйлэдэбэб, – гэбэ. Нүгөөдүүлынь: – Тэрэшни манда ямар хамаатай юм? Шиниил хэрэг ха юм, – гэжэ харюусаа һэн.

Матвей 27:54

Тиихэдэ зуунай дарга, мүн тэрээнтэй хамта Иисүүсые һахилсагша сэрэгшэд газарай хүдэлхые, мүн бусадшье болоһон үзэгдэлнүүдые хараад, ехэ айн һүрдэжэ: – Тэрэ үнэхөөрөө Бурханай Хүбүүн байгаа, – гэлсэбэ.

Лука 23:14

– Израилиин зониие үймүүлжэ ябана гэжэ зэмэлэн, таанад Энэ Хүниие намда асарбат. Харин би танай хараһаар байтар мүрдэлгэ хэхэдээ, танай тохоһон тиимэ зэмэтэй байһыень тодоруулбагүйб.

Лука 23:41

Ехэ гэм хэһэн маниие зүб иигэжэ хэһээжэ байна, харин энэ Иисүүс ямаршье муу юумэ хээгүй, – гэбэ.

Лука 23:47

Эдэ бүгэдые хараһан зуунай дарга Бурханиие алдаршуулан магтаад: – Энэ хүн үнэхөөрөө үнэн сэдьхэлтэн байгаал даа, – гэбэ.

Иоанн 19:4

Пилат дахин гаража, еврейнүүдтэ хандан: – Тэрэниие таанадта харуулхамни. Таанар мэдэжэ байгты: би энэ Хүндэ зэмэ тохохо ямаршье баримта олоногүйб, – гэбэ.

Коринфынхидтэ 2-дохи 5:21

Бурхан маанадай түлөө ямаршье нүгэлгүй байһан Христоосто манай нүгэлнүүдые ашаа. Тиигэжэ бидэ Христоостой нэгэдэн, Бурханда зохистой болообди.

Эфесэйхиндэ 5:27

Һүзэглэгшэдэй бүлгэмые Тэрэ Өөрынгөө урда ямаршье гэм бузаргүй, дутуу дутагдалгүй үзэсхэлэнтэ гоё байлгахаяа һанаа.

Хуули дабталга 15:21

Малда ямар нэгэн дутагдал – дохолон гү, али һохор, үгышье һаа, үшөө ондоо дутуу дундатай байгаа һаань, тэрэниие Эзэн Бурхандаа бү үргэ.

Еврейнүүдтэ 9:14

Христоосой шуһан бузарнуудыень бүрин түгэс арилгадаг. Тэрэ мүнхын Һүлдөөр дамжуулан Өөрыгөө Бурханда үргөө. Тэрэнэй шуһань сэдьхэлыемнай үхэлдэ хүргэдэг хэрэгүүдһээ арилгаад, амиды Бурханда алба хэхэ аргатай болгохо.

Пётрой 1-дэхи хандалга 1:19

харин бэеын дутагдалгүй, сэбэр Хурьганай, Христоосой үнэтэй сэнтэй шуһаар худалдажа абтагдаат.

Пётрой 1-дэхи хандалга 3:18

Бидэниие Бурханда хандуулхын тула Христоос манай нүгэл шэбэлэй түлөө нэгэтэ зоболон эдлээ. Тэрэ үнэн сэдьхэлтэн хара һанаатай зоной түлөө бэеэ һүнөөлгэжэ, һүлдөөрөө амидыраа.