Левит 22:13 - Библи

¹³ Хэрбээ санаартын басаган бэлбэһэн болоод, али нүхэрһөө һалаад, үхибүүгүй байгаа һаань, эсэгэдээ бусажа ерээ һаань, залуу байхадаа, яажа байгаа һэн бэ, тэрээгээрээл ажаһууха, эсэгынгээ хилээмэнһээ эдилсэхэдэнь болохо, буса ондоо хүнһөө хэншье хилээмыень эдихэ ёһогүй.

Левит 22:13 Referencias Cruzadas

Эхин 38:11

Тэрэнэй удаа Иуда Тамаарта иигэжэ хэлэбэ: – Минии хүбүүн Шэлаа үшөө бэеэ хүсөөдүй байна, ехэ болоторынь эсэгынгээ гэртэ бусаад, бэлбэһэн эхэнэр мэтээр ажаһуулши. Харин Иуда үнэхөөр Тамаарые Шэлаада үгэхэ дурагүй байгаа. Тамаартай гэрлэжэ, Шэлаа аханартаа адляар мүн лэ Эзэн Бурханда шиидхүүлэгдэжэ, алуулна аа гү гэжэ тэрэ айһан байгаа. Тиигээд Тамаар түрхэмдөө бусаа һэн.

Эзраа 2:63

Санаартанай урим ба туммим дээрэ үзэл үзэжэ, Бурханай хүсэл мэдэхын урда тэдэнэр нангин үргэлһөө эдихэ эрхэгүй гээд засаг баряаша хэлэбэ.

Египедһээ гаралга 12:43

Эзэн Моисей Аһароон хоёрто зарлиг болобо: – Энэ Паасхын ёһо гээшэ: ондоо угсаата хэншье эдихэ ёһогүй.

Египедһээ гаралга 29:33

Тэдэниие арюудхалгын, тэдээндэ һахил хүртөөлгын, нангин болгоһоной үедэ үргэһэн үргэлые тэдэ өөһэдөө эдихэ ёһотой. Харин ондоо хүн огто эдихэ ёһогүй, энэ бол нангин зүйл.

Эзэкээл 44:8

Нангин үргөө соо үнгэрдэг ёһололнуудые хинан байха ёһотой аад, таанад өөһэдынгөө орондо хариин зониие табижа, тэдэ ёһололнуудые хинан байгуулдаг һэнта.

Левит 10:14

Тиигээд бэлэг гэжэ дэлгэгдэхэ үбсүүн ба бэлэг гэжэ үргэгдэхэ уусые ши өөрынгөө хүбүүд, басагадаараа хамта нэгэ сэбэр газарта эдеэрэй. Юуб гэхэдэ, энэ хадаа израильшуудай амгалан байдалай түлөө үргэһэн үргэлһөө шамда болон шинии хүбүүдтэ үгтэһэн нэрэтэ хуби гээшэ.

Левит 22:10

Буса ондоо хүн арюун нангин эдеэ эдижэ болохогүй. Санаартын гэртэ байдаг һуулгамаршан хүн тэрэ нангин арюун эдеэ эдихэ ёһогүй.

Левит 22:12

Санаартын басаган санаарта бэшэ ондоо обогой хүндэ хадамда гараа һаа, үргэлэй арюун нангин эдеэ эдихэ баһа эрхэгүй.

Хуули дабталга 24:2

Тэрэ һамган гэрһээнь гаража ошоходоо, ондоо хүндэ хадамда гаража болохо.

1 Хаан түрэнүүд 21:7

Тэрэ үдэр Саулай зарасанарай нэгэн тэндэ Эзэнэй урда байгаа бэлэй. Тэрэ эдоом хүн, нэрэнь Доһээг. Тэрэ хадаа Саулай хонишодой ахалагшань һэн.