Левит 21:6 - Библи

⁶ Тэдэ өөрынгөө Бурханай үмэнэ нангин арюун сэбэр байха ёһотой, Бурханайнгаа нэрэ гутааха ёһогүй, юундэб гэхэдэ, Эзэндэ үргэл үргэнэ, Бурхандаа хилээмэ үргэнэ, иимын тула арюун нангин байха ёһотой.

Левит 21:6 Referencias Cruzadas

Эзраа 8:28

Тиигээд тэдэндэ иигэжэ хэлэбэб: – Эсэгэнэрэйтнай Бурхандаа һайн дураараа үргэһэн алта мүнгэн, эдэ амһартанууд Эзэнэймнай нангин зүйлнүүд болоно. Таанаршье Эзэн Бурханайнгаа урда ехэ үүргэтэй, нангин хүнүүд болобо гээшэт.

Египедһээ гаралга 19:22

Санаартад Эзэндэ дүтэлхэ гээ һаа, бэеын арюуниие нарин сахиха ёһотой. Үгы гэбэл, Эзэн тэдэниие баһал һүнөөхэ.

Египедһээ гаралга 28:36

Алтан хабтаһа хээд, дээрэнь тамга һиилэһэн шэнгеэр «Эзэнэй нангин» гэһэн үгэнүүдые һиилэхэш.

Египедһээ гаралга 29:44

Майхан һүмые болон үргэлэй шэрээ нангин болгохоб. Аһароон болон тэрэнэй хүбүүдые адислажа, Минии санаартад болгохоб.

Исай 52:11

Ябагты, ябагты! Вавилоонһоо гарагты! Эзэнэй нангин үргөөгэй хэрэгсэлнүүдые үргэн ябаашад, бузар юумэндэ бү хүрэгты! Өөһэдыгөө арюунаар абан ябагты!

Эзэкээл 44:7

Намда шүтэдэггүй, этигэдэггүй хариин зониие үргэлэй үедэ Минии нангин үргөө руу оруулдаг һэнта. Иимэ муу муухай хэрэгүүдээрээ таанад Намтай баталһан хэлсээгээ эбдээ болонот.

Левит 10:3

Моисей Аһароондо үгүүлбэ: – Эзэн энээниие айладаһан байгаал, иигэжэ үгүүлхэдээ: Намда дүтэ хүнүүд дээрэ Өөрын нангиниие харуулхаб; бүхы арад зоной үмэнэ Алдараа харуулхаб. Аһароон абяа аниргүй байба.

Левит 18:21

Өөрынгөө үри хүүгэдээ Моолохто бү һүгэдүүлэ, өөрынгөө Бурханай нэрэ гутаахаш. Би хадаа Эзэнби.

Левит 19:12

Намайе урдаа баряад, тангариг бү хэлэгты. Бурханайнгаа нэрэ бү гутаагты. Би Эзэн гээшэб.

Левит 20:3

Би уурлан тэдээн руу эрьехэб, нюураараа тэрэ хүниие харахаб, тэрэниие хюдажа алахаб. Тэрэ хүн хадаа Моолохто үхибүүдһээнь үгэжэ, нангин байрыем бузарлаа, нангин нэрыемни гутаагаа.

Левит 21:17

– Аһароондо хэлэ: Шинии үри һадаһанай уг унги соо бэеын зэмдэг дутагдалтай хүн Бурханда эдеэнэй үргэл үргэхэ ёһогүй.

Левит 21:21

Аһароон санаартын үри һадаһадһаа бэеын зэмдэг дутагдалтай хүн Эзэндэ үргэл үргэхэ ёһогүй, өөрынгөө Бурханда хилээмэн үргэл үргэхэ эрхэгүй.

Левит 21:23

Харин хүшэгэдэ, үргэл үргэдэг газарта тэрэ дүтэлхэ ёһогүй, юундэб гэхэдэ тэрэ дутуу бэетэй, эрэмдэг хүн. Минии арюун нангин оршониие бузарлаха ёһогүй. Би хадаа тэдэниие арюудхажа байдаг Эзэн гээшэб.

Левит 21:8

Тэрэниие арюудха, юуб гэхэдэ, шинии Бурханда хилээмэ үргэнэ: нангин арюун байг лэ, юуб гэхэдэ, Би таниие арюудхадаг арюун нангин Эзэн гээшэб.

Левит 3:11

эдэ бүгэдые санаарта үргэлэй шэрээ дээрэ галдаха ёһотой. Энэ галай эдеэн – Эзэндэ үргэл мүн.

Тоололго 16:5

Коорахта болон тэрээнтэй үгэеэ нэгэдэн үгэсэлдэгшэдтэ иигэжэ хэлэбэ: – Үглөө үглөөгүүр Эзэн үнэхөөрөө хэн Тэрэнэйб, хэн арюун нангин бэ, Өөр руугаа хэниие дүтэлүүлдэг байха тухайгаа харуулха даа. Тэрэнэй шэлэһэн хүн лэ Тэрээндэ дүтэлдэг байха.

Тоололго 28:2

– Израильшуудта иимэ захяа хэлэ: Намда һайшаагдаха талхан болон аятай һайхан хэншүү үнэртэ шатаалта үргэлнүүд Минии урда тодорхойлогдоһон сагтаа асарагдадаг байхын түлөө таанад харюусалгатайт.

Пётрой 1-дэхи хандалга 2:9

Тиихэдэ таанад шэлэгдэжэ абтаһан угсаатан гээшэт, Хаанай санаартад, нангин арад, Бурханай хүнүүд болонот, шэб харанхыһаа таанадые гайхалтай гэрэл туяадаа дуудаһан Бурханай агууехэ үйлэ хэрэгүүд тухай номнохоор шэлэгдэһэн хүнүүд гээшэт.