Левит 21:22 - Библи

²² Өөрынгөө Бурханай хилээмэ, нангин болон хамагай нангин газарһаа хилээмэ эдихэдэнь болохо.

Левит 21:22 Referencias Cruzadas

Левит 10:12

Тиигээд Моисей Аһароондо, тэрээнэй үлэһэн Эльазаар Итамаар хоёр хүбүүдтэнь хэлэбэ: – Эзэндэ үргэһэн үргэлһөө үлэһэн талхан үргэлыень абаад, эһээлтэгүй хилээмыень үргэлэй шэрээгэй хажууда эдигты. Энэ хадаа аргагүй ехэ нангинай нангин зүйл гээшэ.

Левит 10:17

– Таанад нүгэл сагааруулгын үргэлые арюун нангин газарта юундэ эдеэгүйбта? Энэ хадаа аргагүй ехэ нангинай нангин зүйл гээшэ. Тиигээд энэ арад зоной нүгэл даажа, тэрэ нүгэлыень Эзэнэй үмэнэ сагааруулхынтнай түлөө танда үгтэһэн гээшэ!

Левит 14:13

Тиигээд нүгэл наманшалгын болон түгэс шатаалта үргэлэй мал үүсэлэн гаргадаг нангин газарта тэрэ хурьгаа гаргаха ёһотой, юундэб гэхэдэ, энэ гарза харюулгын үргэл хадаа нүгэл сагааруулгын үргэл мэтэ санаартын хубита юм, энэ хадаа аргагүй ехэ нангин зүйл мүн.

Левит 2:10

Талхан үргэлэй үлэгдэл хадаа Аһароондо ба тэрэнэй хүбүүдтэ хүртэхэ ёһотой: энэ хадаа Эзэнэй үргэлнүүдһээ абтаһан нангинай нангиниинь гээшэ.

Левит 2:3

Талхан үргэлэй үлэгдэл хадаа Аһароондо ба тэрээнэй хүбүүдтэ хүртэхэ ёһотой. Энэ хадаа нангин, юуб гэхэдэ, Эзэндэ үргэһэн үргэлнүүдһээ абтаһан мүн.

Левит 21:23

Харин хүшэгэдэ, үргэл үргэдэг газарта тэрэ дүтэлхэ ёһогүй, юундэб гэхэдэ тэрэ дутуу бэетэй, эрэмдэг хүн. Минии арюун нангин оршониие бузарлаха ёһогүй. Би хадаа тэдэниие арюудхажа байдаг Эзэн гээшэб.

Левит 22:25

Хари газарай зонһоо гэмтэһэн мал Бурханда бү үргэгты, юундэб гэхэдэ, тэрэ зэмдэгтэй: танда үршөөл хайрлагдахагүй, туһа болохогүй.

Левит 22:7

Наранай ороһон хойно, бэеэ арюун болгоод, арюун нангин эдеэ эдихэдэнь болохо, юуб гэхэдэ энэ өөрынь эдеэн ха юм.

Левит 27:28

Эзэндэ тангариглан зорюулһан малаа, газараа, хүниие хэншье һөөргэнь худалдан абажа шадахагүй, худалдажа шадахагүй. Тэдэ дууһан Эзэнэй байха.

Левит 6:10

Санаарта маалинга бүд хубсаһаа, доронь маалинга дотор самсаяа үмдэг, тиигээд түгэс шатаалта үргэлэй һүүлээр үлэгшэ үнэһэ үргэлэй шэрээ дээрэһээ абаад, үргэлэй шэрээгэй хажууда адхаг.

Левит 6:29

Санаарта угтай бүхы эрэшүүл энээние эдихэ эрхэтэй: энэ хадаа нангинай нангин шүтөөн гээшэ.

Левит 7:1

Энэ хадаа гарза харюулгын үргэлэй ёһо гурим гээшэ. Энэ болбол нангинай нангин зүйл мүн.

Левит 7:6

Бүхы санаарта эрэшүүл энээниие эдихэ эрхэтэй. Эдихэдээ, нангин газарта эдихэ ёһотой: энэ хадаа аргагүй ехэ нангин шүтөөн мүн.

Тоололго 18:19

Намда израильшуудай асардаг нангин үргэл, эдэ бүхы бэлэгүүдые Би, Эзэн, шамда үгэнэб. Эдэ бэлэгүүд шинии хубита болохо. Би хубита бэлэгыешни шамда, шинии хүбүүд болон басагадта хэтын хэтэдэ үгэнэб. Энэ болбол шамтай болон үри һадаһадтайш баталһан мүнхэ хэлсээн, Минии, Эзэнэй, урда дабһаар баталһан хэлсээн юм!

Коринфынхидтэ 1-дэхи 9:13

Һүмэдэ алба хэгшэдэй Һүмэһөө эдеэ хоолоо олодогые, тиин тахилай газарта ажаллагшадай тахилай юумэнһээ хубаалсажа абадагые таанад мэдэхэгүй аалта?