Левит 2:10 - Библи

¹⁰ Талхан үргэлэй үлэгдэл хадаа Аһароондо ба тэрэнэй хүбүүдтэ хүртэхэ ёһотой: энэ хадаа Эзэнэй үргэлнүүдһээ абтаһан нангинай нангиниинь гээшэ.

Левит 2:10 Referencias Cruzadas

2 Угай бэшэг 31:14

Имнаагай хүбүүн Корээ левит Эзэнэй Һүмын зүүн зүгэй үүдэнүүдэй харуулшан бэлэй. Тэрэ Эзэндэ үргэгдэһэн зүйлнүүдэй эрхилэгшэ, хэрэгтэй, шухала юумэ хубаажа үгэдэг бэлэй.

Эзраа 2:63

Санаартанай урим ба туммим дээрэ үзэл үзэжэ, Бурханай хүсэл мэдэхын урда тэдэнэр нангин үргэлһөө эдихэ эрхэгүй гээд засаг баряаша хэлэбэ.

Эзэкээл 44:29

Талхан үргэлһөө, нүгэл сагааруулгын үргэлһөө, гарза харюулгын үргэлһөө тэдэ хүртэн байха. Мүн тиихэдэ Намда зорюулагдаһан бүхы юумэн Израиль соо тэдэнэй болохо.

Эзэкээл 46:20

тэрэ иигэжэ хэлэбэ: – Энэ газарта санаартан гарза харюулгын үргэлэй болон нүгэл сагааруулгын үргэлэй мяха шанадаг. Мүн лэ эндэ үргэлэй хилээмэн болгогдодог. Иигэжэ эдэ нангин үргэлнүүд гадаа хорёо соо шанагдадаггүй, тэндэ шанаа гээшэ һаань, хэн нэгэн ойлгомторгүй дайража, бузарлажа болохол.

Левит 10:12

Тиигээд Моисей Аһароондо, тэрээнэй үлэһэн Эльазаар Итамаар хоёр хүбүүдтэнь хэлэбэ: – Эзэндэ үргэһэн үргэлһөө үлэһэн талхан үргэлыень абаад, эһээлтэгүй хилээмыень үргэлэй шэрээгэй хажууда эдигты. Энэ хадаа аргагүй ехэ нангинай нангин зүйл гээшэ.

Левит 14:13

Тиигээд нүгэл наманшалгын болон түгэс шатаалта үргэлэй мал үүсэлэн гаргадаг нангин газарта тэрэ хурьгаа гаргаха ёһотой, юундэб гэхэдэ, энэ гарза харюулгын үргэл хадаа нүгэл сагааруулгын үргэл мэтэ санаартын хубита юм, энэ хадаа аргагүй ехэ нангин зүйл мүн.

Левит 2:3

Талхан үргэлэй үлэгдэл хадаа Аһароондо ба тэрээнэй хүбүүдтэ хүртэхэ ёһотой. Энэ хадаа нангин, юуб гэхэдэ, Эзэндэ үргэһэн үргэлнүүдһээ абтаһан мүн.

Левит 21:22

Өөрынгөө Бурханай хилээмэ, нангин болон хамагай нангин газарһаа хилээмэ эдихэдэнь болохо.

Левит 5:13

Тиигээд санаарта али нэгэ нүгэл хэһыень арюудхаха. Тиигэжэ үршөөл хайра олгогдохо. Талхан үргэл мэтээр санаартада хүртэн үгтэхэ.

Левит 6:16

Бусадыень Аһароон хүбүүдтэеэ эдихэ ёһотой. Хилээмэ эһээлтэгүйгөөр, нангин газарта эдихэ хэрэгтэй – майхан һүмын хашаа соо.

Левит 6:23

Санаартанай үргэһэн талхан үргэл бүхэн дууһан шатаагдаха ёһотой, тэрэниие эдижэ болохогүй.

Левит 6:9

– Аһароондо, тэрэнэй хүбүүдтэ иимэ заабари үгэ: түгэс шатаалта үргэлэй хуули гурим гэбэл, шатаалта үргэлэй юумэн үргэлэй шэрээ дээрэ, гал дээрэ бүхэли һүни соо үглөө болотор байг. Үргэлэй гал носожол байха ёһотой.

Левит 7:7

Нүгэл сагааруулгын үргэл, мүн гарза харюулгын үргэл хоёр нэгэ ёһо гуримтай: үргэлэй юумэ үргэл бүтээһэн санаарта абаха эрхэтэй, юуб гэхэдэ, тэрэ арюудхана.

Тоололго 18:9

Улад зон Намда иимэ үргэлнүүдые асарха: талхан үргэл, нүгэл сагааруулгын үргэл, гарза харюулгын үргэл. Эдэ хадаа агууехэ нангин үргэлнүүд болоно. Үргэлнүүдэй хубинь шинии болон үринэрэйш хубита болохо.

1 Хаан түрэнүүд 2:28

Минии санаартан боложо, Минии үргэлэй шэрээдэ үндэрлэн гаража, санзай ууюулжа, Минии урда эфод үмдэн ябахынь тула Би Израилиин бүхы обогуудһаа тэдэниие шэлэн абаа бэшэ аалби? Израилиин зоной галаар үргэдэг бүхы үргэлнүүдһээ хуби абажа байхыень Би эсэгыншни гэр бүлэдэ зүбшөөгөө бэшэ аалби?