Левит 19:29 - Библи

²⁹ Басагаяа бү бузарлагты. Һальхай ябадалтай болохо. Байһан газартнай һальхай һамуу ябадалаар дүүрэхэ.

Левит 19:29 Referencias Cruzadas

Левит 19:28

Үхэһэн хүнэй түлөө бэеэ бү хадхагты. Бэедээ тэмдэгүүдые бү зурагты. Би Эзэн гээшэб.

Левит 21:7

Тэдэ һалихай эхэнэртэй, нэрээ хухарһан эхэнэртэй ушарха ёһогүй, үбгэндөө голуулһан эхэнэрые һамга абаха ёһогүй, юуб гэхэдэ, тэдэ өөрынгөө Бурханай үмэнэ арюун нангин ха юм.

Левит 21:9

Хэрбээ санаартын басаган эсэгынгээ нэрэ гутаажа, зайгуултажа, һалихайраа һаань, тэрэниие галдажа, үгы хэхэ ёһотой.

Коринфынхидтэ 1-дэхи 6:15

Танай бэе Христоосой бэеын хэһэгынь юм гэжэ таанад мэдэхэгүй аалта? Тиихэдээ би Христоосой бэеын хэһэгые абажа, янханай бэеын хэһэг болгохо аалби? Үгыл даа!

Хуули дабталга 22:21

тэрэ басагые эсэгынь гэрэй үүдэнүүдтэ аха захатан асаржа, хотын зон тэрэниие үхэтэрынь шулуудаг. Юуб гэхэдэ, тэрэ Израиль соо эшхэбтэр муухай юумэ хээ, эсэгынгээ гэртэ байхадаа забхай, янхан ябадал гаргаа. Өөһэдынгөө арадай дундаһаа муу юумэ иигэжэ үгы хэгты.