Левит 19:15 - Библи

¹⁵ Зарга шүүбэридэ ороходоо, худалаар бү хэлэгты. Үгытэй хүнэй нюур бү сахигты. Ехэ хүндэ бү һүгэдэгты. Хажуудахи хүнэйнгөө үйлэ хэрэг үнэн сэхээр шүүбэрилэгты.

Левит 19:15 Referencias Cruzadas

Иоов 13:8

Тэрэнэй талые бариһан аад, зорёолхоно гүт? Бурханай түлөө тэмсэхэ гээ гүт?

Иоов 32:21

Намайе шагнагты, хэнэйшье тала би барихагүйб.

Иоов 34:19

Эзэн тайжанарай нюур харадаггүй, баян хүниие ядууһаа үлүүгээр үзэхэгүй. Юундэб гэхэдэ, хүн бүхэниие Тэрэ Өөрөө бүтээгээ.

Псалманууд 82:2

Бурхан! Дуугүй бү байгыт! Абяагүй бү байгыт, бү бэеэ хуряагаад байгыта!

Египедһээ гаралга 18:21

Угсаатан соогоо хүндэтэй зониие – Бурханһаа түбэгшөөдэг, үнэн сэхэ, эдилгэ абадаггүй хүнүүдые – шэлэжэ, мянганай, зуунай, табинай, арбанай дарганар болгожо таби.

Һургаал 18:5

Нүгэлтэнэй тала бариха гээшэ хэрэг шүүлгэ дээрэ гэмгүй хүниие хардаһантай адли муухай хэрэг.

Һургаал 24:23

Сэсэшүүл иигэжэ хэлэдэг. Хэрэг шүүлгэдэ али нэгэнэй тала бариха гээшэ һайн хэрэг бэшэ.

Һургаал 31:9

Үгэ амалжа, зүб шударгаар шүүжэ, ядуу гуйраншын болон гай тодхорто орогшын эрхэ хамгаала. א Алээп

Левит 19:35

Үйлэ хэрэгүүдтээ үнэн сэхэ байгты, шэгнүүртэ, утын ба хүндын хэмжүүртэ үнэн сэхээр байгты.

Иоанн 7:24

Таанар гадаада талыень обёороод лэ, халирхайгаар бү шиидхэгты, харин үнэн зүб шиидхэбэри гаргагты!

Хэрэгүүд 23:3

– Ай, сагаанаар будагдаһан хана, шамайе Бурхан сохихо, – гэжэ тэрээндэ Павел хэлэбэ. – Хуулиин ёһоор намайе шиидхэхэ гэжэ эндэ һууһан аад лэ, намайе сохигты гэжэ захирхадаа Хуули эбдэбэш.

Хуули дабталга 1:17

Нюур илгаруулжа бү байгты, шадалтай, шадалгүйшье зониие адли анхаран шагнагты. Хэнһээшье бү айгты, юуб гэхэдэ, шүүбэрилхэ гээшэ Бурханай хэрэг. Өөһэдөө шиидхэжэ шадахагүй хэсүү хэрэгээ намда даалгагты, би тэрэниие шиидхэхэб».

Хуули дабталга 10:17

Юуб гэхэдэ, Эзэн Бурхантнай бурхадай ехэ Бурхан, эзэдэй ехэ Эзэн, Тэрэ агууехэ, асари хүсэтэй, һүрөөтэй Бурхан. Тэрэ нюур илгажа байдаггүй, эдилгэ абадаггүй,

Хуули дабталга 16:19

Тэдэ хуули гурим хазагайруулха, нюур илгажа байха ёһогүй. Эдилгэ бү аба, юуб гэхэдэ, эдилгэ хадаа сэсэн хүниие һохор болгодог, үнэн шударга хүниие худалша болгодог.

Хуули дабталга 27:19

«Ерүүл зоной, үншэн хэнзын, үбгэеэ гээһэн эхэнэрэй эрхэнүүдые эбдэһэн хүн хараалай ехэ хараал шэнгээхэ!» Бүхы арад зон харюусаха: «Болтогой!»