Левит 19:10 - Библи

¹⁰ Юушье үлөөнгүй үзэм жэмэсээ бү суглуулагты, унаһан жэмэсээ бү түүгты. Үгытэйшүүлдэ, ерүүл зондо үлөөгты. Би Эзэнби, танай Бурхантнайб.

Левит 19:10 Referencias Cruzadas

Исай 17:6

Нэгэ хэдыл зон амиды мэндэ үлэхэ. Оливын модо сохиходо, эгээл дээдэ мүшэрэйнь оройдо хоёр-гурбан жэмэсэй үлэдэгтэл гү, али доодо һайн мүшэрнүүдтэнь нэгэ хэдыл жэмэсэй үлэдэгтэл адли Израиль болоод байха. Энэ болбол Би, Израилиин Бурхан, айладхана мүн!»

Исай 24:13

Олива хуряагаад, үзэм суглуулаад байха үедэ хооһон хогоосон, нэгэ хэдыл жэмэс үлөөд байгша. Тон тиимэ байдал дэлхэйн бүхы арадуудта үзэгдэхэ.

Ерэмияа 49:9

Уһан жэмэс суглуулагшад шамда ерэбэл, нэгэ хэдышье жэмэс түүнгүй үлөөхэ бэшэ гү? Һүниндөө хулгай хэгшэд орожо ерэбэл, хэрэгтэйл юумэеэ дураараа абан ошодог бэшэ гү?

Левит 11:44

Юундэб гэхэдэ, Би танай Эзэнтнайб: бэеэ арюудхагты, арюун сэбэр бологты, юундэб гэхэдэ, Би танай Эзэн гэгээнби; газар дээгүүр мүлхидэг амитадаар һүр һүлдэеэ бү бузарлагты.

Левит 19:11

Хулгай бү хэгты, худалаар бү хэлэгты, бэе бэеэ бү мэхэлэгты.

Левит 19:25

Табадахи жэлдэ гараһан бүхы үрэ жэмэсые өөһэдөө эдихэдэтнай болохо. Би Эзэн, танай Бурхантнай гээшэб.

Левит 19:9

Өөрынгөө газар дээрэ таряа хадахадаа, дууһан бү хуряагты, захадань үлөөгты. Хуряалгын һүүлдэ үлдөөсыень бү суглуулагты.

Левит 23:22

Таряагаа хадахадаа, таряалангай захада бү хүрэгты, үлэһэн хоолос бү абагты, үлөөгты. Үгытэй, ерүүл улад тэдэниие суглуулжа абаг. Би Эзэн, танай Бурхан гээшэб.

Левит 25:6

Субботын жэлдэ амархадаа, газар таанадта – шамда, шинии богоолдо, шэбэгшэдэ, шинии байлгаһан ерүүл уладта, шинии хүлһэлжэ абаһан ажалшанда – эдеэ хоол үгэхэ.

Авдии 1:5

Һүниндөө хулгай хэгшэд, дээрмэшэд шамда орожо ерэбэл, хэрэгтэйл юумэеэ дураараа шамһаа абан ошохо бэшэ гү? Уһан жэмэс суглуулагшад шамда ерэбэл, нэгэ хэдышье жэмэс түүнгүй үлөөхэ бэшэ гү? Харин дайсадшни шамайе дууһан аршаад ошохол!

Михей 7:1

Ямар гасалантай гээшэбиб даа! Жэмэс түүжэ, үзэм хуряажа байһанай удаа нэгэшье жэмэс оложо эдиһэйб гэжэ бэдэрһэн, харин юушье олоогүй хүндэл адлиб!

Хуули дабталга 24:19

Өөрынгөө таряалан дээрэ ургаса хадажа байхадаа, поолидо нэгэ боолто таряа мартаа гээшэ һаа, һөөргөө бү эрье. Ерүүл хүндэ, үншэн хэнзэдэ, бэлбэһэн эхэнэртэ тэрэ хүртэг. Тиигэбэлшни, Эзэн Бурхантнай бүхы хэһэн юумыешни үреэхэл.

Хуули дабталга 24:20

Оливын модо сохин, жэмэсыень суглуулжа байхадаа, һөөргөө эрьен, үлөөшыень суглуулжа бү бай. Ерүүл хүндэ, үншэн хэнзэдэ, бэлбэһэн эхэнэртэ тэрэ үлэг.

Хуули дабталга 24:21

Үзэмэй жэмэсэй сэсэрлигһээ үзэм хуряагаад, үлөөшыень дахин бү түү. Эдэ бүгэдэ ерүүл хүндэ, үншэн хэнзэдэ, бэлбэһэн эхэнэртэ үлэг лэ.

Ударидагшад 8:2

Гидоон тэрээндэ иигэжэ хэлэбэ: – Мүнөө би таанад шэнги ехэ юумэ хээ аалби? Абиээзэрэй гэр бүлынхидһөө һураггүй ехэ уһан үзэм түүжэ суглуулхадаа, Эпрааимайхид баярланагүй аалта?

Рүүт 2:2

Моһааб Рүүт Наомиида: – Таряалан руу ошохыемни намайе табиит. Хэн нэгэнэй зүбшөөбэл, хойноһоонь ябажа, унаһан хоолос түүхэб, – гэхэдэнь, Наомии тэрээндэ: – Басагамни, ошо даа, – гэбэ.