Левит 18:21 - Библи

²¹ Өөрынгөө үри хүүгэдээ Моолохто бү һүгэдүүлэ, өөрынгөө Бурханай нэрэ гутаахаш. Би хадаа Эзэнби.

Левит 18:21 Referencias Cruzadas

3 Хаан түрэнүүд 11:33

Энээниие юундэ хэнэбиб гэхэдэ, Соломоон Намайе орхижо, Сидооной бурхан Аштаартуудта, Моһаабай бурхан Хэмоошто, Аммооной бурхан Милхоомдо шүтэн мүргэжэ эхилээ. Соломоон Минии хойноһоо ябаагүй, Намда таатай зүб юумэ хээгүй, Давид эсэгэдээл адли байгаагүй, хуули ёһонуудыем, тогтоол заабаринуудыем сахибагүй.

3 Хаан түрэнүүд 11:7

Удаань Соломоон Моһаабай жэгшүүрилтэ шүтээн Хэмоошто ба Аммооной жэгшүүрилтэ шүтээн Моолохто зорюулан, Иерусалимай зүүн зүгтэ байгаа уула дээрэ мүргэлэй обоо байгуулба.

4 Хаан түрэнүүд 16:3

Тэрэ Израилиин хаашуулай жэшээ даган ябаа. Израилиин арадай хараһаар байтар Эзэнэй үлдэһэн арадуудай жэгшүүритэй муухай үйлэ хэрэгүүдые һажаалдан, тэрэ өөрынгөө хүбүүе галда шатаан бурхадта үргэдэг байба.

4 Хаан түрэнүүд 17:31

Авваа хотынхид Нибхааз ба Тартаак бухануудай дүрсэнүүдые бодхообо. Тиихэдэнь Сэпарваһиимһээ нүүжэ ерэгшэд Сэпарваһиимэй бурханууд болохо Адраммээлэхтэ ба Анаммээлэхтэ үргэл хэжэ, өөһэдынгөө үхибүүдые галда үгэдэг болобо.

4 Хаан түрэнүүд 21:6

Тэрэ хүбүүгээ галда шатаан үргэһэн байна. Мэдэлшэн, үзэлшэн, эльбэ жэльбэшэн болон тэрэ байгаа, үхэһэн зониие дуудадаг, эльбэ жэльбэ харуулдаг зонтой зүбшэдэг һэн. Эзэндэ таагүй юумэ олоор тэрэ хэжэ, Эзэнэй уур сухал хүдэлгэбэ.

4 Хаан түрэнүүд 23:10

Тэрэ Бэн-Һинноомой хүнхэртэхи Тоопэдтэ Моолох бурханда өөрынгөө хүбүү ба басага галда үгэлгые болюулба.

2 Угай бэшэг 28:3

Һинноом хүндыдэ Ахааз уталгануудые ууюулдаг, Израилиин арадай хараһаар байтар Эзэнэй үлдэһэн арадуудай жэгшүүритэй муухай үйлэ хэрэгүүдые һажаалдан, хүбүүдээ галда шатаан бурхадта үргэдэг байба.

Ерэмияа 19:5

Түгэс шатаалта үргэл болгон үхи хүүгэдээ галда шатаахын тула тэдэ Баалда обоонуудые бариһан юм. Энэнь Минии хэзээшье захираагүй, хэлээгүй, Минии һанаандашье ороогүй зүйл лэ.

Ерэмияа 32:35

Тэдэ хүбүүд, басагадаа Моолохто үргэн шатаахын тула Бэн-Һинноомой хүндыдэ Баалда зорюулан, үргэлэй газарнуудые байгуулаа. Энээниие үйлэдэхэ тухай Би тэдээндэ захираа бэшэб, иимэ юумэ хэхэ, Иудын хан түрын бүхы зониие нүгэлтэй болгохо гэжэ һанаандамнишье орохогүй байгаа.

Ерэмияа 7:31

Басагад, хүбүүдээ галда шатаахаяа Бэн-Һинноомой хүндыдэ Тоопэт гэжэ нэрэтэй мүргэлэй обоо зохёон тэдэ түхеэрбэ.

Эзэкээл 20:26

Жэгшүүрилтэй муухай үргэлнүүдые, тэрэ тоодо ууган хүбүүдээ үргэл болгон үргэхые Би тэдээндэ зарлан байгааб. Энэ хадаа тэдээндэ хэһээлтэ ушаруулха, Минии Эзэн байһые тэдээндэ гэршэлхэ ёһотой бэлэйл.

Эзэкээл 20:31

Онгонуудта бэлэг сэлэг, үнгэрхэдөө, өөрын үхи хүүгэдые үргэжэ, өөһэдыгөө бузарлаад, мүнөө болоходо Минии хүсэл, түсэб мэдэхэеэ һананат. Ямаршье харюу таанадта үгэхэгүйб гэжэ Би, Эзэн Бурхан, амиды мэндэ байһаараа тангариглан соносхоноб.

Эзэкээл 23:37

Тэдэ онгонуудта мүргэжэ, өөһэдынгөө үхи хүүгэдые алажа, тэрэ муухай онгонуудта үргэдэг байгаа.

Левит 19:12

Намайе урдаа баряад, тангариг бү хэлэгты. Бурханайнгаа нэрэ бү гутаагты. Би Эзэн гээшэб.

Левит 21:6

Тэдэ өөрынгөө Бурханай үмэнэ нангин арюун сэбэр байха ёһотой, Бурханайнгаа нэрэ гутааха ёһогүй, юундэб гэхэдэ, Эзэндэ үргэл үргэнэ, Бурхандаа хилээмэ үргэнэ, иимын тула арюун нангин байха ёһотой.

Левит 22:2

– Аһароондо, тэрэнэй хүбүүдтэ хэлэ: Израильшуудай мүргэлэй нангин зүйлнүүдтэ арюун нангинаар хандагты, Минии нангин нэрые бү гутаагты, Намда зорюулха юумые наринаар сахигты. Би Эзэн гээшэб.

Левит 22:32

Минии нангин нэрэ бү гутаагты. Израильшуудай дунда арюун нангин байха ёһотойб. Би таанадые арюудхагша Эзэн гээшэб.

Левит 24:15

Израильшуудта хэлээрэй: «Өөрынгөө Бурханиие харааһан хүн нүгэл абаха.

Амоос 2:7

Үгытэй хооһон зониие газарай хумхаа тооһон руу шэдэнэ, туһагүй ядуу зониие харгы замһаань хадууруулна. Нангин нэрыем бузарлан, эсэгэ хүбүүн хоёр нэгэ залуу эхэнэртэй унтана.

Амоос 5:26

Саккуут хаанай болон Кайбаан одон-бурханай дүрсэнүүдые өөһэдтөө дархалан абажа ябаат.

Михей 6:7

Теэд Эзэндэ хэдэн мянган хуса, гол мэтэ дууһашагүй оливын тоһо абаад ошоошье һаам, Тэрээндэ энэ һайшаагдаха гү? Нүгэлөө наманшалхаяа ууган хүбүүгээ үргэхэ гүб?

Малаахи 1:12

Харин таанад «Эзэнэй үргэлэй шэрээ бузарлагдаа, үргэлэй эдеэн, үрэ жэмэсынь жэрхэмээр» гэжэ хэлэхэдээ, тэрэниие бузарлажа байнат.

Хэрэгүүд 7:43

Моолохой Майханиие, Рефан-одон бурханай дүрсые, шүтөөнүүдые мүргэжэ байхаар абажа ябаа бэшэ гүт? Тиимэһээ Би таанадые Вавилоонһоо сааша баряанда туун абаашахаб».

Римэйхиндэ 1:23

Тэдэнэр алдарта, мүнхэ Бурханда һүгэдэхын орондо һүнэн һалаха хүнүүдтэ гү, али шубуудта, амитадта, мүлхигшэдтэ адли онгонуудта шүтэнэ.

Римэйхиндэ 2:24

«Еврей таанадһаа боложо бусад арадууд Бурханиие муудхана», – гэжэ Нангин Бэшэг соо хэлээтэй байдаг.

Хуули дабталга 12:31

Эзэн Бурхандаа тэдээндэл адляар бү хандагты. Эзэнэй жэрхэдэг, үзэн ядадаг юумые эдэнэр хэдэг, үхи хүүгэдээшье бурхадтаа үргэн, гал дээрэ шатаадаг байгаал!

Хуули дабталга 18:10

Хүбүүгээ гү, али басагаяа гал дээрэ шатаажа үргэхэ ёһогүйт. Ерээдүйе айладагша, тааха шэдитэн, юумэ харадаг хүн, эльбэ жэльбэтэй нэгэн таанадай дунда бү байг,