2 – Израильшуудта иигэжэ үгүүлэ: Би хадаа танай Эзэнби.
Би энэ хэлсээ шамтай баталаад, шинии хойто үе удамтай мүн лэ баталнаб. Энэ хэлсээн хадаа үеын үедэ хүсэн түгэлдэр байха. Хэлсээнэй ёһоор, та бүгэдэнэй хүндэлхэ, шүтэхэ Бурхан гэбэл, Бил болохоб!
Үхибүүд, дүтэлэгты, намайе шагнагты, Эзэниие яажа хүндэлхэб гэжэ би таанадые һургахаб. מ Мээм
– Би шамайе Египедэй дарлалтаһаа гаргаһан Эзэн Бурханшни гээшэб.
Таанадые Минии арад болгожо, Бурхантнай болохоб. Таанадые Египедэй дарлалтаһаа гаргаһан танай Эзэн Бурхан гэжэ һанажа ябахат.
Минии, Эзэн Бурханай, Израилиие Өөрын арад түмэн болгон шэлэһэн, Египет орон нютагта тэдээндэ Өөрыгөө харуулжа, өөһэдынь болон үри һадаһадайнь Бурхан болохоб гэжэ Яковай обогто тангариг үргэһэн тухайм тэдээндэ дуулгаарай.
Жэгшүүрилтэй муухай онгонуудаа хаяжа, Египедэй бурхадта мүргэхэеэ, бэеэ бузарлахаяа болигты гэжэ Би тиихэдэ тэдээндэ захираа һэм.
Юундэб гэхэдэ, Би танай Эзэнтнайб: бэеэ арюудхагты, арюун сэбэр бологты, юундэб гэхэдэ, Би танай Эзэн гэгээнби; газар дээгүүр мүлхидэг амитадаар һүр һүлдэеэ бү бузарлагты.
Эзэн Моисейдэ зарлиг буулгаба:
Тиимын тула таанад Минии захиһан захиралтануудые сахигты, таанадһаа урид үйлэдэһэн жэгшэгүүринүүдые бү үйлэдэгты, тэдэнээр бэеэ бү бузарлагты. Би болбол танай Эзэнтнайб.
Минии хуулинуудые үйлэдэжэ, Минии тогтоолнуудые сахижа, Минии ёһо баримталан ябагты. Би хадаа танай Эзэн Бурханби.
Юушье үлөөнгүй үзэм жэмэсээ бү суглуулагты, унаһан жэмэсээ бү түүгты. Үгытэйшүүлдэ, ерүүл зондо үлөөгты. Би Эзэнби, танай Бурхантнайб.
Танай нютагта байрлаһан ерүүл хүн танай газарай хүн болоно. Өөртөө дуратай байгшадал мэтэ, тэрээндэ дуратай бай. Таанадшье Египедэй газарта ерүүл зон байгаа ха юмта. Би Эзэн, танай Бурхантнай гээшэб.
Таанадһаа Минии намнаһан зоной ёһо гуримаар бү ябагты. Юундэб гэхэдэ, тэдэ бүхы муухай юумэ үйлэдөө, тиихэдэнь тэдэндэ ехээр дураа гутаһандаа намнаа һэм.
Өөрыгөө арюудхагты, арюун сэбэр байгты, юуб гэхэдэ, Би Эзэнби, Бурхантнайб.
