Левит 17:15 - Библи

¹⁵ Ямар нэгэ зоболго гү, али арьяатанай һэе эдиһэн хүн, нютаг гү, али ерүүл хүн бүхэн хубсаһаа, нюур гараа уһаар угааха ёһотой, үдэшэ болотор бузартай байха, һүүлээрнь арюун болохо.

Левит 17:15 Referencias Cruzadas

Египедһээ гаралга 22:30

Уһан үзэмэй түрүүшын шүүһэ удаарангүй үргэдэг бай. Ууган хүбүүгээ Намда үгэхэ ёһотойш.

Египедһээ гаралга 22:31

Томо жэжэ малда тэрэ баһал хабаатай: долоон хоногто эхынгээ хажууда байг, наймадахи үдэртэ Намда тэрэниие үгэхэш. Таанад Минии хадаа арюун зон байха ёһотойт – ангай бариһан амитанай мяха бү эдигты, һэе һэбхүүлынь нохойдо үгэгты.

Эзэкээл 4:14

Гэбэшье би иигэжэ харюусабаб: – Хайрлыт, Эзэн Бурхан! Би өөрыгөө хэзээдэшье бузарлаагүй бэлэйб. Бага наһанһаа хойшо би үхэһэн малай һэе гү, али арьяатанда барюулһан амитанай хүүр хэзээдэшье эдижэ үзөөгүйлби. Сээртэй ямаршье эдеэ хоол баряагүйлби.

Эзэкээл 44:31

Өөрөө үхэһэн гү, али ан арьяатанда бажуулгаһан шубуу шонхор, амитадые санаартан эдихэ ёһогүй».

Левит 11:24

Тэдээнһээ таанад бузартахат. Али нэгэн тэдээнэй үхэһэн бэедэнь хүрөө һаа, тэрэ хүн үдэшэ болотор бузартай байха.

Левит 11:25

Али нэгэн тэдээнэй һэеые үргөө һаа, тэрэ хүн хубсаһаа угааха ёһотой, харин үдэшэ болотор бузартай байха.

Левит 11:27

Баһа алибаа дүрбэн хүлтэ амитадһаа һабараараа ябадагуудыень танда бузартай юм. Али нэгэн тэдээнэй үхэһэн бэедэнь хүрөө һаа, тэрэ хүн үдэшэ болотор бузартай байха.

Левит 11:28

Али нэгэн тэдээнэй үхэһэн бэедэнь хүрөө һаа, тэрэ хүн хубсаһаа угааха ёһотой, тиигээд үдэшэ болотор бузартай байха, юундэб гэхэдэ тэдэ танда сээртэй юм.

Левит 11:31

Эдэ бүгэдэ бүхы мүлхигшэдэй дундаһаа танда бузартай болоно. Али нэгэн тэдээнэй үхэһэн бэедэнь хүрэбэл, тэрэ үдэшэ болотор бузартай байха.

Левит 11:32

Баһа тэдээнэй үхэһэн бэень али нэгэн модон һаба гү, али хубсаһан гү, али аяга шанага гү, бэшэшье хэрэглэдэг юумэн дээрэ унабал, тэрэнь бузартай болохо. Тэрэниие уһанда хээд, үдэшэ болотор байлгаад, арюудхаха хэрэгтэй.

Левит 11:39

Хэрбээ танай хоолдо ородог ямар нэгэн малай үхэхэдэ, тэрэнэй һэедэ хүрэһэн хүн үдэшэ болотор бузартай байха.

Левит 11:40

Хэн нэгэн малай һэе эдеэ һаа, хубсаһаа угааха ёһотой, тэрэ хүн үдэшэ болотор бузартай байха.

Левит 15:10

Хэн нэгэн тэрэ хүнэй доро байһан юумэндэнь хүрөө һаа, үдэшэ болотор бузартай байха. Баһа тэрэ юумэнүүдтэнь гараа хүргэһэн хүн хубсаһаа угааха ёһотой, тиигээд бэеэ уһаар угааг, тиимэ хүн үдэшэ болотор бузартай байха.

Левит 15:21

Хэн нэгэн унтаридань хүрөө һаа, хубсаһаа, бэеэ угааха ёһотой, үдэшэ болотор тэрэ сэбэр бэшэ.

Левит 15:5

Хэрбээ али нэгэн унтаридань хүрөө һаа, хубсаһаа, бэеэ уһаар угааха ёһотой, тиигээд үдэшэ болотор тэрэ хүн сэбэр бэшэ гэжэ тоологдохо.

Левит 22:8

Һэе, арьяатанай зобооһон малай мяха эдихэгүй, эдеэ һаа, бузартаха. Би Эзэн гээшэб.

Левит 7:24

Зоболонгой өөхэ, һэеын өөхэ элдэб ушарта хэрэглэжэ болохо, харин эдижэ болохогүй.

Тоололго 19:19

Бузарлаагүй хүн тэрэ уһаар сүршэжэ, бузарлагшые гурбадахи, долоодохи үдэрнүүдтэ иигэжэ арюудхаг. Тэрэ хүн долоодохи үдэрөөл сэбэр болохо. Тэрэ хүн нангин уһаар хубсаһаяа, бэеэ угааг. Тиихэдээ тэрэ хүн үдэшэ багта арюун сэбэр болохо.

Тоололго 19:21

Энэ хуулиие таанад хэтын хэтэдэ сахиха ёһотойт. Арюун уһаар сүршэгшэ хүн хубсаһаа угааха ёһотой. Арюудхадаг уһаар бэеэ сүршүүлэгшэ хүн бүхэн үдэшэ болотор бузарлагданхай ябаха.

Тоололго 19:8

Үнеэ галдан шатаагшад үмдэжэ ябаһан хубсаһаяа, бэеэ угааг. Үдэшэ болотор тэдэнэр үшөөл бузарланхай зандаа ябахад.

Хуули дабталга 14:21

Үхэһэн амитадай һэе бү эдигты. Танай хотодо байгша ерүүл хариин хүндэ тэрэниие үгэгты, үгышье һаа, худалдагты, тэрэ эдиг. Юуб гэхэдэ, таанад Эзэн Бурханайнгаа нангин арад ха юмта. Эшэгые эхынь һүн соо бү шанагты.

Гэршэлгэ 7:14

«Ноён аа, та мэдэнэт», – гэжэ харюусааб. Тиихэдэмни намда тэрэ иигэжэ хэлэбэ: «Эдэ хүнүүд гайтай ехэ гасалан зоболон үзэжэ ерэгшэд мүн. Эдэнэр хубсаһа хунараа Үргэлэй Хурьганай шуһанда угаажа, сагаан болгобо.