Левит 16:4 - Библи

⁴ Бэеэ уһаар угаагаад, түрүүн маалинга дотор хубсаһа үмдэхэ, маалингаа бүһөөр бүһэлхэ, дээрэһээнь нангин маалинга ута самса үмдэхэ ёһотой, дээрээ маалинга кидар малгай үмдэг – эдэ бүгэдэ нангин хубсаһан болоно. Эдэ хубсаһаа үмдэхэдөө, бэеэ сэбэрээр угаагаад, үмдэхэ ёһотой.

Левит 16:4 Referencias Cruzadas

Египедһээ гаралга 28:2

Һүр алдартай ба һайхан үзэмжэтэй байхынь тула һахилай хубсаһа Аһароон ахадаа оюула.

Египедһээ гаралга 29:4

Аһароониие хүбүүдтэйнь Уулзалгын майхан һүмын үүдэндэ асархаш. Нюур, гарынь угаахаш.

Египедһээ гаралга 30:20

Майхан һүмэдэ орохын урда тээ тэдэ хүл, гараа угаагаагүй һаа, үхэхэ. Шатаалта үргэл хэхэеэ үргэлэй шэрээдэ дүтэлхын урда

Египедһээ гаралга 40:12

Удаань Аһароониие хүбүүдтэйнь Уулзалгын майхан һүмын үүдэндэ асаржа, хүл, гарынь зайлан угаагаарай.

Исай 53:2

Эзэнэй урда Тэрэ хуурай газарһаа урган гараһан ургамалдал байгаа. Тэрээндэ һайхан шэг шарайшье, һүр жабхаланшье байгаагүй. Хараһаншье һаа, анхаралаа ехэ Тэрээндэ бидэ хандуулаагүйбди.

Эзэкээл 44:19

Гадаа хорёо руу зон руу гарахадаа тэдэ ёһолол үнгэргэһэн нангин хубсаһаяа тайлаад, нангин таһалга соо орхихо, тиигээд ондоо юрын хубсаһа үмдөөд, гараха ёһотой. Иигэжэ тэдэнэй нангин арюун хубсаһан бузарлагдахагүй болоно.

Эзэкээл 9:2

Тиихэдэнь тэрэ дары зургаан хүн нангин үргөөгэй гадаа хойто бартаануудһаа зэр зэбсэгээ баряад ерэбэ. Тэдэнэй дунда маалинга хубсаһа үмдэнхэй, бүһэдөө бэшэлгын хэрэгсэлнүүдтэй нэгэ хүн ябалсаа. Тэдэ ерэжэ, үргэлэй гуулин шэрээгэй хажууда зогсобо.

Левит 16:23

Аһароон майхан һүмэ руу ороод, нангин ордоной дотоодо таһалгада ороходоо үмдэһэн маалинга хубсаһаа тайлаад, тэндээ орхёод,

Левит 16:24

бэеэ нангин газарта уһаар угаагаад, хубсаһаа үмдөөд, гараха. Тиигээд өөрынгөө түлөө, арад зонойнгоо түлөө түгэс шатаалта үргэл үргөөд, өөрыгөө, арад зоноо арюудхаха.

Левит 16:32

Арюудхалгын ёһолол бүтээхэдээ, эсэгынгээ орондо мүргэл хэхэ гэжэ тоһоор түрхюулэн һахил хүртэһэн санаарта хэхэ ёһотой. Нангин маалинга хубсаһаа үмдөөд,

Левит 6:10

Санаарта маалинга бүд хубсаһаа, доронь маалинга дотор самсаяа үмдэг, тиигээд түгэс шатаалта үргэлэй һүүлээр үлэгшэ үнэһэ үргэлэй шэрээ дээрэһээ абаад, үргэлэй шэрээгэй хажууда адхаг.

Левит 6:3

али хүнэй гээһэн юумэ олоод, таһа арсаа һаань, зоной хэдэг нүгэлэй нэгые үйлэдэһэн, худалаар тангариглажа, гэмээ хүндэ болоһон болохо.

Лука 1:35

Эльгээмэл харюусаба: – Арюун Һүлдэ шам дээрэ бууха, Дээдэ Бурханай хүсэн шамайе хушаха. Тиимэһээл түрэхэ нангин үришни Бурханай Хүбүүн гэжэ нэрлэгдэхэ.

Филиппынхидтэ 2:7

Харин орондонь хамаг эрхэ түрэеэ Тэрэ дуратайгаар орхёод, зарасын дүрсэ дүрсэлжэ, маанадтал адли болон, хүн түхэлтэй мүндэлбэ.

Еврейнүүдтэ 10:22

Тиимэһээ үнэн сэдьхэлтэйгээр, дүүрэн һүзэг этигэлтэйгээр, бузар һанал бодолнуудһаан сэбэрлэгдэһэн зүрхэ сэдьхэлтэйгээр, сэбэр уһаар угаагдаһан бэетэйгээр Бурханай ойро ошоёл.

Еврейнүүдтэ 2:14

Үхибүүдэй махабад бэе ба шуһанһаа бүридэһэн хадань Иисүүс Өөрөө тэдэнтэйл адли хүн болоо. Үхэлые эрхэ мэдэлдээ абаад байһан шолмосые Өөрынгөө үхэлөөр хүсэгүй болгохын тула,

Еврейнүүдтэ 7:26

Үнэндөө Иисүүс маанадтал хэрэгтэй Ахамад Санаарта юм. Тэрэ болбол арюун гэгээн; харата хэрэгүүдые үйлэдөөгүй, нүгэл шэбэлдэ унаагүй; нүгэлтэ зонһоо илгаруулагдаад, тэнгэридэ дэгдүүлэгдээ.