Левит 16:29 - Библи

²⁹ Энэ хадаа танда мүнхэ зар зарлиг болог: долоо һарын арбанда сэдьхэлээ номгодхожо байгты, юумэ бү хэгты танай дунда һууһан уул болон ерүүл зоншье ямаршье юумэ бү хэг.

Левит 16:29 Referencias Cruzadas

3 Хаан түрэнүүд 8:2

Иигэжэ израильшууд бултадаа жэлэй долоодохи һара этаниимдэ һайндэрэй үедэ Соломоон хаанда сугларан ерэбэ.

Эзраа 3:1

Долоодохи һара гараба. Израильшууд өөһэд өөһэдынгөө хотонуудта ажаһуужа байгаа. Тиихэдээл нэгэн хүн шэнги эбтэйгээр булта Иерусалим хотодо сугларбад.

Эзраа 8:21

Бурханай урда сэдьхэлээ номгоруулжа, үхи хүүгэдтэеэ, зөөри зөөшэтэеэ аян замаа амгалан гаталхые Тэрээнһээ гуйхын тула бидэ масаглаха ёһотойбди гэжэ Аһаваа голой эрьедэ байхадаа соносхобоб.

Псалманууд 35:13

Хорото хэрэгүүдые үйлэдэгшэд тэндэ унаа! Газарта унаад, бодожо шаданагүй.

Египедһээ гаралга 12:16

Түрүүшын үдэр нангин суглаагаа үнгэргэгты, мүн долоодохи үдэртэнь баһал тиигэгты. Эдэ үдэрнүүдтэ ямаршье ажал хэжэ болохогүй, гансал эдеэ хоолоо бэлдэхэдэ болохо.

Египедһээ гаралга 20:10

харин долоодохи үдэр – суббото, тэрэ Намда зорюулһан үдэр. Энэ үдэр ямаршье ажал бү хэ, өөрөөшье, хүбүүн, басаганши, богоол шэбэгшэдшни, мал адагуусаншни, хотодош байрлаһан ерүүл хүншье, бултадаа ямаршье ажал хэхэ ёһогүй.

Египедһээ гаралга 30:10

Жэлэй нэгэ дахин Аһароон шэрээгэй эбэрнүүдтэ шуһа сүршэжэ, арюудхалгын ёһо заншал үнгэргэдэг байг. Үеһөө үедэ жэлэй нэгэ удаа нүгэл сагааруулгын үргэлэй шуһаар сэбэрлэгдэдэг энэ арюудхалга Эзэнэй нангинай нангин зүйл болоно.

Египедһээ гаралга 31:14

Субботые сахин байгты: тэрэ хадаа таанадта нангин мүн. Субботые бузарлаһан хүн хороогдохо, тэрэ үдэр ажал хэһэн хүн угсаатанайнгаа тоодо тоогдохоёо болихо.

Египедһээ гаралга 31:15

Зургаан үдэр хүдэлхэ ёһотой, харин долоодохи үдэр хадаа суббото, амаралтын үдэр, Эзэнэй нангин үдэр мүн. Субботодо ажал хэһэн хүн бүхэн усадхагдаха.

Исай 58:13

Эзэн иигэжэ айладхана: «Хэрбээ таанад амаралтын үдэрые нангин гэжэ сахин, өөрынгөө дураар юушье тэрэ үдэр хэхэһээ татагалзабал, амаралтын үдэрые хүндэлжэ, ажал хэнгүй, аян замда гарангүй, миин хии дуугаржа байнгүй байбал,

Исай 58:3

Зон иигэжэ асууна: «Маанадай масаг барихые Эзэн Бурханай харадаггүй һэн тула юундэ үлэсхэлэн хооһон байха болонобибди? Даруу номхон байһыемнай Тэрэ мүн лэ анхарнагүйл». Эзэн тэдээндэ иигэжэ харюусана: «Масаг бариха үедөө таанад өөһэдынгөө аша туһа гансал харанат. Барлагуудтаа хүндэ ажал хүүлэжэ, мүлжэнэт.

Исай 58:5

Өөрыгөө зобоожо, толгойгоо гунхуулан, үнэһэн дээрэ хэбтэжэ, таар үмдэхэдэтнай Би сэдьхэлээ хананги байха аалби? Энээниие масаг барилга гээд нэрлэмээр гү?

Даниил 10:12

Тэрэ намда: – Даниил, бү ай. Юумэ ойлгожо абахаар, Бурханайнгаа урда һүгэдэн байхаар эрмэлзэдэг болоһоор түрүүшын үдэрһөөшни эхилэн гуйлташни Бурханаар дуулдагдаа. Шинии үгэнүүдэйл түлөө би энэ мүнөө ерээд байнаб.

Даниил 10:3

Амтатай эдеэ эдеэгүйб, мяха, үзэмэй дараһан архи амандаа хүргөөгүйб, энэ гурбан долоон хоногой туршада тоһо бэедээ түрхеэгүйб.

Левит 23:21

Энэ үдэр нангин үргэл, мүргэл хэгты, ямаршье ажал бү хэгты. Энэ хадаа таанадта бүхы үеын үедэ сахиха мүнхэ тогтоол хуули гээшэ.

Левит 23:3

Зургаан үдэртэ ажалаа хээд, долоодохи үдэртөө – субботодо амарха ёһотой, нангин суглаа хэхэ хэрэгтэй. Хаанашье ажаһуугаа хадаа таанад ямаршье юумэ хэхэгүйт, энэ суббото хадаа Эзэнэй.

Левит 23:36

Долоон хоног соо Эзэндэ үргэл үргэхэт. Наймадахи үдэр – нангин. Эзэндэ үргэл үргэгты. Энэ һайндэрэй һүүлшын үдэр, ямаршье ажал бү хэгты.

Левит 25:9

Арюудхалгын үдэр, долоодохи һарын арбадахи үдэр улад зониие дуудажа, бүреэ бэшхүүрнүүдээр дуу гаргагты.

Левит 3:17

Ямаршье амитанай өөхэ, шуһые бү эдигты гэһэн хуулиие үеһөө үедэ, хаанашье ажаһуубал, хэтэ мүнхэдөө сахиха ёһотойт.

Тоололго 29:7

Долоодохи һарын арбанай үдэр таанад сугларжа, һайндэрлэгты. Энэ үдэр масаг баригты, ямаршье ажал бү хэгты.

Хэрэгүүд 27:9

Бидэ ехэ саг гээжэ, Масаглалгын Үдэрэй үнгэрһэн тула саашадаа тамархань ехэ аюултай боложо байгаа.

Коринфынхидтэ 1-дэхи 11:31

Хэрбээ бидэ түрүүн өөһэдыгөө шалгабал, Бурханай заргада орохогүй байгаабди.

Еврейнүүдтэ 4:10

Бурханай найдуулһан амаралтада хүртэһэн хүнүүд Өөрынгөө хэрэгүүдһээ амаржа байһан Бурхандал адли баһал хэрэгүүдһээ амаржа байха.

1 Хаан түрэнүүд 7:6

Тэдэ Мицпаада сугларжа, уһа удхан, Эзэнэй урда сасан, тэрэ үдэр масаглан: – Бидэ Эзэнэй урда нүгэл хээбди, – гэбэ. Самуил Мицпаада Израилиин зониие ударидан байгаа.