Левит 16:18 - Библи

¹⁸ Эзэнэй үмэнэ байһан үргэлэй шэрээе арюудхаад, тугалай болон тэхын шуһа бүхы эбэрнүүдтэнь үргэхэ.

Левит 16:18 Referencias Cruzadas

Египедһээ гаралга 30:10

Жэлэй нэгэ дахин Аһароон шэрээгэй эбэрнүүдтэ шуһа сүршэжэ, арюудхалгын ёһо заншал үнгэргэдэг байг. Үеһөө үедэ жэлэй нэгэ удаа нүгэл сагааруулгын үргэлэй шуһаар сэбэрлэгдэдэг энэ арюудхалга Эзэнэй нангинай нангин зүйл болоно.

Эзэкээл 43:20

Тэрэ буруугай шуһые үргэлэй шэрээгэй дүрбэн углуугаар сүршэ. Мүн дунда хубиинь углуунуудаар, бэһэлүүрээр баһал сүршөөрэй. Иигэжэ үргэлэй шэрээе сэбэрлэхэ, арюудхаха болонош.

Эзэкээл 43:22

Үглөөдэрынь ямаршье дутагдалгүй тэхэ абажа, нүгэл сагааруулгын үргэл болгон үргэхэ ёһотойш. Үргэлэй шэрээе буруунай шуһаар арюудхаһандал тэхын шуһаар арюудхаха хэрэгтэй.

Эзэкээл 45:19

Нүгэл сагааруулгын энэ үргэлэй нэгэ тэды шуһа санаартан нангин үргөөгэй тотогонуудта, үргэлэй шэрээгэй дүрбэн углуу, дотор хорёогой үүдэнүүдэй тотогонууд дээрэ сүршэг.

Левит 16:16

Иигээд нангин газараа израильшуудай бузар булай юумэнһээнь, нүгэл хилэнсэһээнь, гэмтэ ябадалһаань сагааруулха. Энэ мэтын ёһоор тэдээнэй муухай бузарай дунда байһан, майхан һүмые баһа иигэжэ арюудхаха ёһотой.

Левит 16:17

Майхан һүмэ руу арюудхаха гэжэ ороходонь, нэгэшье хүн тэндэһээ гаратарынь майхан һүмэ соо байха ёһогүй. Тиигээд тэрэ өөрыгөө, өөрынгөө гал гуламтые, израильшуудые арюудхаха ёһотой.

Левит 4:18

Тиигээд Эзэнэй үмэнэ, майхан һүмэ соо байһан үргэлэй шэрээгэй эбэрнүүдтэнь шуһа түрхеэд, бэшэ шуһыень һүмын үүдэндэ байһан түгэс шатаалта үргэлэй шэрээгэй хаяа руу адхаг.

Левит 4:25

Тиигээд санаарта түгэс шатаалта үргэлэй шэрээгэй эбэрнүүдтэнь нүгэл сагааруулгын үргэлдэ зорюулһан амитанай шуһа хургаараа сүршөөд, бэшэ шуһыень тэрэ түгэс шатаалта үргэлэй шэрээгэй хаяа руу адхаг.

Левит 4:7

Тиигээд санаарта Эзэнэй үмэнэ, майхан һүмэ соо байгаа санзай ууюулдаг үргэлэй шэрээгэй эбэрнүүдтэ үргэһэн малай шуһа түрхиг, бэшэ шуһыень майхан һүмын үүдэндэ байһан түгэс шатаалта үргэлэй шэрээгэй хаяа руу адхаг.

Тоололго 28:22

нүгэл сагааруулгын үргэлдэ нэгэ тэхэ асарагты.

Иоанн 17:19

Үнэн зүйлэй хүсөөр эдэниие Танай болгохын тула, Би Өөрыгөө Танда зорюулааб.

Еврейнүүдтэ 2:11

Арюудхагша ба арюудхагдаһан бүхы хүнүүд нэгэ Эсэгэтэй. Тиимэһээ Иисүүс тэдэниие аха дүүнэрни гэжэ нэрлэхэеэ эшэдэггүй.