Левит 16:13 - Библи

¹³ Эзэнэй үмэнэ сан санзай ууюулхадань, хэлсээнэй ханзын дээрэхи арюудхалгын хушалта дээгүүр утаан дэлгэрхэ, ууяха ёһотой, үгы һаа, тэрэтнай үхэжэ болохо.

Левит 16:13 Referencias Cruzadas

Египедһээ гаралга 25:21

Хабхагые ханза дээрэ табихаш, ханза соо Минии үгэһэн Хэлсээнэй бэшэг табиха болонош.

Египедһээ гаралга 28:43

Майхан һүмэ соо Бурхантай уулзадаг газарта ороходоо гү, али һүмэ соо үргэлэй үедэ үргэлэй шэрээдэ дүтэлхэдөө, Аһароон болон хүбүүдынь тэдэниие үмдэхэ ёһотой. Үгы гэбэл, тэдээндэ зэмэ тохогдожо, ами наһаяа алдаха. Аһароондо болон удамдань хэтын заабари тэрэ гээшэ.

Египедһээ гаралга 30:1

Акаци модоор сан санзай ууюулгын шэрээ бүтээ.

Левит 22:9

Нүгэл абаад, тэрээнһээ боложо үхэхэгүйн тула Минии захиргаа тэдэ дүүргэг, сахижа ябаг. Тэдэниие арюудхагша Би Эзэн гээшэб.

Тоололго 16:18

Хүн бүхэн өөр өөрынгөө бойпуур асаржа, тэрээн соогоо улаан сог хэжэ, дээрэһээнь уталга үбэнүүлээд, майхан һүмын үүдэндэ сугларба. Моисей Аһароон хоёр баһал тэндэ зогсобод.

Тоололго 16:46

Моисей Аһароондо иигэжэ хэлэбэ: – Өөрынгөө бойпуур абаад, үргэлэй шэрээ дээрэһээ улаан сог болон уталга тэрээн соогоо хээд, аятай һайхан үнэр хангалтуулан, арад зондоо түргэн ошожо, тэдэниие аршалан арюудха. Ушар юуб гэхэдэ, Эзэнэй уур сухал хүрэжэ, гай тодхор эхилбэ, тэрэниие болюулха хэрэгтэй!

Тоололго 16:7

Эзэнэй урда үглөө үглөөгүүр асараад, аһажа байгаа нүүрһэ, дээрэнь санзай үбэнүүлэгты. Тиихэдэтнай Эзэн хэниие шэлэнэб, Тэрэ хүн нангин гэжэ мэдэгдэхэ. Таанад, Левиин хүбүүд, даншье үлүү хэтэржэ байнат.

Тоололго 4:15

Отог хүреэнэйнгээ аян замда түхеэржэ бэлэн болотор, Аһароон ба тэрэнэй хүбүүд майхан һүмэеэ, тэрэнэйнгээ бүхы хэрэгсэлнүүдые орёожо бэлдэг. Багсалжа бэлэн болоходонь, тэдэнииень абажа ябахаяа, Кэһаадай гэр бүлынхид тэдээндэ дүтэлэг. Зүгөөр тэдэнэр үхэхэгүй гээ һаа, майхан һүмын нангин юумэнүүдтэ гар бү хүрэг.

Тоололго 4:20

Харин өөһэдөө тэдэнэр үхэхэ гээгүй һаа, майхан һүмэеэ хуряажа ба хушажа байхадаа, Нангинай Нангин таһалгада орохо ёһогүй.

Хуули дабталга 33:10

Тэдэнэр Яковые ёһо гуримуудтатнай һургана, Израилиин уладта һургаалыетнай дамжуулна, Танай урда хүжэ санзай ууюулна, үргэлэй шэрээ дээрэтнай түгэс шатаалта үргэл үргэнэ.

Еврейнүүдтэ 7:25

Тиимэһээ зониие үргэлжэ абаржа байха аргатай Тэрэ санаарта хэтын хэтэдэ амиды байжа, Тэрээгүүр дамжан Бурханда ерэһэн хүнүүдэй түлөө Бурханай урда гуйдаг.

Еврейнүүдтэ 9:24

Бодото юумые һажаан хүнэй гараар бүтээһэн Нангин Газарта Христоос ороогүй. Тэрэ мүнөө манай орондо Бурханай урда зогсохын тулада тэнгэридэ өөртэнь ороо.