Левит 15:29 - Библи

²⁹ Наймадахи үдэр хоёр залуу тагтаа шубуу гү, али хоёр түүтэй шубуу майхан һүмын үүдэндэ, санаартада асаржа үгэхэ ёһотой.

Левит 15:29 Referencias Cruzadas

Левит 12:6

Арюудхалгын хоног хүсөөгөөд, тэрэ эхэнэр хүбүүнэйнгээ гү, али басаганайнгаа түлөө хурьга түгэс шатаалта үргэл болгон, залуу тагтаа шубуу гү, али түүтэй шубуу нүгэл сагааруулгын үргэл болгон, майхан һүмын үүдэндэ санаартада асаржа үгэхэ ёһотой.

Левит 12:8

Хэрбээ нарайлһан эхэнэр хурьга асарха шадалгүй байгаа һаа, хоёр залуу тагтаа шубуу гү, али хоёр түүтэй шубуу, нэгыень түгэс шатаалта үргэл болгон, нүгөөдыень нүгэл сагааруулгын үргэл болгон асараг. Санаартын арюудхалга хэхэдэнь, тэрэ үдэрһөө хойшо нарайлһан эхэнэр арюун сэбэр гэжэ тоологдохо.

Левит 15:14

Наймадахи үдэртөө хоёр залуу тагтаа шубуу, хоёр түүтэй шубуу Уулзалгын майхан һүмын үүдэндэ Эзэнэй үмэнэ асаржа, санаартада үгэхэ ёһотой.

Левит 15:28

Тэрэ эхэнэр һарынгаа юумэнэй үнгэрхэдэ, долоон хоногой һүүлдэ сэбэр болохо.

Левит 15:30

Санаарта тэрэ шубуудай нэгыень нүгэл сагааруулгын үргэл болгон үргэхэ, нүгөөдыень түгэс шатаалта үргэл болгон үргэхэ. Тиигээд санаарта эхэнэрэй һарынхиин гоожожо бузарлуулһан юумэнһээнь Эзэнэй үмэнэ арюудхаха.

Левит 9:1

Наймадахи үдэртэ Моисей Аһароон болон тэрээнэй хүбүүдые, Израилиин ахамад зониие дуудаба.

Тоололго 6:10

Наймадахи үдэр Эзэндэ өөрыгөө зорюулагша хоёр зэрлиг гү, али тэжээмэл хоёр залуу гулабхаа абаад, санаартада асаржа, Уулзалгын майхан һүмын үүдэндэ үгэг.

Матвей 21:12

Иисүүс Һүмэ ошожо, тэндэ хонжоо наймаа хэгшэдые, юумэ худалдажа абагшадые бултыень намнажа гаргаба. Мүнгэ һолигшодой шэрээнүүдые, гулабхаа худалдагшадай һандалинуудые хүмэрюулбэ.