Левит 15:13 - Библи

¹³ Эдеэрэ гарадаг хүнһөө эдеэрэнь гарахаа болёо һаань, арюудхалгын долоон хоног тоолоод, хубсаһаа угааха ёһотой, бэеэ булагай урдажа байһан уһаар угаагаад, сэбэр болохо.

Левит 15:13 Referencias Cruzadas

Египедһээ гаралга 29:35

Аһароондо, тэрэнэй хүбүүдтэ хабаатай Минии айладаһан бүгэдые жэншэдгүй бүтээхэ – шинии уялга. Тэдэнэй һахил хүртөөлгын ёһолол долоон үдэр үргэлжэлхэ ушартай.

Египедһээ гаралга 29:37

Үдэр дараалан, долоон үдэрэй туршада тэрэ ёһолол бүтээхэдэш, үргэлэй шэрээ нангинай нангин зүйл болохо. Тэрэнэй ойронь хүрэһэн бүхы юумэн нангин болохо.

Ерэмияа 33:8

Минии урда хэһэн нүгэл шэбэлһээнь арюудхан, гэм зэмыень, Минии урдаһаа буһалгаалһыень хүлисэхэб.

Левит 14:10

Наймадахи үдэртөө тэрэ хүн хоёр зэмдэг дутагдалгүй эрэ хурьга, нэгэ зэмдэггүй эмэ хурьга, тиигээд талхан үргэл бүтээхын түлөө тоһотой холиһон эфаагай арбанай гурбан хуби шэниисын гурил абаха ёһотой.

Левит 14:8

Арюудхагдажа байһан хүн хубсаһаа угаагаад, бүхы үһөө абхуулаад, бэеэ уһаар угааһанай һүүлээр сэбэр болоод, буудалдаа орохо ёһотой. Зүгөөр тэрэ хүн өөрынгөө майханай газаа тээнь долоон хоног соо байха ёһотой.

Левит 15:28

Тэрэ эхэнэр һарынгаа юумэнэй үнгэрхэдэ, долоон хоногой һүүлдэ сэбэр болохо.

Левит 15:5

Хэрбээ али нэгэн унтаридань хүрөө һаа, хубсаһаа, бэеэ уһаар угааха ёһотой, тиигээд үдэшэ болотор тэрэ хүн сэбэр бэшэ гэжэ тоологдохо.

Левит 8:33

Таанад долоон үдэр соо майхан һүмын үүдэнһээ холо бү ошогты, юундэб гэхэдэ, һахил хүртөөлгын ёһололтнай долоон үдэр соо үргэлжэлхэ.

Левит 9:1

Наймадахи үдэртэ Моисей Аһароон болон тэрээнэй хүбүүдые, Израилиин ахамад зониие дуудаба.

Тоололго 12:14

Эзэн Моисейдэ иигэжэ айладаба: – Эсэгэнь тэрээндэ уурлажа, нюуртань нёлбоо һаань, эшэгүүридэ тэрэ орохогүй байгаа гү? Долоон хоногто тэрэ хотон хүреэнһөө арилаг. Долоон хоногой үнгэрһэн хойно дахинаа тэрэ хотон хүреэндээ бусаг.

Коринфынхидтэ 2-дохи 7:1

Нүхэдни, Бурхан эдэ найдуулгануудаа маанадта үгөө. Тиимэһээ бэеыемнай, һүнэһэ һүлдыемнай бузарладаг юумэнүүдһээ өөһэдыгөө сэбэрлэел, Бурханда һүгэдэн, гүйсэд арюун байял.

Яковай хандалга 4:8

Бурханда дүтэлэгты, тиихэдэтнай Тэрэ танда ойртохо. Нүгэлтэн, ажамидаралаа арюудхагты; билдагуушад, зүрхэ сэдьхэлээ арюудхагты.

Гэршэлгэ 1:5

мүн үнэн бодото Гэршэ байһан, үхөөд, анха түрүүн амидырһан, газар дэлхэйн хаашуулай Эзэн бологшо Иисүүс Христоосһоо таанадта амгалан байдал, буян хэшэг үршөөгдэнэ. Иисүүс Христоос манда дуратай, тиимэһээ Өөрынгөө шуһа адхажа, бидэниие нүгэлһөөмнай сүлөөлөө.