Левит 14:8 - Библи

⁸ Арюудхагдажа байһан хүн хубсаһаа угаагаад, бүхы үһөө абхуулаад, бэеэ уһаар угааһанай һүүлээр сэбэр болоод, буудалдаа орохо ёһотой. Зүгөөр тэрэ хүн өөрынгөө майханай газаа тээнь долоон хоног соо байха ёһотой.

Левит 14:8 Referencias Cruzadas

2 Угай бэшэг 26:21

Иигэжэ Уззияа хаан наһа баратараа һэлхэ бузар үбшэндэ даруулаад, амяараа гэртэ ажаһуугаа. Эзэнэй Һүмэ руу орохо эрхэгүй һэн. Ётаам хүбүүниинь хаанай ордон соо ажаһуужа, улас түрөө зонхилон байгаа.

Египедһээ гаралга 19:10

Эзэн Моисейдэ айладаба: – Арад угсаатандаа иигээд буса. Энэ үдэртөө, үглөөдэр бэеэ арюудхажа, хубсаһа хунараа угаагты гэжэ зонхило.

Египедһээ гаралга 19:14

Моисей хадаһаа буужа, бэеэ арюудхаха гэһэн зарлиг дамжуулба. Хүнүүд хубсаһа хунараа угаажа, бэеэ арюудхан һэргээбэ.

Левит 11:25

Али нэгэн тэдээнэй һэеые үргөө һаа, тэрэ хүн хубсаһаа угааха ёһотой, харин үдэшэ болотор бузартай байха.

Левит 14:20

Мүн тэрэшэлэн санаарта түгэс шатаалта үргэл үргөөд, талхан үргэл үргэлэй шэрээ дээрэ үргэжэ, санаартын тэрэниие арюудхахадань, тэрэ хүн сэбэр болохо ёһотой.

Левит 14:9

Долоодохи үдэртөө тэрэнь хамаг үһөө хюһажа, толгойгоо, һахалаа, нюдэнэйнгөө хүмэдхэ, бүхы үһөө абажа, хубсаһаа угаажа, бэеэ уһаар угаагаад, сэбэр болохо ёһотой.

Левит 15:13

Эдеэрэ гарадаг хүнһөө эдеэрэнь гарахаа болёо һаань, арюудхалгын долоон хоног тоолоод, хубсаһаа угааха ёһотой, бэеэ булагай урдажа байһан уһаар угаагаад, сэбэр болохо.

Левит 8:6

Тиигээд Моисей Аһароониие хүбүүдтэйнь ерүүлээд, уһаар угаалга хэбэ.

Тоололго 6:9

Хэрбэеэ өөрыгөө Эзэндэ зорюулжа байгшын хажуудахи хүн гэнэ боложо гэнтэ үхэшөө һаань, тэрээнһээ тэрэ бузарлаад, тангариглалайнгаа хубинь болохо толгойнгоо үһые болон һахалые долоодохи үдэртөө абхуулаг. Ушар юуб гэхэдэ, энэ үдэр дахинаа сэбэрлэгдэн арюудхагдаха.

Тоололго 8:7

Тэдэниие нүгэлһөө арюудхан сэбэрлэхын тула иимэ юумэ хэхэ хэрэгтэй: онсо тусгаар уһаар тэдэниие сүршэжэ сэбэрлэ. Тэдэнэр үһэ абадаг хутагын эреэр өөһэдынгөө бүхы бэе хюһаг, хубсаһаа угааг. Тиихэдээ тэдэнэр арюудхагдаха.

Хуули дабталга 21:12

гэртээ асара. Тиигээд тэрэ толгойгоо хюһаг, хюмһаяа абаг,

Пётрой 1-дэхи хандалга 3:21

Тиигэжэ уһанһаа абарагдаһаниинь мүнөө бидэниие абаржа байдаг уһан арюудхалай бэлгэ тэмдэг болоо. Уһан арюудхалга бэеын муухайе арилгана бэшэ, харин Иисүүс Христоосой амидыралгын ашаар һайн һайхан сэдьхэл үршөөхыень Бурханһаа гуйна.

Гэршэлгэ 7:14

«Ноён аа, та мэдэнэт», – гэжэ харюусааб. Тиихэдэмни намда тэрэ иигэжэ хэлэбэ: «Эдэ хүнүүд гайтай ехэ гасалан зоболон үзэжэ ерэгшэд мүн. Эдэнэр хубсаһа хунараа Үргэлэй Хурьганай шуһанда угаажа, сагаан болгобо.