Левит 14:54 - Библи

⁵⁴ Энэ хадаа али нэгэ яра шарха, бужуу хамуу тухай тогтоол хуули гээшэ: али нэгэ хубсаһанда халдаһан яра шарха, гэр соохи бури, һэлхэн хабдар, элдин ба толбонууд тухай тогтоол хуули мүн.

Левит 14:54 Referencias Cruzadas

Левит 11:46

Энэ хуули адууһа мал, шубууд тухай, бүхы уһан соо ажамидардаг амитад тухай, бүхы мүлхидэг амитад тухай.

Левит 13:3

Санаарта бэеынь арһанда байһан яра хараад, хэрбээ яра шархын үһэн сайһан байгаа һаань, хэрбээ ярын бэеынь эдиһэн байгаа һаань, энэ һэлхэ үбшэнэй яра шарха гэжэ тодоруулха. Санаарта тэрэнииень үзөөд, тэрэ хүниие бузартай гэжэ тунхаглаха.

Левит 14:2

– Һэлхэ үбшэнтэниие арюун болгохо тухай тогтоол хуули иимэ: нэн түрүүн үбшэнтэниие санаартада асарха ёһотой.

Левит 14:32

Энэ хадаа мүнгэгүй ядуу байһан һэлхэ үбшэнтэниие яажа арюудхахын тухай тогтоол хуули болоно.

Левит 14:53

Тиигээд тэрэ амиды шубууе хотоһоо холо, хээрэ газарта абаашажа, табиха хэрэгтэй. Энэ мэтээр тэрэ гэр арюудхагдаад, сэбэр болохо.

Левит 15:32

Энэ амиды бэеһээнь эдеэрын гараһанай, һарын юумэнэй гарахаһаа боложо, бузартаһан хүн тухай тогтоол хуули.

Левит 6:14

Энэ бол талхан үргэлэй хуули гуримууд. Аһарооной хүбүүд тэрэ үргэһэн юумые Эзэндэ үргэлэй шэрээгэй урда асарха ёһотой.

Левит 6:25

– Аһароондо, тэрэнэй хүбүүдтэ иигэжэ хэлэ: Энэ бол нүгэл сагааруулгын үргэлэй ёһо гурим гээшэ. Нүгэлөө сагааруулха тахилай мал Эзэнэй үмэнэ, түгэс шатаалта үргэлэй мал үүсэлдэг газарта гаргагдаха ёһотой. Энэ нангинай нангин зүйл гээшэ.

Левит 6:9

– Аһароондо, тэрэнэй хүбүүдтэ иимэ заабари үгэ: түгэс шатаалта үргэлэй хуули гурим гэбэл, шатаалта үргэлэй юумэн үргэлэй шэрээ дээрэ, гал дээрэ бүхэли һүни соо үглөө болотор байг. Үргэлэй гал носожол байха ёһотой.

Левит 7:1

Энэ хадаа гарза харюулгын үргэлэй ёһо гурим гээшэ. Энэ болбол нангинай нангин зүйл мүн.

Левит 7:37

Эдэ хадаа түгэс шатаалта, талхан, нүгэл сагааруулгын, гарза харюулгын, һахил хүртөөлгын, амгалан байдалай түлөө үргэлнүүдэй хуулинууд мүн.

Тоололго 19:14

Энэ хадаа өөрынгөө майхан соо үхэһэн хэн нэгэн тухай хуули. Хэрбэеэ өөрынгөө майхан соо хэн нэгэнэй үхөө һаань, хамта тэрээнтэй байгшад долоон хоногто бузартай ябаха.

Тоололго 5:29

Энэ хадаа үбгэнтэй эхэнэрэй нүгэл хэжэ һэбхирэлгэн тухай атаа жүтөөрэлгын хуули юм.

Тоололго 6:13

Энэ хадаа өөрыгөө Эзэндэ зорюулһан тухай хуули юм. Өөрыгөө Эзэндэ зорюулалгын болзор сагай үнгэрхэдэнь, тэрэ хүн Уулзалгын майхан һүмын үүдэндэ ерэг.

Хуули дабталга 24:8

Арһанай халдабарита үбшөөр үбшэлөө гээшэ һаа, левит санаартадта минии дамжуулһан бүхы һургаалнуудые жэншэдгүй сахин дүүргэн байгты.