Левит 14:10 - Библи

¹⁰ Наймадахи үдэртөө тэрэ хүн хоёр зэмдэг дутагдалгүй эрэ хурьга, нэгэ зэмдэггүй эмэ хурьга, тиигээд талхан үргэл бүтээхын түлөө тоһотой холиһон эфаагай арбанай гурбан хуби шэниисын гурил абаха ёһотой.

Левит 14:10 Referencias Cruzadas

Египедһээ гаралга 29:40

Дүрбэнэй нэгэ хуби гиинэ оливын тоһонтой эфаагай арбанай нэгэ хуби шэниисын гурил худхаһан эрхим шанартай талха нэгэ хурьгантайнь сугтаа үргөөрэй, мүн дүрбэнэй нэгэ хуби гиинэ үзэмэй дараһан архи үргэхэш.

Левит 1:10

Хэрбээ хони ямаагаар түгэс шатаалта үргэл хэхэ гэбэл, зэмдэг дутагдалгүй хуса гү, али тэхэ асараг.

Левит 1:3

Эбэртэ бодо малһаа түгэс шатаалта үргэл хэхээ һанаа бол, ямаршье дутагдалгүй буха шэлэн абаад, Эзэндэ һайшаагдахынь тула майхан һүмын үүдэндэ асараг.

Левит 14:11

Тиигээд арюудхагша санаарта тэрэ арюудхагдажа байһан хүниие эдэ юумэнүүдтэйнь Эзэнэй үмэнэ майхан һүмын үүдэнэй дэргэдэ байлгаха.

Левит 14:12

Санаарта нэгэ эрэ хурьга, нэгэ лоог хэмжүүрэй тоһо абаад, тэдэниие гарза харюулгын үргэл болгон, Эзэнэй үмэнэ дэлгэхэ ёһотой.

Левит 14:15

Санаарта оливын тоһонһоо абаад, өөрынгөө зүүн гарай альган дээрэ адхаха ёһотой.

Левит 14:21

Хэрбээ тэрэ хүн үгытэй, шадалгүй байгаа һаа, нүгэлөө сагааруулха нэгэ үргэгдэхэ эрэ хурьга гарза харюулгын үргэл болгон, оливын тоһотой холиһон эфаагай арбанай нэгэ хуби шэниисын гурил үргэл болгон, тиигээд нэгэ лоог хэмжүүрэй оливын тоһо абаг.

Левит 2:1

Хэрбээ али нэгэн Эзэндэ талхан үргэл хэхэ гэбэл, шэниисын гурил асараг, тэрээндээ оливын тоһо адхаад, дээрэнь гүгэл хээд,

Левит 2:11

Эзэндэ талхан үргэл бүтээхэдээ, эһээлтэтэй талхаар бү баригты, юундэб гэхэдэ эһээлтэтэй гү, али балатай юумэн үргэлэй шатаалганда орохо ёһогүй.

Левит 2:13

Бүхы талхан үргэлөө дабһаар дабһала. Бурхантайтнай баталһан хэлсээнэй дабһан заабол үргэл соотнай байха ёһотой. Үргэл бүхэндөө дабһа хээрэй.

Левит 23:13

Арбанай хоёр хуби шэниисын гурил оливын тоһондо зууража бариһан хилээмэн үргэл Эзэндэ үргэхэ хэрэгтэй. Тэрэнэй һайхан үнэр Эзэндэ таатай. Мүн дүрбэнэй нэгэ хуби гиинэ үзэмэй дараһан архи үргэхэ хэрэгтэй.

Левит 4:32

Хэрбээ нүгэл сагааруулгын үргэлые хонин һүрэгһөө үргэхөө һанабал, зэмдэг дутагдалгүй хони асараад,

Левит 9:1

Наймадахи үдэртэ Моисей Аһароон болон тэрээнэй хүбүүдые, Израилиин ахамад зониие дуудаба.

Тоололго 28:20

Тэдэнэй хажууда иимэ үргэлнүүдые асарагты: буруун буха бүхэнэйнгөө үргэлдэ оливын тоһо холинхой эфаагай арбанай гурбан хуби гурил, бэеэ хүсэһэн нэгэ хуса үргэлдөө эфаагай арбанай хоёр хуби шэниисын гурил,

Тоололго 6:14

Тиихэдээ тэрэ хүн Эзэндэ үргэл болгожо эрэмдэг бэшэ нэгэ түлгэн хуса түгэс шатаалта үргэлдэ эрэмдэг бэшэ үшөө нэгэ эмэ түлгэ, нүгэлөө сагааруулгын үргэлдэ эрэмдэг бэшэ бэеэ хүсэһэн нэгэ хуса амгалан байдалай түлөө үргэл болгон асараг.

Матвей 8:4

Иисүүс тэрэ хүндэ: – Энээн тухай ши хэндэшье бү хэлэ. Зүгөөр санаартада ошожо, бэеэ үзүүлэ. Тиигээд эдэгэһэнээ бултанда гэршэлхын тула ши Моисейн зарлигай ёһоор үргэл хээрэй, – гэбэ.

Марк 1:44

– Энээн тухай ши хэндэшье бү хэлээрэй. Зүгөөр санаартада сэхэ ошожо, бэеэ үзүүлэ, тиигээд аргалуулһанаа хүн бүхэндэ гэршэлхын тула ши Моисейн зарлигай ёһоор үргэл хээрэй.

Лука 5:14

– Энээн тухай хэндэшье бү дуулгаарай. Зүгөөр санаартанда ошожо, бэеэ үзүүлээрэй, тиигээд эдэгэһэнээ бултанда гэршэлхын тула ши Моисейн зарлигай ёһоор үргэл хээрэй, – гэжэ Иисүүс хэлэбэ.

Иоанн 1:29

Хойто үдэрынь урдаһаань Иисүүсэй ерэжэ ябахые хараад, Иоанн иигэжэ хэлэбэ: – Энэл хадаа Бурханда үргэгдэхэ Хурьган мүн. Энэл хадаа газар дэлхэйн бүхы хүнүүдэй хэһэн нүгэл хилэнсые Өөр дээрээ даажа абаха!

Иоанн 6:33

Юундэб гэбэл, Бурханай хилээмэн Тэнгэриһээ буужа ерээд, энэ дэлхэйн зондо ажамидарал үгэгшэ мүн, – гэжэ харюусаба.

Иоанн 6:51

Би Тэнгэриһээ буужа ерэһэн амиды хилээмэн гээшэб. Энэ хилээмые эдиһэн хүн мүнхэ наһатай болохо. Тэрэ хүндэ Минии үгэхэ хилээмэн хадаа Минии бэемни гээшэ, тиин энэ бэеэ бүхы дэлхэйн ажамидаралай түлөө Би үгэнэб.

Пётрой 1-дэхи хандалга 1:19

харин бэеын дутагдалгүй, сэбэр Хурьганай, Христоосой үнэтэй сэнтэй шуһаар худалдажа абтагдаат.