Левит 12:6 - Библи

⁶ Арюудхалгын хоног хүсөөгөөд, тэрэ эхэнэр хүбүүнэйнгээ гү, али басаганайнгаа түлөө хурьга түгэс шатаалта үргэл болгон, залуу тагтаа шубуу гү, али түүтэй шубуу нүгэл сагааруулгын үргэл болгон, майхан һүмын үүдэндэ санаартада асаржа үгэхэ ёһотой.

Левит 12:6 Referencias Cruzadas

Эхин 15:9

Тиихэдэнь Эзэн Бурхан иигэжэ захирба: – Ши Намда гунжан үнеэ, шүдэлэн эмэ ямаа, шүлгэ хуса гаргажа, мүн баһа эрэ, эмэ хоёр гулабхаа үргэл болго.

Левит 12:2

– Израильшуудта хэлэ: Хэрбээ эхэнэрэй жэрмэһэн болоод, хүбүү түрөө һаань, тэрэ эхэнэр долоон хоногто бузартай байха; һарынгаа юумэ үзэһэн шэнги бузартай байха.

Левит 12:5

Хэрбээ тэрэ эхэнэрэй басага түрөө һаань, хоёр долоон хоногто бузартай байха. Тэрэ эхэнэр жаран зургаан үдэр бэеынгээ арюун сэбэр болотор гэртээ һууха ёһотой.

Левит 12:7

Санаарта тэрээнииень Эзэндэ үргөөд, тэрэ эхэнэрые арюудхаха. Тэрэ үдэрһөө хойшо үхибүү түрэһэн эхэнэр арюун сэбэр гэжэ тоологдохо. Энэ хадаа нарайлалгын хуули болоно.

Левит 14:22

Баһа тиигээд өөрынгөө шадалаараа хоёр түүтэй шубуу гү, али хоёр залуу тагтаа шубуу: нэгыень нүгэл сагааруулгын үргэл болгон, нүгөөдыень түгэс шатаалта үргэл болгон асараг.

Левит 15:14

Наймадахи үдэртөө хоёр залуу тагтаа шубуу, хоёр түүтэй шубуу Уулзалгын майхан һүмын үүдэндэ Эзэнэй үмэнэ асаржа, санаартада үгэхэ ёһотой.

Левит 15:29

Наймадахи үдэр хоёр залуу тагтаа шубуу гү, али хоёр түүтэй шубуу майхан һүмын үүдэндэ, санаартада асаржа үгэхэ ёһотой.

Тоололго 6:10

Наймадахи үдэр Эзэндэ өөрыгөө зорюулагша хоёр зэрлиг гү, али тэжээмэл хоёр залуу гулабхаа абаад, санаартада асаржа, Уулзалгын майхан һүмын үүдэндэ үгэг.

Лука 2:22

Моисейн Хуулида бэшэгдэһэнэй ёһоор: «Эхын хээлиһээ гараһан ууган хүбүүдээ Эзэн Бурханда зорюулха ёһотой». Тиихэдээ хоёр түүтэй шубуу гү, али хоёр залуу тагтаа тахил болгон үргэхэ зэргэтэй. Тиин Моисейн Хуулиин ёһоор арюудхалгын ёһолол хэхэ болзор Мария Иосиф хоёртошье тудаба. Тэдэ хоёр Иисүүс хүбүүгээ Эзэндэ зорюулха гэжэ Иерусалим абажа ерэбэ.

Иоанн 1:29

Хойто үдэрынь урдаһаань Иисүүсэй ерэжэ ябахые хараад, Иоанн иигэжэ хэлэбэ: – Энэл хадаа Бурханда үргэгдэхэ Хурьган мүн. Энэл хадаа газар дэлхэйн бүхы хүнүүдэй хэһэн нүгэл хилэнсые Өөр дээрээ даажа абаха!

Коринфынхидтэ 2-дохи 5:21

Бурхан маанадай түлөө ямаршье нүгэлгүй байһан Христоосто манай нүгэлнүүдые ашаа. Тиигэжэ бидэ Христоостой нэгэдэн, Бурханда зохистой болообди.

Еврейнүүдтэ 7:26

Үнэндөө Иисүүс маанадтал хэрэгтэй Ахамад Санаарта юм. Тэрэ болбол арюун гэгээн; харата хэрэгүүдые үйлэдөөгүй, нүгэл шэбэлдэ унаагүй; нүгэлтэ зонһоо илгаруулагдаад, тэнгэридэ дэгдүүлэгдээ.