Левит 12:2 - Библи

² – Израильшуудта хэлэ: Хэрбээ эхэнэрэй жэрмэһэн болоод, хүбүү түрөө һаань, тэрэ эхэнэр долоон хоногто бузартай байха; һарынгаа юумэ үзэһэн шэнги бузартай байха.

Левит 12:2 Referencias Cruzadas

Эхин 1:28

Тиигээд Бурхан тэдэниие үреэн: – Уг удамтнай олошоржо, үнэр үдхэн болоод, газар дэлхэй дүүрэн тарагты, тэрэниие эзэлэгты. Далайн загаһадай, огторгойн шубуудай, газар дэлхэйн хамаг амитадай эзэд бологты.

Эхин 3:16

Эхэнэртэ Тэрэ айладхал буулгаба: – Шинии хээлитэй болохые хэмгүй зоболонтой болгохоб, зобожо, үбдэжэ хүүгэдые түрэдэг болохош, үбгэеэ хододоо хүсэн байхаш, үбгэншни шинии эзэн болохо.

2 Хаан түрэнүүд 11:4

Давид элшэнэрые эльгээжэ, тэрэниие асаруулба ха. Ерэхэдэнь, Давид тэрээнтэй унтаа һэн. Тэрэ эхэнэрэй һарынхинь дууһаад байгаа, тиигээд тэрэ гэртээ бусаа бэлэй.

Иоов 14:4

Бузар юумэнһээ арюун байдал гарахагүй. Хүн гээшэ түрэлхиин бузартай амитан.

Иоов 15:14

Тэрэнэй урда хүнүүд арюун сэбэр байжа шадаха гү? Энэ дэлхэйдэ эхэнэрһээ түрэһэн хүн түгэс гэмгүй байжа шадахагүй.

Иоов 25:4

Хэн Тэрэнэй урда огто гэмгүй гэгдэхэб? Эхэнэр хүн сэбэр байха гү? Хүн түрэлтэн соо тиимэ хүн байхагүй.

Псалманууд 51:5

Ши муу муухайда һайн юумэнһээ үлүү дуратайш, үнэнһөө шамда худал хуурмаг дээрэ! [Хүгжэм]

Левит 12:1

Эзэн Моисейдэ иигэжэ айладхаба:

Левит 12:5

Хэрбээ тэрэ эхэнэрэй басага түрөө һаань, хоёр долоон хоногто бузартай байха. Тэрэ эхэнэр жаран зургаан үдэр бэеынгээ арюун сэбэр болотор гэртээ һууха ёһотой.

Левит 15:19

Хэрбээ эхэнэрһээ һарынхиин гараа һаань, тэрэ долоон хоногто һарынхиин гарахаа болитор һууха ёһотой, хэн нэгэн тэрээндэ дүтэ хүрөө һаа, үдэшэ болотор бузартай байха.

Левит 18:19

Һамганайнгаа һарынхиинь ерэхэдэ, ташаяан үйлэдэхэеэ бү ойрто.

Левит 5:3

Хэрбээ хүнэй ямаршье бузар булай юумэндэ эндүүржэ хүрөөд, ойлгомторгүй ябаад, һүүлдэнь мэдээ һаа, тэрэ хүн гэмтэй.

Лука 2:22

Моисейн Хуулида бэшэгдэһэнэй ёһоор: «Эхын хээлиһээ гараһан ууган хүбүүдээ Эзэн Бурханда зорюулха ёһотой». Тиихэдээ хоёр түүтэй шубуу гү, али хоёр залуу тагтаа тахил болгон үргэхэ зэргэтэй. Тиин Моисейн Хуулиин ёһоор арюудхалгын ёһолол хэхэ болзор Мария Иосиф хоёртошье тудаба. Тэдэ хоёр Иисүүс хүбүүгээ Эзэндэ зорюулха гэжэ Иерусалим абажа ерэбэ.