Левит 11:26 - Библи

²⁶ Ямаршье мал аса туруутай болобошье, турууниинь хахалбаригүй, хибэдэһэ хибэдэггүй байбал, тэрэ мал бузартай байха. Али нэгэн тэдээнэй ойро хүрөө һаа, тэрэ хүн үдэшэ болотор бузартай байха.

Левит 11:26 Referencias Cruzadas

Исай 52:11

Ябагты, ябагты! Вавилоонһоо гарагты! Эзэнэй нангин үргөөгэй хэрэгсэлнүүдые үргэн ябаашад, бузар юумэндэ бү хүрэгты! Өөһэдыгөө арюунаар абан ябагты!

Левит 11:25

Али нэгэн тэдээнэй һэеые үргөө һаа, тэрэ хүн хубсаһаа угааха ёһотой, харин үдэшэ болотор бузартай байха.

Левит 11:27

Баһа алибаа дүрбэн хүлтэ амитадһаа һабараараа ябадагуудыень танда бузартай юм. Али нэгэн тэдээнэй үхэһэн бэедэнь хүрөө һаа, тэрэ хүн үдэшэ болотор бузартай байха.

Левит 11:3

малһаа асатаһан туруутай, хибэдэһэ хибэдэг мал эдижэ болохо.

Хуули дабталга 14:8

Тиигээд гахай аса туруутай байбашье, харин хибэдэһэ хибэдэггүй, тиимэһээ танда бузартай байха. Тэдэнэй мяханһаа бү эдигты, һэедэньшье гар бү хүрэгты; танда бузартай байха.