Левит 10:6 - Библи

⁶ Моисей Аһароон болон тэрээнэй Эльазаар Итамаар хоёр хүбүүдтэнь хэлэбэ: – Үхэхэгүйн тула, уур хилэнгэйнь хамаг хүн зондо хүрэхэгүйн тула толгойгоо бү нюсэгэлэгты, хубсаһаа бү хахалагты, юрэдөө, гай гашуудалаа бү харуулагты. Зүгөөр Эзэнэй галаар дүргэгдэһэн тухай танай аха дүүнэр, бүхы израильшууд уйдхар гашуудалаа харуулхадань болохо.

Левит 10:6 Referencias Cruzadas

2 Хаан түрэнүүд 24:1

Эзэн дахин Израильда уурлан хилэнтэжэ, Давидые арад зоной урдаһаа идхан баадхаба: – Ябаад, Израилиин болон Иудын улад зоной тоо бүридхэгты.

Эзраа 7:5

Буккии Абишууагай, Абишууа Пинэһаасай, Пинэһаас Эльазаарай, Эльазаар ахамад санаартан Аһарооной хүбүүн.

Египедһээ гаралга 33:5

Эзэн Моисейдэ зарлиг болобо: – Израилиин зондо иигэжэ хэлэ: «Таанар үсэд зон байнат, суг ошоо һаа, агшан зуура таанадые усадхажа магадгүйб! Шэмэглэл зүүдхэлнүүдээ бэеһээ тайлагты. Юу хэхэеэ хаража үзэхэб».

Египедһээ гаралга 6:23

Аһароон Амминадаабай басаган, Нахшооной эгэшэ Элишээбые һамган болгожо абаһан юм. Тэрэнь Надааб, Абиһуу, Эльазаар ба Итамаар гэжэ хүбүүдые түрөө.

Ерэмияа 7:29

Иерусалимай улад зон, үһэеэ тайража хаяад, нюсэгэн добо толгой дээрэ гашуудан уйлагты. Юуб гэхэдэ, Би, Эзэн, энэ үе удамда уурлан хилэнтэжэ, голожо, орхибоб.

Левит 13:45

Тэрэ яра шархатай һэлхэ үбшэнтэн хахарһан хангирһан хубсаһа үмдөөд, тархи нюсэгэн, аман хүрэтэрөө нюураа хаагаад: «Бузартайб! Бузартайб!» – гэжэ хашхарха ёһотой.

Михей 1:16

Иудын улад зон, баяр баясхалантнай болохо хүбүүд тухайгаа гашуудан үһөө тайрагты, хөөбэрлэжэ байгаа бүргэд мэтэ халзан өөһэдыгөө болгогты, юуб гэбэл, хүүгэдтнай таанадһаа таһаран, сүлэлгэ руу туугдаха.

Тоололго 1:53

Израильшуудта гай тодхор ушархагүйн тула левидүүд Гэршэлгын майхан һүмын хажууда хотон хүреэнээ баряад, Гэршэлгын майхан һүмэеэ харууһалан харуулда зогсохо ёһотой.

Тоололго 14:6

Орон нютагые шэнжэлэн шалгажа ерэһэн Нүүнэй хүбүүн Иисүүс, Епуннээгэй хүбүүн Халээб тэндэ сугларагшадта гай гасалангаа мэдүүлжэ, үмдэжэ ябаһан хубсаһаа хахар шуу татаад,

Тоололго 16:22

Моисей Аһароон хоёр нюураараа газар дэрлэн унажа зальбараад, Эзэндэ иигэжэ хэлэбэ: – Өө, хүлисыт, Бурхан, амиды голтой алишье амитанай Бурхан! Ори ганса хүнэй нүгэл хэхэдэнь, бүхы арад зондо Та уураа бү гаргыт!

Тоололго 18:5

Дахяад израильшуудта Минии дураа гутан уурлахагүйн тула нангин һүмын, үргэлэй шэрээгэй ажалые сахин таанад өөһэдөө харюусаха болонот.

Тоололго 20:25

Моисей, ши Аһароониие, тэрэнэй хүбүүн Эльазаарые абаад, Һоор хада дээрэ гарга.

Тоололго 5:18

Тиигээд санаарта тэрэнэй һамгые үргэлэй шэрээгэй урда толгой нюсэгөөр зогсоожо, атаа жүтөөрхэлгын үргэлдэ үбгэнэйнь асарһан хилээмэн үргэл болохо ешмээнэй гурил гартань барюулаг. Тэрэ эхэнэртэ хараалай муу хараал шэнгээжэ болохо нангин уһатай шабар домбо санаартын гарта байг.

Хуули дабталга 33:9

Тэдэнэр эхэ, эсэгэеэ харахаяа болинхой, аха, дүүнэрээ танихаа болёо, үхи хүүгэдээ орхинхой, гэбэшье Танай үгэнүүдые сахин хадагална, Тантай баталһан хэлсээгээ дүмэн дүүргэнэ.

Нүүнэй Иисүүс 22:18

Таанар мүнөө Эзэнһээ хазагайрнат! Мүнөөдэр Эзэнэй урдаһаа буһалгаатанат, үглөөдэр Эзэн бүхы Израилиин олондо сухалаа хүрэхэ!

Нүүнэй Иисүүс 22:20

Хараалта юумэнһээ абажа, ганса Ахаанай, Зээрахай хүбүүнэй гэмтэ хэрэг хэхэдэ уур хилэн бүхы Израилиин олондо буугаа бэшэ һэн гү? Хуули буса хэрэгэйнгээ түлөө ганса тэрэ үхөө бэшэ.

Нүүнэй Иисүүс 7:1

Теэд Израилиин хүбүүд гэмтэ хэрэг хээ, Эзэндэ зорюулаатай юумэнһээ абаа. Иудын обогой Зээрахай Забдиин, тэрээнэй хүбүүн Хармиигай хүбүүн Ахаан хараалта юумэнһээ абаад, Эзэнэй уур хилэн Израилиин хүбүүдтэ буугаа.

Нүүнэй Иисүүс 7:11

Израиль нүгэл хээ, Минии тэдэндэ сахижа байхыень захирһан, Намтай баталһан хэлсээгээ эбдээ, Намда зорюулагдаһан юумэнһээ тэдэ хулуужа абаад, өөһэдынгөө юумэнэй дунда нюугаа.