Левит 10:3 - Библи

³ Моисей Аһароондо үгүүлбэ: – Эзэн энээниие айладаһан байгаал, иигэжэ үгүүлхэдээ: Намда дүтэ хүнүүд дээрэ Өөрын нангиниие харуулхаб; бүхы арад зоной үмэнэ Алдараа харуулхаб. Аһароон абяа аниргүй байба.

Левит 10:3 Referencias Cruzadas

Эхин 18:25

Би үнэншэхэгүйб – тиимэ байхагүй! Та иимэ юумэ хэхэгүйт! Зүб шударга зониие дорой ябадалтай золигуудтай хамта хосороохогүйт. Зүб шударга хүнүүд муу муухай хэрэг үүсхэгшэдтэй хамта хэһээлтэдэ хүртэхэ ёһогүй. Тиимэ байхагүй! Хамаг дэлхэйн Үйлэ шиидхэгшэ алдуута шиидхэбэри гаргаха ёһогүйл! – гэбэ.

Иоов 2:10

– Ши хиирээ гүш? Бидэ Бурханһаа гансал һайниие хүлеэгөөд, мууе абахагүй ёһотой юм гүбди? – гэжэ Иоов үгэ хэлэхэдээ, нүгэл хэлэбэгүй.

Псалманууд 148:14

Тэрэ Өөрын арадай эбэрые дээгүүр үргөө. Энэнь Тэрэнэй бүхы үнэн сэхэ зоной, Тэрээндэ ойро болохо Израилиин арад түмэнэй түлөө магтаал бэлэй. Эзэниие магтагты!

Псалманууд 39:10

Зүб шударгые агууехэ хурал дээрэ тунхаглааб, харыт, уралаа жэмыгээд байгаагүйб. Эзэн, Та мэдэнэт!

Псалманууд 39:9

Бурхамни, Танай хүсэл бэелүүлхэ һанаатайб, һургаалтнай сэдьхэлдэм байна» гэжэ хэлээб.

Псалманууд 46:10

Арадуудай удамаршад Абраһаамай Бурханай арад зон мэтэ суглараа! Газар дэлхэйн ноёд Бурханда хандаа! Бурхан бүгэдын дээгүүр үргэмжэлэгдөө!

Псалманууд 89:7

Иигэжэ бидэ Танай уур хилэнгээр шатаагдажа, Танай уур хилэнһээ айнабди.

Псалманууд 93:5

Эзэн, тэдэ Танай арад түмэниие дарлана, уг залгамжалалыетнай зобооно.

Египедһээ гаралга 14:17

Уланхатаһан египет сэрэгэй хойноһоотнай хушууран орохые баадхаһан үйлэ хэхэб – одоол тэндэ фараоной сэрэг суур, тэдэнэй дайшалхы тэргэнүүд болон морин сэрэгые һүнөөжэ, илалта туйлахалби!

Египедһээ гаралга 14:4

Үсэдтөө диилдэжэ, хойноһоотнай мүрдэн намнаха гэжэ Минии һанаһан үйлөөр тэрэ болохо, одоол тиихэдэ фараониие сэрэгтэйнь даража, түгэс илалта туйлаха ёһотойб! Эзэнэй ёһото хэн байһые Египедэй зон мэдэжэ абаг! Эзэнэй зарлигаарнь лэ Израиль угсаатан бүтээбэ.

Египедһээ гаралга 19:22

Санаартад Эзэндэ дүтэлхэ гээ һаа, бэеын арюуниие нарин сахиха ёһотой. Үгы гэбэл, Эзэн тэдэниие баһал һүнөөхэ.

Египедһээ гаралга 19:24

– Яба доошоо, һөөргөө Аһароонтой бусахаш. Харин санаартад ба хара зон Эзэндэ ерэхэмнай гэжэ бү һэдэг. Һэдээ һаань, Эзэн тэдэниие һүнөөхэ, – гэжэ Эзэн Моисейдэ айладаба.

Египедһээ гаралга 30:30

Минии санаартад болохынь тулада Аһарооной, тэрэнэй хүбүүдэй магнайда түрхин арюудхахаш!

Исай 39:8

Хэзэкияа Исайда хандан хэлэбэ: – Мүнөө шинии Эзэнһээ дамжуулан хэлэһэн үгэнүүдшни Һайн мэдээсэл байна. «Минии амиды мэндэ байгаа сагта эндэ амгалан тайбан, аюулгүй байдал оршохо» гэжэ Хэзэкияа сэдьхэбэ ха юм.

Исай 49:3

Тэрэ намда иигэжэ айладхаа бэлэй: «Ши Минии зараса гээшэш, Израиль. Шамһаа боложо зон Намайе магтан байха».

Исай 52:11

Ябагты, ябагты! Вавилоонһоо гарагты! Эзэнэй нангин үргөөгэй хэрэгсэлнүүдые үргэн ябаашад, бузар юумэндэ бү хүрэгты! Өөһэдыгөө арюунаар абан ябагты!

Эзэкээл 20:41

Тараһан газарнуудһаатнай таанадые суглуулан асархадаа, Би үргэлэйтнай аятай үнэрые таашааһандал таанадые таашаан байхаб. Тиигэжэ бусад арадуудай нюдэн дээрэ таанадтай хэһэн үйлэ хэрэгээрээ Би нангин байдалаа элирхэйлхэб.

Эзэкээл 28:22

Зондонь Минии иимэ үгэнүүдые дуулга: Би, Эзэн Бурхан, танай дайсамби! Таанадтай үйлэдэһэн хэрэгэйнгээ ашаар Би алдар солоёо элирхэйлхэб.

Эзэкээл 38:16

Шуургата үүлэн мэтэ хушан, Минии улад зондо добтолхош. Минии орон нютаг болохо Израиль руу нэбтэрэн орохыеш Би зүбшөөхэб. Юуб гэхэдэ, Намайе, Эзэниие, арюун нангин гэжэ дэлхэйн арад бүхэнэй мэдэдэг болохын тула иимэ юумэ эрхилхэб».

Эзэкээл 40:46

хойто хаалгануудай дэргэдэхи таһалга үргэлэй шэрээгэй дэргэдэ алба ябуулдаг санаартанай. Тэдэ болбол бултадаа Цадоогой үри һадаһад, ганса тэдэл Левиин обогһоо Эзэндэ алба ябуулхаар нангин үргөө руу орохо зүбшөөлтэй.

Эзэкээл 42:13

Тэрэ хүтэлэгшэ намда иигэжэ хэлэбэ: – Нангин үргөөгэй хойто болон урда талануудтань байгааша таһалганууд нангин гээшэ. Эзэнэй санаартан эгээл нангин үргэлнүүдые тэндэ үргэн байха. Талханай үргэл, нүгэл сагааруулгын үргэл, гарза харюулгын үргэл тэрэ нангин газарта үргэгдэхэ ёһотой.

Левит 21:15

Муу эхэнэртэй ушараад, өөрынгөө үрэ өөрынгөө арад зон соо муу болгохо ёһогүй, юуб гэхэдэ, Би тэдэниие арюудхагша Эзэн гээшэб.

Левит 21:17

– Аһароондо хэлэ: Шинии үри һадаһанай уг унги соо бэеын зэмдэг дутагдалтай хүн Бурханда эдеэнэй үргэл үргэхэ ёһогүй.

Левит 21:21

Аһароон санаартын үри һадаһадһаа бэеын зэмдэг дутагдалтай хүн Эзэндэ үргэл үргэхэ ёһогүй, өөрынгөө Бурханда хилээмэн үргэл үргэхэ эрхэгүй.

Левит 21:6

Тэдэ өөрынгөө Бурханай үмэнэ нангин арюун сэбэр байха ёһотой, Бурханайнгаа нэрэ гутааха ёһогүй, юундэб гэхэдэ, Эзэндэ үргэл үргэнэ, Бурхандаа хилээмэ үргэнэ, иимын тула арюун нангин байха ёһотой.

Левит 21:8

Тэрэниие арюудха, юуб гэхэдэ, шинии Бурханда хилээмэ үргэнэ: нангин арюун байг лэ, юуб гэхэдэ, Би таниие арюудхадаг арюун нангин Эзэн гээшэб.

Левит 22:9

Нүгэл абаад, тэрээнһээ боложо үхэхэгүйн тула Минии захиргаа тэдэ дүүргэг, сахижа ябаг. Тэдэниие арюудхагша Би Эзэн гээшэб.

Левит 8:35

Таанад майхан һүмын үүдэндэ үдэр-һүнигүй долоон үдэрэй турша соо байгты, үгы һаа, таанад хосорхот. Иигэжэ Эзэнһээ намда захигдаһан юм.

Тоололго 16:5

Коорахта болон тэрээнтэй үгэеэ нэгэдэн үгэсэлдэгшэдтэ иигэжэ хэлэбэ: – Үглөө үглөөгүүр Эзэн үнэхөөрөө хэн Тэрэнэйб, хэн арюун нангин бэ, Өөр руугаа хэниие дүтэлүүлдэг байха тухайгаа харуулха даа. Тэрэнэй шэлэһэн хүн лэ Тэрээндэ дүтэлдэг байха.

Тоололго 20:12

Эзэн Моисей Аһароон хоёрто иигэжэ айладаба: – Таанад Намайе хүндэлэнгүй, бүхы израильшуудтаа Минии арюун нангиниие харуулаагүйт, Намда этигэжэ ябадагаа гэршэлээгүйт. Энэ арадта найдуулагша газараа Би үгэхэб. Теэд таанад түрэл арадаа дахуулжа, тэрэ газартамни орохогүйт!

Матвей 10:37

Эсэгэдээ гү, али эхэдээ Намһаа үлүү ехээр дуратай байһан алишье хүн Минии шабиин зэргэдэ хүртэхэ эрхэгүй. Мүн баһа хүбүүндээ гү, али басагандаа Намһаа үлүү ехээр дуратай алишье хүн Минии шабиин зэргэдэ хүртэхэ эрхэгүй.

Иоанн 12:28

Эсэгэ аа, Өөрынгөө нэрые алдаршуулыт! Тиигэхэдэнь тэнгэриһээ: – Би алдаршуулааб, бүришье ехээр алдаршуулхаб! – гэһэн абяан дуулдаба.

Иоанн 14:13

Минии нэрэ дурдажа, юу гуйхабта, Би бүгэдыень бүтээхэб, тиигэжэ Хүбүүнэйнгээ ашаар Эсэгэнь алдаршаха.

Хуули дабталга 32:51

Юуб гэхэдэ, Циин гэһэн элһэн сүл губида, Мэрибаа-Кадээш булагай хажууда байхадаа, Израилиин зоной дундаһаа та хоёр Минии урда нүгэл хэһэн байнат. Израилиин улад зондо гэгээн арюун байһыемни эли тодоор харуулаагүйт.

Фессалоникиинхидтэ 2-дохи 1:10

Эзэнэй тэрэ үдэр ерэхэдэнь, гэгээн арадынь, бүхы һүзэглэгшэдынь Тэрэниие хүндэлхэ, Тэрээндэ алдар соло дуудаха. Бидэнэй номноһон һургаалда этигэһэн ушарһаа таанадшье баһа тэрэ зоной дунда байлсахат.

Пётрой 1-дэхи хандалга 4:17

Зарга шүүбэриин эхилхэ саг дүтэлөөд байна. Тиихэдэ Бурханай хүнүүд хамагай түрүүн зарга шүүбэридэ орохо. Хэрбээ заргаяа бидэнһээ эхилбэл, Бурханда һүзэглэхэеэ арсаһан хүнүүд ямар хойшолонтой байхань гээшэб?

1 Хаан түрэнүүд 2:30

Шинии гэр бүлэ болон үри һадаһаншни Минии урда хэтэ мүнхэдөө санаартад ябаха гэжэ Би, Израилиин Эзэн Бурхан, найдуулаа бэлэйб. Теэд мүнөө иимэ юумэн дүүрээ гэжэ айладханаб! Юуб гэхэдэ, Намайе хүндэлдэг зониие Би үргэхэб, Намайе баһадаг зондо хараал хүртөөхэб!

1 Хаан түрэнүүд 3:18

Самуил юушье нюунгүй бүгэдыень тэрээндэ хөөрэбэ. Тиихэдэнь Элии иигэжэ үгүүлээ һэн: – Тэрэ хадаа Эзэн мүн. Һанаһаараа Тэрэ юумэ үйлэдэхэл.

1 Хаан түрэнүүд 6:20

– Эзэнэй, энэ арюун Бурханай урда хэн зогсожо шадахаб? Тэрэ бидэнһээ хэн руу ошохоб? – гэжэ Бэт-Шээмэшэй зон хөөрэлдэбэ.