Левит 10:2 - Библи

² Эзэнһээ гал соробхилон, тэдэниие дүргөөжэрхибэ, тэдэнь Эзэнэй үмэнэ үхэшэбэ.

Левит 10:2 Referencias Cruzadas

2 Хаан түрэнүүд 6:7

Эзэн тэрэ дары Уззаада уур хилэн боложо, Бурханһаа түбэгшөөхэгүй ябадалайнь түлөө тэндэнь һалгаажа, тэрэ Бурханай ханзын дэргэдэ гээгдэбэ.

3 Хаан түрэнүүд 13:28

Үбгэн лүндэншэ харгыда гаража, аян зам дээрэ хэбтэһэн бэе хүүрыень олобо. Бэеын хажууда элжэгэн ба арсалан зогсожо байгаа. Арсалан бэе хүүрые эдеэгүй, элжэгэндэ хүрөөгүй байба.

3 Хаан түрэнүүд 18:38

Эзэн гал дүлэ эльгэжэ, түгэс шатаалта үргэл, түлеэн, шулуунууд шатаба. Иигэжэ газарай шорой галдагдажа, ханааб соо байгааша уһан үгы болотороо хаташаба.

4 Хаан түрэнүүд 1:10

Элияа тэрээндэ иигэжэ хэлэбэ: – Хэрбэеэ би Бурханай хүн байбални, гал тэнгэриһээ буужа, шамайе болон шинии табин сэрэгшэдые үнэһэн шандаруу болотор шатааг! Гал тэнгэриһээ буужа, тэрэниие болон тэрэнэй табин сэрэгшэдые үнэһэн шандаруу болотор шатааба.

4 Хаан түрэнүүд 1:12

Элияа тэрээндэ иигэжэ хэлэбэ: – Хэрбэеэ би Бурханай хүн байбални, гал тэнгэриһээ буужа, шамайе табин сэрэгшэдтэйшни хамта үнэһэн шандаруу болотор шатааг! Бурханай гал тэнгэриһээ буужа, тэрэниие табин сэрэгшэдтэйнь хамта үнэһэн шандаруу болотор шатааба.

1 Угай бэшэг 13:10

Эзэн тэрэ дары Уззаада уур хилэн боложо, гараа ханза руу һунгаһанайнь түлөө тэндэнь һалгаажа, тэрэ Бурханай урда гээгдэбэ.

1 Угай бэшэг 15:13

Манай Эзэн Бурханай заабаринуудые дүүргээгүй байһанаймнай түлөө маниие хэһээгээл.

1 Угай бэшэг 24:2

Надааб Абиһуу хоёр эсэгэһээ урид наһа бараһан юм, тэдэнэр хүбүүгүй байгаа; тиимэһээ Эльазаар Итамаар хоёр санаартанай уялгануудые дүүргээ.

Иоов 1:16

Тиигэжэ хэлэжэ байтарнь, баһа нэгэн ерэжэ хэлэбэ: – Тэнгэриһээ гэнтэ гал буужа, хонин һүрэгыешни адуулагша хонишодтойш дууһан үрэбхин һалгаа. Би гансаараа амиды үлэжэ, танда хэлэхээ яаран ерэбэб.

Псалманууд 50:3

Бурхан, энэрэл хайраараа Та намайе хайрлыт! Үршөөл ехэтэй Та алдуу эндүүем арилгыт!

Египедһээ гаралга 24:1

Эзэн Моисейдэ айладаба: – Аһароон, Надааб, Абиһуу болон Израилиин далан аха захатаниие абаад, хада өөдэ гаража, Намда, Эзэндэ, холоһоо мүргэгты.

Исай 30:33

Ассириин хааниие асари ехэ галда шатааха газар үнинэй бэлдэгдэнхэй. Тэрэ газар гүнзэгы, үргэн. Тэндэ үндэрөөр ябталаатай түлеэе шатаахын тула Эзэн гал дүлэ аманһаа гаргаха!

Левит 10:5

Тэдэнь ерээд, Моисейн хэлэһээр тэдэниие хубсаһанһаань баряад, хотон хүреэнһөө холо абаашаба.

Левит 16:1

Аһарооной хоёр хүбүүдэй Эзэнэй галда дайруулагдаад, наһа барахадань,

Левит 9:24

Гэнтэ Эзэнһээ гал ялабхин бадараад, үргэлэй шэрээ дээрэ байгша түгэс шатаалта үргэл ба өөхэ шатаажархиба, энээнииень арад зон хараад, баярлаһандаа хашхаралдан, уруугаа харан унаба.

Тоололго 14:37

Тэрэ орон нютаг тухай муу үгэ тарааһан зондо Эзэн тахал үбшэн һүжэрүүлэн, тэдэниие хюдаба.

Тоололго 16:35

Эзэнһээ ялбама гал гаража, уталга асарһан 250 хүниие шатаан галдаба.

Тоололго 16:49

Коорахай гэм зэмээр үхэгшэдһөө гадуур 14 700 хүн үхэбэ.

Тоололго 26:61

Гэбэшье Эзэнэй урда хариин гал үргөөд, Надааб Абиһуу хоёр үхэһэн байна.

Хэрэгүүд 5:10

Тэрэ эхэнэрынь удангүй хүлдэнь унажа, амяа табиба. Газааһаа ороһон залуу һүзэглэгшэд тэрэнэй наһа бараһые хараад, гэрһээ гаргаад, нүхэрэйнь хажууда хүдөөлүүлбэ.

Хэрэгүүд 5:5

Эдэ үгэнүүдые дуулахадаа Анания амяа табин унаба. Болоһон ушар тухай дуулаһан хүнүүд бултадаа аргагүй ехээр айн һүрдэбэ.

Коринфынхидтэ 1-дэхи 10:11

Тэдэ гай гасалангууд бусад зониие һэргылхын тула үбгэ эсэгэнэртэймнай тохёолдоо, тиин бүхы юумэнэй эсэсэйнь ерэхэ сагта ажамидарһан бидэниие һэргылхын тула бэшэгдээ.

1 Хаан түрэнүүд 6:19

Бэт-Шээмэшэй далан хүниие ханза нээжэ хараһанайнь тула Эзэн хюдан усадхаба. Арад зониие угаа ехээр хюдаһандань зон гашуудан уйлалдаа һэн.