Левит 10:13 - Библи

¹³ Энээниие арюун нангин газарта эдихэ ёһотойт. Энэ хадаа Эзэндэ үргэһэн үргэлэй шинии ба шинии хүбүүдэй нэрэтэ хуби гээшэ. Тиигэжэ намда захигдаһан юм.

Левит 10:13 Referencias Cruzadas

Эзэкээл 42:13

Тэрэ хүтэлэгшэ намда иигэжэ хэлэбэ: – Нангин үргөөгэй хойто болон урда талануудтань байгааша таһалганууд нангин гээшэ. Эзэнэй санаартан эгээл нангин үргэлнүүдые тэндэ үргэн байха. Талханай үргэл, нүгэл сагааруулгын үргэл, гарза харюулгын үргэл тэрэ нангин газарта үргэгдэхэ ёһотой.

Левит 10:12

Тиигээд Моисей Аһароондо, тэрээнэй үлэһэн Эльазаар Итамаар хоёр хүбүүдтэнь хэлэбэ: – Эзэндэ үргэһэн үргэлһөө үлэһэн талхан үргэлыень абаад, эһээлтэгүй хилээмыень үргэлэй шэрээгэй хажууда эдигты. Энэ хадаа аргагүй ехэ нангинай нангин зүйл гээшэ.

Левит 10:14

Тиигээд бэлэг гэжэ дэлгэгдэхэ үбсүүн ба бэлэг гэжэ үргэгдэхэ уусые ши өөрынгөө хүбүүд, басагадаараа хамта нэгэ сэбэр газарта эдеэрэй. Юуб гэхэдэ, энэ хадаа израильшуудай амгалан байдалай түлөө үргэһэн үргэлһөө шамда болон шинии хүбүүдтэ үгтэһэн нэрэтэ хуби гээшэ.

Левит 2:3

Талхан үргэлэй үлэгдэл хадаа Аһароондо ба тэрээнэй хүбүүдтэ хүртэхэ ёһотой. Энэ хадаа нангин, юуб гэхэдэ, Эзэндэ үргэһэн үргэлнүүдһээ абтаһан мүн.

Левит 6:16

Бусадыень Аһароон хүбүүдтэеэ эдихэ ёһотой. Хилээмэ эһээлтэгүйгөөр, нангин газарта эдихэ хэрэгтэй – майхан һүмын хашаа соо.

Тоололго 18:10

Таанад тэдэнээ нангин газарта эдихэ ёһотойт. Шинии гэр бүлын бүхы эрэшүүл эдиг. Энэ бол таанадта нангин болог.

Тоололго 5:10

Санаарта өөртэнь асарһан бэлэгүүдые өөртөө үлөөхэ, тэрээндэ үгтэһэн юумэн өөрынь лэ болохо.