Левит 1:5 - Библи

⁵ Тиигээд тэрэ Эзэнэй урда тус бухын амиинь таһалаг, санаарта Аһарооной хүбүүд шуһыень абаад, майхан һүмын үүдэндэ байһан үргэлэй шэрээгэй зүг бүхэниие сабдан сүршэхэ ёһотой.

Левит 1:5 Referencias Cruzadas

2 Угай бэшэг 35:11

Паасхын хурьгад, эшэгэдэй үүсэлэгдэхэдэ, левидүүд арһыень үбшэжэ абажа, санаартад үргэлэй шэрээ дээрэ шуһа сүршэжэ байба.

Египедһээ гаралга 29:11

Уулзалгын майхан һүмын үүдэндэ Эзэнэй үмэнэ бухын ами таһалхаш.

Египедһээ гаралга 29:16

Амииень таһалаад, шуһанһаань абажа, үргэлэй шэрээе тойруулан сүршэхэ болоно.

Египедһээ гаралга 40:6

Уулзалгын майхан һүмэдэ орохо үүдэнэй дэргэдэ түгэс шатаалта үргэлэй шэрээ табяарай.

Исай 52:15

Харин мүнөө олон үндэһэ яһатад Тэрэниие харахадаа гайхаха, хаашуул абяа шэмээгүй гэлын-гайхан байха. Тэдэ хараагүй юумэеэ мүнөө хараха, мэдээгүй юумэеэ мэдэжэ абаха».

Эзэкээл 36:25

Сэбэр уһаар таанадые сүршэхэб, онгонуудые зайсуулхаб, иигэжэ муу муухай бузарһаа һалахат.

Эзэкээл 43:18

Эзэн Бурхан иигэжэ айладхаба: – Хүнэй үри Эзэкээл! Үргэлэй шэрээгэй баригдажа дүүрэхэдэ, түгэс шатаалта үргэл үргэжэ, үргэлэй малай шуһа сүршэжэ, арюудхаха хэрэгтэй. Иимэ юумэ хэгты:

Левит 1:11

Тиигээд Эзэнэй урда, үргэлэй шэрээгэй хойто таладань асараад, амиинь таһалха ёһотой. Аһарооной санаартан үри һадаһад үргэлэй шэрээе шуһаарнь зүг бүхэнһөөнь сүршэг.

Левит 1:15

Санаартан тэрэниие үргэлэй шэрээдэ абаашаад, тархииень булга мушхаад, үргэлэй шэрээ дээрэ шатааг, харин шуһыень үргэлэй шэрээгэй хана руунь гоожуулаг.

Левит 16:15

Тиигээд арад зоной нүгэл сагааруулгын үргэл болгон тэхын амиинь таһалха. Халхабшын саана шуһыень оруулаад, тугалай шуһаар юу хээб, тэрээн шэнгеэр бүтээгээд, – арюудхалгын хушалта дээрэнь, урдань сүршэхэ.

Левит 17:11

Юундэб гэхэдэ, амитанай ами наһан шуһан соонь юм. Тэдэнэй шуһаар үргэл хэхыетнай Би танда захинаб, юундэб гэхэдэ, тэрэ шуһан танай нүгэл сагааруулгын үргэлэй түлбэри болоно гээшэ. Тэрэ шуһан танай нүгэл арюудхана.

Левит 3:13

гараа толгой дээрэнь табяад, майхан һүмын үүдэндэ амиинь таһалаг. Аһарооной хүбүүд шуһыень үргэлэй шэрээгэй зүг бүхэндэ сабдан сүршэхэ.

Левит 3:2

тархи дээрэнь гараа табяад, майхан һүмын үүдэнэй хажууда амиинь таһалаг. Аһарооной санаарта хүбүүд үргэлэй шэрээе зүг бүхэнһөөнь шуһаар сабдан сүршэхэ.

Левит 3:8

тархи дээрэнь гараа табяад, майхан һүмын дэргэдэ амиинь таһалаг. Аһарооной хүбүүд шуһаарнь үргэлэй шэрээ зүг бүхэнһөөнь сабдан сүршэг.

Левит 4:29

тэрэ нүгэл сагааруулгын үргэл болохо ямаанай тархи дээрэнь гараа табяад, түгэс шатаалта үргэлэй газарта абаашаад, тэрэ ямаанай амиинь таһалха.

Левит 4:33

нүгэл сагааруулгын үргэлдэ үргэһэн хониной тархи дээрэнь гараа табяад, түгэс шатаалта үргэлэй мал гаргадаг газарта абаашаад, амиинь таһалха.

Левит 4:7

Тиигээд санаарта Эзэнэй үмэнэ, майхан һүмэ соо байгаа санзай ууюулдаг үргэлэй шэрээгэй эбэрнүүдтэ үргэһэн малай шуһа түрхиг, бэшэ шуһыень майхан һүмын үүдэндэ байһан түгэс шатаалта үргэлэй шэрээгэй хаяа руу адхаг.

Михей 6:6

Огторгойн Эзэн Бурхандаа мүргэхэеэ ошоходоо, Би юу абаад ошохобиб? Түгэс шатаалта үргэл хэхэеэ нэгэ наһатай тугал абаад урдань ошохо гүб?

Тоололго 18:17

Гэбэшье түрүүшын түл болохо тугал, хурьган, эшэгэнэй түлөө түлбэри түлэхэ ёһогүйш. Юуб гэхэдэ, тэдэш сээргүй нангин амитад юм. Тэдэнэй шуһые үргэлэй шэрээдэ сүршэ, өөхыень шатаа, аятай һайхан хэншүү үнэрынь Эзэндэ һайшаагдаха.

Еврейнүүдтэ 10:11

Хэдышье иудейн санаартадай үдэр бүхэн өөрынгөө алба гүйсэдхэн, нэгэ адли юумэеэ оло дахин тахил болгон асардаг байхадань, тэдэ тахилнуудынь нүгэлнүүдые хэзээшье арилгажа шададаггүй.

Еврейнүүдтэ 12:24

Таанад Аабэлэй сасаһан шуһанда орходоо бүри һайн юумэнүүдые үгэхөөр найдуулан Шэнэ Хэлсээе баталһан Иисүүсэй сасагдаһан шуһанда ерээт.

Пётрой 1-дэхи хандалга 1:2

Иисүүс Христоосой үгэ дуулажа, шуһаарнь сэбэрлүүлхын тула таанад Эсэгэ Бурханай эрхэ мэдэлээр шэлэгдэжэ абтаһан байгаат, Тэрэнэй Арюун Һүлдын ашаар арюудхагдаат. Бурханай үршөөл хайра, амгалан тайбан та бүхэнтэй элбэг дэлбэг байхань болтогой.

1 Хаан түрэнүүд 1:25

Тиигээд тэдэ буруугаа үүсэлжэ үргэбэ, хүбүүгээ Элиидэ дүтэлүүлбэ.