Левит 1:4 - Библи

⁴ Һайшаагдахынь тула, нүгэлөө сагааруулхын тула үргэл хэгшэ хүн тэрэ бухынгаа тархи дээрэ гараа табиг.

Левит 1:4 Referencias Cruzadas

Египедһээ гаралга 28:38

Аһарооной духа дээрэ уягдаха. Израиль угсаатанай оруулдаг үргэлэй зүйлнүүдтэ бүхы дутуу дундыень Аһароон өөр дээрээ абаха уялгатай. Аһарооной духа дээрэ тэрэ хабтаһаниинь ходо байха ёһотой – тиихэдээ үргэлынь Эзэнэй һанаанда таараха жэшээтэй.

Египедһээ гаралга 29:10

Уулзалгын майхан һүмын хажууда буха асархаш. Аһароон хүбүүдтэеэ бухын тархида гараа табюужаг.

Египедһээ гаралга 29:15

Удаань нэгэ хуса асараарай, Аһароон хүбүүдтэеэ тархи дээрэнь гараа табюужаг.

Египедһээ гаралга 29:19

Хоёрдохи хусаяа абаарай, Аһароон хүбүүдтэеэ тархи дээрэнь гараа табюужаг.

Египедһээ гаралга 29:33

Тэдэниие арюудхалгын, тэдээндэ һахил хүртөөлгын, нангин болгоһоной үедэ үргэһэн үргэлые тэдэ өөһэдөө эдихэ ёһотой. Харин ондоо хүн огто эдихэ ёһогүй, энэ бол нангин зүйл.

Исай 56:7

«Би таанадые Өөрын нангин уула руу асархаб, Намда зальбардаг үргөө соо тэдээндэ баяр үршөөхэб, үргэлэй шэрээ дээрэ дурадхаһан түгэс шатаалта үргэл болон бусад үргэлнүүдыетнай дуратайгаар абахаб. Минии гэр бүхы үндэһэ яһатадай зальбарха мүргэл зальбаралай гэр гэжэ нэрлэгдэхэ».

Эзэкээл 45:15

Хоёр зуун хонин һүрэгһөө нэгэ хони тэдэ мүн лэ асарха. Талханай үргэл, түгэс шатаалта үргэл болон амгалан байдалай түлөө үргэл иигэжэ хэгдэхэ болоно. Тиихэдэнь Би, Эзэн Бурхан, тэдэ зоной нүгэл арюудхахаб.

Даниил 9:24

Эсэргүүсэһэн ябадал мартагдахын, нүгэл арюудхагдахын, гэм зэм амасагдахын тула, үнэн зүб ябадалай хэтэ мүнхэдөө мандахын, үзэгдэл болон лүндэн дээрэ тамга табигдахын тула, Нангинай нангин газарай арюудхагдан тоһологдохын тула дала дахин долоон хоног үнгэрхэ ёһотой. Иимэ сагай хугасаа соо арад зонтнай, нангин хототнай нүгэлөө амасаха гээд Бурхан тодорхойлоо.

Левит 16:21

Аһароон хоёр гараа тэрэ тэхын тархи дээрэ табяад, израильшуудай бүхы хуули буса, гэмтэ ябадалнуудыень, бүхы нүгэлыень наманшалаад, тэхын тархи дээрэ тээгээд, тэрээнээ харууһалагша хүнтэй сүл губи руу табижархиха.

Левит 16:24

бэеэ нангин газарта уһаар угаагаад, хубсаһаа үмдөөд, гараха. Тиигээд өөрынгөө түлөө, арад зонойнгоо түлөө түгэс шатаалта үргэл үргөөд, өөрыгөө, арад зоноо арюудхаха.

Левит 22:21

Хэн нэгэн өөрынгөө тангариг хүсэлдүүлжэ, оролдолго гаргажа, томо бодо мал, үгышье һаа, жэжэ мал амгалан байдалай түлөө үргэхэдөө, һайн мал, тобир тарган, зэмдэггүй мал Эзэндээ үргэхэ ёһотой.

Левит 22:27

– Хэрбээ тугалай, хурьганай, эшэгэнэй гарахада, долоон хоног соо эхыень хүхүүлхэ, наймадахи үдэрһөө хойшо Эзэндэ үргэгдэжэ болохо.

Левит 3:13

гараа толгой дээрэнь табяад, майхан һүмын үүдэндэ амиинь таһалаг. Аһарооной хүбүүд шуһыень үргэлэй шэрээгэй зүг бүхэндэ сабдан сүршэхэ.

Левит 3:2

тархи дээрэнь гараа табяад, майхан һүмын үүдэнэй хажууда амиинь таһалаг. Аһарооной санаарта хүбүүд үргэлэй шэрээе зүг бүхэнһөөнь шуһаар сабдан сүршэхэ.

Левит 3:8

тархи дээрэнь гараа табяад, майхан һүмын дэргэдэ амиинь таһалаг. Аһарооной хүбүүд шуһаарнь үргэлэй шэрээ зүг бүхэнһөөнь сабдан сүршэг.

Левит 4:15

Арадай ахамад ноёд Эзэнэй үмэнэ тэрэ буруунай тархи дээрэ гараа табиха, тиигээд Эзэнэй үмэнэ амиинь таһалха ёһотой.

Левит 4:20

Нүгэл сагааруулгын үргэлдэ үргэһэн буруунтай юу хэдэг бэ, тэрээнииень бүтээхэ. Иигэжэ санаартын арюудхан бүтээхэдэнь, нүгэл хилэнсэнь арилгагдаха.

Левит 4:24

Тэхын тархи дээрэнь гараа табяад, Эзэнэй үмэнэ, түгэс шатаалта үргэлэй газарта абаашаад, амиинь таһалаг: энэ хадаа нүгэл сагааруулгын үргэл гээшэ.

Левит 4:26

Амгалан байдалай түлөө үргэһэн үргэл шэнгеэр, бүхы өөхыень үргэлэй шэрээ дээрэ шатааг. Иигээд санаарта нүгэл хилэнсыень арюудхаад, тэрээндэ хүлисэл үршөөгдэхэ.

Левит 4:29

тэрэ нүгэл сагааруулгын үргэл болохо ямаанай тархи дээрэнь гараа табяад, түгэс шатаалта үргэлэй газарта абаашаад, тэрэ ямаанай амиинь таһалха.

Левит 4:31

Амгалан байдалай түлөө үргэһэн үргэлдэл адляар бүхы өөхыень илгаад, санаарта үргэлэй шэрээ дээрэ галдажа, Эзэндэ таатай һайхан, үргэлэй хуншуу үнэр гаргаха. Иигэжэ тэрээниие санаарта арюудхаад, тэрээндэ хүлисэл үршөөгдэхэ.

Левит 4:33

нүгэл сагааруулгын үргэлдэ үргэһэн хониной тархи дээрэнь гараа табяад, түгэс шатаалта үргэлэй мал гаргадаг газарта абаашаад, амиинь таһалха.

Левит 4:35

Амгалан байдалай түлөө үргэһэн хониной өөхэ илгаһандал адляар, санаарта бүхы өөхыень илгаад, Эзэндэ үргэл болохыень үргэлэй шэрээ дээрэ тэрээниие галдаха. Иигэжэ санаарта хэһэн нүгэлыень арюудхаад, тэрээндэ хүлисэл үршөөгдэхэ.

Левит 4:4

Тэрэнээ майхан һүмын урда асараад, толгой дээрэнь гараа табяад, Эзэнэй үмэнэ амиинь таһалаг.

Левит 5:6

нүгэл хэһэнэйнгээ түлөө Эзэндэ жэжэ малһаа хони гү, али ямаа асараад, нүгэл сагааруулгын үргэл үргэг. Санаарта нүгэлыень арюудхаха.

Левит 6:7

Тиигээд санаарта Эзэнэй үмэнэ тэрэнэй нүгэл сагааруулаад, тэрэ хүнэй гэмынь хүлисэгдэхэ.

Левит 8:14

Тиигээд тэрэ нүгэл сагааруулгын үргэл болохо нэгэ буха асарба; Аһароон хүбүүдтэеэ нүгэлэй түлөө үргэл болохо бухын тархида гараа табиба.

Левит 8:18

Түгэс шатаалта үргэлэй хуса асараад, Аһароон хүбүүдтэеэ дээрэнь гараа табиба.

Левит 8:22

Тиигээд тэрэ һахил хүртөөлгын үргэлэй хоёрдохи хусаяа асарба. Аһароон хүбүүдтэеэ тархи дээрэнь гараа табиба.

Левит 9:7

Тиигээд Моисей Аһароондо хэлэбэ: – Үргэлэй шэрээ дээрэ нүгэл сагааруулгын өөрын үргэл болон түгэс шатаалта өөрын үргэл үргөөд, өөрыгөө ба арад зоноо арюудха. Эзэнэй захирһанай ёһоор, арад зонойнгоо түлөө нүгэл сагааруулгын үргэл үргэхэ хэрэгтэй.

Тоололго 15:25

Арад зоноо арюудхахын тула албата ажалаа санаарта хэг. Хүнүүд мэдэнгүй нүгэл хээд, хэһэн тэрэ нүгэлөө мэдэржэ, нүгэл сагааруулгын үргэлдэ, түгэс шатаалта үргэлдэ Эзэндэ үргэл-бэлэг асараг.

Тоололго 15:28

Тэрэнэй нүгэл арюудхахын тула санаарта Эзэнэй урда тахил мүргэл хэг. Тиихэдэнь тэрэ хүн эндүү алдуугаа мэдэржэ, нүгэлһөө арюудхан сэбэрлэгдэхэ.

Тоололго 25:13

Баталһан хэлсээмни иимэ: тэрэнэй гэр бүлэ хододоо санаартад болохо. Ушар юуб гэхэдэ, тэрэ өөрынгөө Бурханда оролдосотойгоор хандажа, иимэ үйлэ хэрэг бүтээгээд, израильшуудай гэмые сагааруулаа.

Тоололго 8:10

левидүүдые Эзэнэй урда асара. Израильшууд альгануудаа левидүүдэй толгой дээрэ табиг.

Тоололго 8:12

Левидүүд альгануудаа тугалнуудай толгой дээрэ табиг. Тиигээд эдэ тугалай нэгэн нүгэл сагааруулгын үргэл, нүгөөдэнь түгэс шатаалта үргэл болон үргэгдэхэ. Энэ бол левидүүдые арюудхалгын ёһолол мүн.

Римэйхиндэ 12:1

Зай, аха дүүнэрни, Бурханай үршөөл хайраар өөһэдыгөө арюун сэбэр, таатай, амиды үргэл болгон Бурханда асарагты гэжэ гуйнаб. Тиигэбэл, тэрэтнай танай бодото алба болохо.

Римэйхиндэ 3:25

Бурхан маанадтай эбтэй эетэй болохын тула Христоосые тахил болгон эльгээгээ. Тиимэһээ бидэ Тэрээндэ һүзэглэһэнэйнгөө ашаар Бурхантай эблэрнэбди. Бурхан урдань тэсэбэритэй, нүгэлтэнүүдые тоонгүй байһанаараа үнэн зүб байһанаа харуулба. Баһа Иисүүстэ һүзэглэһэн зониие үнэн сэдьхэлтэй гэжэ тоолоходоо, Бурхан үнэн зүб байһанаа харуулна.

Римэйхиндэ 5:11

Бурханай маанадтай эб найрамдал тогтоохоор Эзэн Иисүүс Христоосые эльгээһэн ушарта бидэ аргагүй баяртай байнабди.

Филиппынхидтэ 4:18

Би таанадай эльгээһэн бүхы юумые абааб – тэдэ бүхэн намда хангалтай хүрөө. Таанадай үгэһэн бүхы бэлэгүүдые Эпапродиит намда асаржа үгөө, мүнөө хэрэгтэй бүхы юумэн намда байна. Хоншуу хангалтай уталга Бурханда ехэ таарамжатай зохид байдагтал адли тэрэ танай бэлэгүүд баясуулна.

Иоаннай 1-дэхи хандалга 2:2

Бидэнэй хэһэн нүгэлэй, гансашье бидэнэй бэшэ, харин бүхы дэлхэйнхидэй хэһэн нүгэлэйнь түлөө Иисүүс Өөрыгөө үргэл болгоо.