Колоссынхидтэ 3:4 - Библи

⁴ Танай бодото амидарал болбол Христоос гээшэ, тиин Тэрэнэй ерэхэдэ, таанадшье Тэрээнтэй хамта алдартань хүртэлсэн ерэхэт.

Шэнэ Хэлсээн

⁴ Танай бодото амидарал болбол Христос гээшэ, тиин тэрэнэй ерэхэдэ таанадшье тэрээнтэй хамта алдартань хүртэлсэн ерэхэт.

Колоссынхидтэ 3:4 Referencias Cruzadas

Псалманууд 17:15

Годлинуудаа харбажа, дайсадые сасан бутаргааба, олоор сахилгаа сахилуулжа, бута сохибо.

Матвей 13:43

Харин үнэн сэдьхэлтэн Эсэгынгээ хаан түрэ соо нарандал адляар яларха. Шэхэтэй юм һаа, анхарагты!

Лука 17:30

Хүн түрэлхитэнэй Хүбүүнэй газарта бууха үдэр эгээл тиимэ юумэн болохо!

Иоанн 11:25

– Би хадаа Амидыралга гээшэб, Ами наһан гээшэб. Намда этигэдэг хүн үхөөшье һаа, амиды болохо.

Иоанн 14:3

Ошожо, таанарта байра бэлдэхэб; Минии байдаг газарта Намтай суг байлсахынтнай тула Би һөөргөө бусажа ерээд, таанарые абаашахаб.

Иоанн 14:6

– Би болбол Харгы зам гээшэб, Үнэн зүйл, Ажамидарал гээшэб. Намаар дамжан ошоогүй хүн Эсэгэдэ хүрэжэ шадахагүй.

Иоанн 17:24

Эсэгэмни аа! Танай үгэһэн хүнүүдэй Намтай хамта Минии ошохо газарта байхыень хүсэнэб. Юртэмсэ дэлхэйн бии болохоһоо урда Та Намда дуратай байжа, Намда олгоһон алдар солыетнай тэдэнэр хараг лэ.

Иоанн 20:31

Теэд Иисүүс болбол Бурханай табисуурта, Бурханай Хүбүүн гэжэ таанарай этигэхын түлөө, Иисүүстэ этигэдэгэйнгээ ашаар амиды ябахынтнай түлөө энэ бүхы юумэн бэшэгдэбэ гээшэ.

Хэрэгүүд 3:15

Таанар Амидарал бүтээгшые алабат, харин Бурхан Тэрэниие амидыруулаа. Бидэ тэдэ үйлэ хэрэгүүдэй гэршэнэрбди.

Римэйхиндэ 8:18

Мүнөөнэй сагта зобожо байһамнай ерээдүйдэ маанадта үгтэхэ алдарай хажууда юуншье бэшэ гэжэ бодоноб.

Римэйхиндэ 8:19

Бүтээгдэһэн бүхы юумэнүүд Бурханай Өөрын үхибүүдые элирүүлэн харуулхыень аргагүй ехээр хүлеэжэ байна.

Коринфынхидтэ 1-дэхи 1:7

Тиимэһээ манай Эзэн Иисүүс Христоосой ерэхые хүлеэхэ үедээ таанад ямаршье абьяас бэлигээр дуталданагүйт.

Коринфынхидтэ 1-дэхи 15:43

Һуулгагдахадаа, тэрэ нэрэ түрэгүй, ахир һула байха, харин амидырхадаа, алдартай, һүр хүсэтэй байха.

Коринфынхидтэ 2-дохи 4:17

Тиимэ ойро зуурын бэрхэшээл зоболонгууд маанадта угаа ехэ мүнхын алдар асардаг.

Филиппынхидтэ 3:21

Бүхы юумые Өөрын эрхэ мэдэлдэ оруулха аргатай хүсэ шадалаараа Тэрэ манай ахир һулахан бэенүүдые хубилгажа, Өөрынгөө алдарта бэетэй адлихан болгохо.

Фессалоникиинхидтэ 1-дэхи 4:17

Тиигээд амиды байһан бидэнэр тэдэ үхэһэн хүнүүдтэй хамта Эзэниие угтахаяа агаарта үүлэн дээрэ дэгдэхэбди. Тиигээд Эзэнтэй ходол хамта байхабди.

Тимофейдэ 2-дохи 1:1

Инаг хайрата Тимофей хүбүүмни, шамда би Павел бэшэнэб. Би Бурханай эрхэ мэдэлээр элшэнгээр һунгагдаад, маанадта Иисүүс Христоостой нэгэдэхэдэмнай найдуулагдаһан амидарал тухай номнохоёо эльгээгдэһэн байгааб. Эсэгэ Бурхан болон манай Эзэн Иисүүс Христоос шамда һайн һайханиие, үршөөл хайра ба амгалан тайбаниие үршөөг лэ.

Тимофейдэ 2-дохи 4:8

Тиимэһээ үнэн сэхэ Заргаша, Эзэн тэрэ үдэр намда үгэхэ шагналаа мүнөө бэлдээд байна. Тэрэ шагнал гансал намда үгэхэ бэшэ, харин Тэрэнэй ерэхые хүлеэжэ байһан бүхы зондо үгэхэ.

Тидтэ 2:13

Манай агууехэ Бурханай, Абарагша Иисүүс Христоосой алдарай элирхэ тэрэ үршөөлтэй Үдэртэ найдан, тэрэ Үдэрые хүлеэжэ байнабди.

Еврейнүүдтэ 9:28

Тон тиигэжэл Христоос олон зоной нүгэлнүүдые хүлисүүлхээр Өөрыгөө нэгэтэ үргэл болгон асараа. Тэрэ хоёрдохиёо нүгэлнүүдые арилгахаяа бэшэ, харин Тэрэниие хүлеэжэ байһан зониие абархаяа ерэхэ.

Пётрой 1-дэхи хандалга 1:13

Тиимэһээ һэргэлэн байгты, оюун ухаагаараа хүдэлхэдэ бэлэн байгты. Иисүүс Христоосой ерэхэ Үдэр таанадта үгтэхэ буян хэшэгтэ аргагүй ехээр найдажа байгты.

Пётрой 1-дэхи хандалга 5:4

Тиигэбэл, таанад эгээн ехэ Адуулагшын ерэхэдэ, һүнэшэгүй алдарай шагналда хүртэхэт.

Иоаннай 1-дэхи хандалга 2:28

Үхибүүд, мүнөө таанар Христоостой нэгэн хамта байгты. Тиигээ һаа, Тэрэнэй бусажа ерэхэдэнь, бидэ айхые мэдэхэгүйбди, эшэхэгүйбди.

Иоаннай 1-дэхи хандалга 3:2

Инаг хайрата аха дүүнэрни, бидэ мүнөө Бурханай үхибүүд гээшэбди, теэд саашадаа ямар болохомнай үшөөл мэдэгдэнэгүй. Христоосой ерэхэдэ, Тэрээндэл адли болохобди гэжэ ойлгонобди, юундэб гэбэл, бидэ Тэрэниие үнэн бодото зандань харахабди.

Иоаннай 1-дэхи хандалга 5:12

Бурханай Хүбүүнтэй хүндэ мүнхын амидарал үршөөгдэхэ, Бурханай Хүбүүнгүй байһан хүндэ тиимэ амидарал үгтэхэгүй.

Иудын хандалга 1:24

Таанадые нүгэлдэ унахаһаатнай аршалжа, Өөрынгөө Алдарай урда тээ хирэгүй сэбэр, баяртай байлгажа шадаха,

Гэршэлгэ 2:7

Һүзэглэгшэдэй бүлгэмүүдтэ Арюун Һүлдын хэлэһэниие шэхэтэй юм һаа, шагнаг лэ! Бурханай сэсэрлигтэ ургадаг мүнхэ амидаралай модоной жэмэсые амталха эрхэ илаашада үгэхэб».

Гэршэлгэ 22:1

Болор мэтэ ялалзаһан амидаралгын уһанай гол мүрэниие удаань намда Эльгээмэл харуулаа. Тэрэ гол мүрэн Бурханай болон Үргэлэй Хурьганай хаан шэрээгэй дороһоо урдан гарадаг.

Гэршэлгэ 22:14

Хубсаһаа сэбэрлэгшэд жаргалтай! Тэдэнэр амидаралай модондо хүртэлсэхэ эрхэтэй, тэдэнэр хаалгын үүдээр хотодо орохо эрхэтэй.