Колоссынхидтэ 3:22 - Библи

²² Барлагууд, эзэдэйнгээ үгэ ходо дуулагты. Билдагуушадтал адли эзэдэйнгээ гансал хаража байхадань бэшэ, харин тэдээндэ һайшаагдаха юумэ гэнэн зүрхэнһөөн, Бурханда һүгэдэн, ходо хэжэ байгты.

Шэнэ Хэлсээн

²² Барлагууд, эзэдэйнгээ үгэ ходо дуулажа байгты. Билдагуушадтал адли эзэдэйнгээ гансал хаража байхадань бэшэ, харин тэдээндэ һайшаагдаха юумэ гэнэн зүрхэнһөөн, Бурханда һүгэдэн, ходо хэжэ байгты.

Колоссынхидтэ 3:22 Referencias Cruzadas

Эхин 42:18

Гурбадахи хоногтоо Иосиф тэдэниие дуудаад, иигэжэ хэлэбэ: – Эзэн Бурханһаа айдаг ушарһаа би хүниие алахагүйб. Амиды мэндэ ябаха дуратай һаа, минии хэлэһыемни бүтээгты!

Нэхэмьяа 5:15

Минии урдахид арад зондо хүндэ хүшэр ашаан мэтэ һэн, засаг баряашад дүшэн шээкэл мүнгэнһөө гадуур өөһэдтөө амтан эдеэ хоолоор, жэмэсэй архяар тэдхэмжэ эридэг байгаа. Тэдэнэй зарамалнууд хүн зониие зобоодог һэн. Би Бурханаа ехээр хүндэлдэг ушарһаа иимэ ааша гаргаагүйб.

Нэхэмьяа 5:9

Тиигээд би үргэлжэлүүлбэб: – Таанар аргагүй муухай үйлэ хэрэгүүдые үүсхэжэ байнат. Нэн түрүүн өөһэдынгөө Бурханһаа айха ёһотой байгаат! Таанар манай дайсад, буруу номнолтоной наада энеэдэн болохо гэжэ байнат.

Псалманууд 123:2

Зоной маанадай урдаһаа бодоходо Эзэн бидэнтэй байгаагүй һаань,

Экклезиаст 12:13

Эдэ бүгэдын удха гэбэл: Бурханһаа түбэгшөөдэг бай, Тэрэнэй захяа заабари сахидаг бай, хүндэ хабаатай бүхы юумэн тэрээн соо байха.

Экклезиаст 5:7

Алибаа орон нютагта ядуушуулые хашахые, хэрэг шүүлгэ болон үнэниие үгы хэхые харабал, бү гайхаарайгты, юуб гэхэдэ, нэгэ түшэмэлые нүгөөдэнь хаража, тэдэниие үшөө дээгүүр хаража байдаг.

Экклезиаст 8:12

Нүгэлтэ зуу дахин нүгэл үйлэдөөшье һаа, ута наһа наһалдаг ушар байдаг, гэбэшье Бурханһаа түбэгшөөн, Тэрээндэ һүгэдэгшэнь юунһээшье үлүү гэжэ мэдэнэм.

Малаахи 1:6

Минии нэрэ дарадаг санаартад, «Хүбүүниинь эсэгээ, зараса эзэнээ хүндэлдэг. Би эсэгэтнай болодог юм һаа, Намайе хүндэлһэнтнай алин гээшэб?» гэжэ Түмэн Сэрэгтэ Эзэн таанадта айладхажа байна. Харин таанад «Бидэ Танай нэрэ яажа доройтуулаабибди?» гэжэ асуудагта.

Матвей 6:22

Нюдэн болбол бэеын гэрэл болоно. Нюдэнэйшни арюун гэрэлтэй байгаа һаа, бүхы бэешни гэрэлтэй гэгээн байха.

Матвей 8:9

Ушарынь хэлэбэл, бишье баһал дээрээ ноёдтой, мүн мэдэлдээ сэрэгшэдтэй хүнби. Тэдэнэйнгээ нэгэндэнь: «Ошо» гэхэдэм ошодог, нүгөөдэдэнь: «Ерэ» гэхэдэм ерэдэг, зарасадаа: «Тэрээниие хэ» гэхэдэм хэдэг юм.

Лука 6:46

– Минии зааһанай ёһоор һайн юумэ үйлэдэхэгүй аад, юунэйхиие Эзэн, Эзэн гэжэ Намайе нэрлэнэбта?

Лука 7:8

Ушарынь хэлэбэл, бишье баһал дээрээ ноёдтой, мүн мэдэлдээ сэрэгшэдтэй хүнби. Тэдэнэйнгээ нэгэндэнь: «Ошо» гэхэдэм ошодог, нүгөөдэдэнь: «Ерэ» гэхэдэм ерэдэг, зарасадаа: «Тэрээниие хэ» гэхэдэм хэдэг юм.

Хэрэгүүд 2:46

Тэдэнэр үдэр бүри һанал нэгэдэн Һүмэдэ сугларжа, гэр бүхэндэ хамта хоол баридаг, баяр баясхалангаар дүүрэн, сэдьхэл тэнюун хоолоо барижа,

Коринфынхидтэ 2-дохи 7:1

Нүхэдни, Бурхан эдэ найдуулгануудаа маанадта үгөө. Тиимэһээ бэеыемнай, һүнэһэ һүлдыемнай бузарладаг юумэнүүдһээ өөһэдыгөө сэбэрлэел, Бурханда һүгэдэн, гүйсэд арюун байял.

Галадуудта 1:10

Иигэжэ хэлэхэдээ би хүнүүдэй һайшаалда хүртэхэеэ оролдоно гүб, али Бурханай һайшаалда гү? Иихэдээ хүнүүдэй һанаанда һайн болохоёо оролдоно гүб? Хэрбээ би хүнүүдэй урда хойгуур гүйдэг байгаа һаа, Христоосой зараса байхагүй һэм.

Колоссынхидтэ 3:20

Үхибүүд, эхэ эсэгынгээ үгэ ходо дуулажа ябагты. Эзэн тиимэ ябадалые һайшаадаг.

Фессалоникиинхидтэ 1-дэхи 2:4

Бурхан бидэниие туршаад, Һайн Мэдээсэл номнохыемнай даалгаа. Тиимэһээ номноходоо, бидэ хүнүүдтэ һайшаагдаха гэжэ оролдодоггүйбди, харин бидэнэй һанал бодолые туршажа байдаг Бурханда һайшаагдаха гэжэ оролдодогбди.

Филимондо 1:16

Мүнөө тэрэ ганса барлаг бэшэ, харин барлагһаа үлүү ехэ: тэрэ хайрата дүү гээшэ. Мүнөө би тэрээниие ехэл һайшаанаб. Харин хүн байһан хубидаа, Эзэнээр дүүшни гэжэ нэрлэгдэһэн хубидаа тэрэ шамда бүришье хайратай байхал.