Колоссынхидтэ 3:17 - Библи

¹⁷ Ямаршье юумые Эзэн Иисүүсэй нэрэ алдарай түлөө хэжэ, али хэлэжэ байгты, Тэрэнээр дамжуулан Эсэгэ Бурхандаа баяр хүргэгты.

Шэнэ Хэлсээн

¹⁷ Ямаршье юумые Дээдын Эзэн Иисусай нэрэ алдарай түлөө хэжэ, али хэлэжэ байгты, тэрэнээр дамжуулан Эсэгэ Бурхандаа баяр хүргэжэ байгты.

Колоссынхидтэ 3:17 Referencias Cruzadas

3 Хаан түрэнүүд 18:32

Эдэ шулуунуудаар Элияа Эзэндэ мүргэхэ үргэлэй шэрээ бодхоогоо һэн. Тиигээд үргэлэй шэрээгэй хажуугаар хоёр саата таряа багтамаар үргэнтэй ханааб малтаба.

Һургаал 3:6

Өөрын бүхы замда Тэрэниие танижа мэдэ. Тэрэ шинии замые шууд сэхэ болгоно.

Михей 4:5

Арад бүхэн өөрын бурхадта мүргэдэг, харин бидэ өөрын Эзэн Бурхандаа хэтэ мүнхэдөө мүргэн, шүтэн ябахабди.

Матвей 28:19

Зай, ошожо, бүхы арадуудта Минии һургаал айладхагты, Эсэгын, Хүбүүнэй, Арюун Һүлдын нэрээр тэдэниие уһаар арюудхагты.

Хэрэгүүд 19:17

Энэ ушар тухай Эфестэ ажаһуудаг еврейнүүд, еврей-бэшэнэр баран сонособо. Тэдэ булта айн һүрдэжэ, Эзэн Иисүүсэй нэрэ хүндэлжэ эхилбэ.

Хэрэгүүд 4:30

Танай гэгээн зараса Иисүүсэй нэрэ алдараар хүнүүдые аршалан эдэгээжэ, гайхамшаг хэрэгүүдые болон тэмдэгүүдые үзүүлхымнай тула һүр хүсөө харуулыт даа».

Римэйхиндэ 1:8

Бүхы газар дэлхэйнхидэй танай этигэл һүзэг тухай дуулажа байһандань би Иисүүс Христоосоор дамжуулан та бүхэнэй түлөө нэн түрүүн Бурханда баяр баясхалан хүргэнэб.

Коринфынхидтэ 1-дэхи 10:31

Тиихэдээ эдинэ гүт, али ууна гүт, али ямаршьеб даа ондоо юумэ хэнэ гүт, бүхы юумые Бурханай алдарай түлөө хэжэ байгты.

Эфесэйхиндэ 1:17

Манай Эзэн Иисүүс Христоосой Бурхан, алдарай Эсэгэ Өөрыень таанадай мэдэрхынтнай тулада сэсэн ухаан үршөөдэг Һүлдые таанадта хайрлаг лэ.

Эфесэйхиндэ 5:20

Манай Эзэн Иисүүс Христоосой нэрээр Эсэгэ Бурханда бүхы юумэнэй түлөө үргэлжэ баяр баясхалан хүргэжэ байгты.

Филиппынхидтэ 1:11

Хэһэн бүхы үйлэ хэрэгүүдтнай Иисүүс Христоосой нүлөөгөөр үнэндөө һайн һайхан байхал. Тиигэжэл Бурхан алдаршаха, Тэрээндэ магтаал соло дуудаха.

Филиппынхидтэ 2:11

тиигээд Эсэгэ Бурханай алдар солодо, Иисүүс Христоос болбол Эзэн юм гэжэ хүн бүхэн айладхажа байха.

Колоссынхидтэ 2:7

Таанадые һургаһан ёһоор Тэрээн соо үндэһэеэ гүнзэгы табигты, Тэрэниие һуури болгон ажамидаралаа зохёогты, бүри ехээр Тэрээндэ һүзэглэжэ байгты. Тиигэхэтэйгээ сасуу Бурханда ходо баяр хүргэжэ байгты.

Колоссынхидтэ 3:15

Христоосой хайрлажа байһан энхэ тайбан таанадай зүрхэ сэдьхэлые хүтэлжэ байг лэ. Бурхан энхэ тайбанай тулада таанадые дуудажа, нэгэ бэе болгон нэгэдхээ. Үргэлжэ баяр хүргэжэ байгты.

Колоссынхидтэ 3:23

Ямаршье юумэ хэхэдээ, эзэдынгээ магтаалда хүртэхын тула бэшэ, харин Эзэнэй һайшаалда хүртэхын тула үнэн зүрхэнһөө зүдхэжэ байгаарайт.

Фессалоникиинхидтэ 1-дэхи 1:1

Фессалоники хотын һүзэглэгшэдэй бүлгэм, таанадые Павел, Силуан, Тимофей гурбан амаршална. Эсэгэ Бурхан ба Эзэн Иисүүс Христоос таанадта үршөөл хайра ба амгалан тайбаниие үршөөг лэ!

Фессалоникиинхидтэ 1-дэхи 5:18

Ямаршье нүхэсэлдэ бүхы юумэнэй түлөө бүгэдэндэ баясхалан хүргэжэ байгты. Иисүүс Христоосой харуулһан ёһоор тиимэ юумэ хэжэ байхыетнай Бурхан таанадһаа хүсэнэ.

Фессалоникиинхидтэ 2-дохи 2:17

һанааетнай заһажа, үлзытэй үйлэ ходо бүтээжэ, хэлэжэ байхыетнай таанадые зоригжуулаг лэ.

Еврейнүүдтэ 1:5

«Ши Минии Хүбүүмниш. Мүнөөдэр Би Шинии Эсэгэшни болооб», – гэжэ Бурхан Өөрынгөө Эльгээмэлнүүдэй нэгэндэньшье хэлээ аал? «Би Тэрэнэй Эсэгэнь болохоб, Тэрэ Минии Хүбүүн болохо», – гэжэ Бурхан нэгэшье Эльгээмэл тухай хэлээ аал?

Еврейнүүдтэ 13:15

Тиимэһээ Иисүүсээр дамжуулан магтаалай үргэл Бурханда хододоо асаржа байял, Тэрэниие Эзэн гэжэ зүбшөөн үреэлөөрөө үргэл асаржа байял.

Пётрой 1-дэхи хандалга 2:5

Таанад амиды шулуунуудта адли Бурханда ерэгты, тиигээд Бурхан таанадһаа һүмэ бодхоохо, тиигээд тэрэ һүмэдөө таанад гэгээн санаартан болоод, Иисүүс Христоосоор дамжуулан, Арюун Һүлдэһөө Бурханда һайшаагдаха оюун ухаанай үргэл асаржа байгты.

Пётрой 1-дэхи хандалга 2:9

Тиихэдэ таанад шэлэгдэжэ абтаһан угсаатан гээшэт, Хаанай санаартад, нангин арад, Бурханай хүнүүд болонот, шэб харанхыһаа таанадые гайхалтай гэрэл туяадаа дуудаһан Бурханай агууехэ үйлэ хэрэгүүд тухай номнохоор шэлэгдэһэн хүнүүд гээшэт.

Пётрой 1-дэхи хандалга 4:11

Номножо байһан хүн Бурханай Мэдээсэлые номножо байг лэ; алба хэжэ байһан хүн Бурханай үршөөһэн хүсэ шадалаар өөрыгөө бэхижүүлжэ байг лэ. Бүхы юумэнүүд Иисүүс Христоосоор дамжан, Бурханиие алдаршуулжа байг лэ! Бурхан хэтын хэтэдэ алдар солотой, хүсэ шадалтай байхань болтогой! Зобоходоо баясажа байгты.

Иоаннай 1-дэхи хандалга 2:23

Хүбүүндэнь этигэдэггүй һаа, Эсэгэгүй байна гэһэн удхатай. Хүбүүндэнь этигэдэг хүн Эсэгэтэйнь хамта байна.

Иоаннай 1-дэхи хандалга 3:18

Үхибүүдни, иигэжэ дэмы хооһон ама хэлээрээ дурлаһан хэбэр үзүүлээд бү байя, харин үнэхөөрөө дуратай байһанаа үнэн бодото хэрэгээрээ харуулая!